Tula-tulando rasulu 3:25 - Muna Southern Dialect

²⁵ Wambado ana-anabii naꞌa mbalimo kahunsaꞌao so hintimiu. Hintimiumo meꞌawano dawua weo podhandiꞌano Lahataꞌala bhe awuaꞌintoomu. Wakutuu anaꞌa Lahataꞌala nokowamba ne Abraham ambano, ‘Namaiꞌao ne sampuꞌamu, sabhaha bansano liwu te dhunia ini daeꞌawa kabarakati.’

Tula-tulando rasulu 3:25 Iomraidhean Croise

Lukas 1:72

Pedamo anaꞌa namotiwoha kabhelano lalono ne awuaꞌintoomu bhe namekakoꞌula podhandino mongkilono.

Tula-tulando rasulu 13:26

Bhahitieꞌiku, naetaa sampuꞌano Abraham naetaa sigaoꞌano moteꞌino ne Lahataꞌala, bhihita kasalamatiꞌa ini padamo dofofohatoane.

Tula-tulando rasulu 2:39

Kapaꞌamo dhandi aini so hintimiu bhe sampuꞌamiu bhe kosasawindo mie sigaoꞌano we liwu mokodoꞌoꞌano dua, ampa kabhahino so nesaliꞌino Ompu Lahataꞌalantoomu.”

Roma 15:8

Amohatokoomu, Kristus padamo nembali mie umondofaono miendo Yahudi, so notiwohaꞌao kabanarano Lahataꞌala putae dhandino ne awuaꞌintoomu tetewei nakoꞌula.

Roma 4:13

Lahataꞌala nopodhandi ne Abraham bhe sampuꞌano namaꞌanda dhunia ini somo fehebuaꞌando. Dhandi aini nobhoasaane Lahataꞌala suano mbaꞌinomo Abraham noangkafi tubhono agama Yahudi, tamaka hampano kaparasaeano, sampe Lahataꞌala notahimae peda seemie banara.

Galatia 3:16

⸤ Pedamo dua podhandino Lahataꞌala.⸥ Lahataꞌala padamo nokobhoasaꞌao dhandino ne Abraham bhe sampuꞌano. Weo Kitabi miina natibuhi “so sampuꞌaꞌimu”, maꞌanano dobhahi, tamaka “so sampuꞌamu” maꞌanano seemie kaowu, nopulaoꞌaomo Kristus.

Galatia 3:29

Ane hintimiu membalimoomu fehebuaꞌano Kristus, maka membalimoomu dua sampuꞌano Abraham, dadiꞌanomo kohakumoomu dua tumahimaomu dhandino Lahataꞌala.

Galatia 3:8

Weo Kitabi mpini endefiꞌini notipandeꞌaomo, putae Lahataꞌala notahima dua mie suano Yahudi peda mie banara hampano kaparasaeando ne Anoa. Kapaꞌamo nandoo Bhihita Metaa nefosampeno wawo ne Abraham, ambano, “Namangka ne hintu, sabhaha bansano liwu daeꞌawa kabarakati.”

Powoha 14:6

Taꞌawohamo dua malaꞌekati sigaoꞌano nelola-lola te wuntano lani. Anoa newowoꞌo Bhihita Metaa suhue dhamani so namolele ne mie meateno we dhunia, ne sabhaha bansano liwu, sabhaha sampuꞌa, sabhaha wamba bhe sabhaha siwulu.

Powoha 5:9

Andoa delaguꞌao lagu buꞌou ambado, “Hintu nopantasi tahima kaluluno kitabi aitu bhe lumengka kafulutino, hampano Hintu padamo dosumbeleko, heamu padamo metolosiane manusia maiꞌao ne sabhaha sampuꞌa, sabhaha wamba, sabhaha siwulu bhe sabhaha bansano liwu so Lahataꞌala.

Powoha 7:9

Pada amaitu awohamo kantawundo mie, miina natilentua kabhahindo. Andoa domaiꞌao ne sabhaha liwu, sabhaha sampuꞌa, sabhaha siwulu, bhe sabhaha wamba, deehe-ehe ne wiseno kaengkohaꞌa kumalabhiano bhe ne wiseno Anano Dhumba, depake dhuba kapute deintaha hoono potubu.