Tula-tulando rasulu 3:19 - Muna Southern Dialect

¹⁹ Dadiꞌanomo dolimoomu ne Lahataꞌala, fetompaanemoomu dhosamiu, neanomo dhosamiu namekanggelaꞌiemo.

Tula-tulando rasulu 3:19 Iomraidhean Croise

Matius 13:15

Kapaꞌamo totono lalondo mie andoa ini nofekontumo, tingalando nopoꞌopimo, matando nopilomo. Kanandooꞌano peda anaꞌa keana dofowohaꞌao matando, keana dofofetingkeꞌao tingalando, keana dua dolosangiꞌao totono lalondo, bhaha sala dodoli se idi maka amekaꞌosada.’

Matius 18:3

bhe nopugau ambano, “Amohatokoomu, kotu-kotuꞌu ane pae bhaliiꞌomu fekihimiu maka membaliomu nada anaꞌi, pae mesuaꞌomua weo Kafopahintaꞌano Lahataꞌala.

Lukas 1:16

Naobhahi miendo Israel namodolida dasumuli ne Ompu Lahataꞌalando.

Lukas 22:57

Tamaka Petrus nogaga ambano, “Alee hobhine, ingka miina amandeꞌaanea mie amaitu.”

Tula-tulando rasulu 1:6

Wakutuuno rasulu dopohompu-hompu toha bhe Yesus, dofeenaemo ambado, “Ompu, naefie sumuli mowanue gahaꞌa Kafopahintaꞌano Israel? Haꞌoleomo ini bhahaa?”

Tula-tulando rasulu 11:18

Dofetingke peda maitu miinamo dakodiua, tadopudhimo kakalabhiano Lahataꞌala. Ambado, “Ingka gahaꞌa mie suano Yahudi nowaꞌanda dua kadawu Lahataꞌala dametompaꞌao dhosando so dadumadiꞌao suhue dhamani!”

Tula-tulando rasulu 11:21

Kuasano Ompu nopobhaianda maka dobhahi sepaliꞌa marasaeano, dodolimo ne Ompu.

Tula-tulando rasulu 15:3

Umati marasaeano dopoangkaꞌaanda ampa we simbalino kotano Antiokia. Andoa dokala doangkai kadieno Fenisia bhe Samaria. Ne amai liwu kaangkaiꞌando detula-tulaꞌaomo bansano liwu suano Yahudi dodolimo dua ne Lahataꞌala. Bhihita anaꞌa doꞌiaꞌane bhahitieꞌi ne itu.

Tula-tulando rasulu 17:26

Nomaiꞌao ne seemie manusia nofokonandoo sabhaha bansano liwu meatefino kosekaꞌewaꞌae dhunia ini. Mpini kabhao-bhaono Anoamo motantuno liwu so kaeateꞌando bansano liwu naꞌa bhe tempono dadindo manusia.

Tula-tulando rasulu 2:38

Ambano Petrus, “Fetompaaneomu dhosamiu maka mefekadiuꞌomu seemie-seemie weo neano Yesus Kristus, so natiꞌamponiꞌao dhosamiu. Mada aitu damaꞌangkoomu kawaꞌaono Rohino Lahataꞌala.

Tula-tulando rasulu 28:27

Kapaꞌamo totono lalondo mie andoa ini nofekontumo, tingalando nopoꞌopimo, matando nopilomo. Kanandooꞌano peda anaꞌa keana dofowohaꞌao matando, keana dofofetingkeꞌao tingalando, keana dua delosangiꞌao totono lalondo keana dodoli ne Idi amekaꞌosada.’ ’

Tula-tulando rasulu 3:20

Ane nada naꞌa, Ompu namaꞌangkomoomu dua kalalesano lalo, maka natumuduangkoomu Yesus toka nefontaa-ntaaꞌaono mpini kabhao-bhaono so Omputo Mosalamatikoomu.

Tula-tulando rasulu 3:21

Anoa maitu tetewei naeate te surugaa ampa oleono so katipahabuꞌouniꞌano bhahi-bhahiꞌae, peda nekobhoasaꞌaono Lahataꞌala nefosampendo ana-anabii mongkilono ne dhamani wawono.

Roma 11:25

Bhahitieꞌiku! Gaoku mpuu mandeꞌaaneomu patudhuno Lahataꞌala pataꞌo tipandeꞌaoꞌano, keana abhi wutomiu mie mande. Patudhuno Lahataꞌala peda aini: miendo Yahudi sigaꞌa dekatuꞌa fotu, tamaka katuꞌano fotu maitu nalumagi kaowu ampa kabhahindo mie suano Yahudi so maino ne Lahataꞌala nasumangkamo.

2 Tesalonika 1:10

Ne oleo kahatoꞌano naꞌa, Ompu damekakalabhiaꞌe umati mongkilono bhe damenteane kosasawindo marasaeano. Bhe hintimiu dua, kapaꞌamo bhihita neowa mani parasaeaꞌemoomu.

2 Tesalonika 1:7

Hintimiu kumadee-deeno ampa aini namaꞌangkoomu kalalesa meeneiꞌomu, pedamo dua ne insaodi. Anaꞌa nakumadhadhia ne oleono Ompu Yesus namotiwoha Wutono maiꞌao te surugaa, weo efi ngkalai-lai napoowa-owa bhe malaꞌekatino kokuasano.

2 Timotius 2:25

Mie mansoewano tabeano namalu-malusianda katangahi, sio-siomo Lahataꞌala nandoo namaꞌanda kasalawa dametompaꞌao dhosando maka damandeꞌao kabanara.

Ibrani 4:1

Dhandino Lahataꞌala damesuakiomu kafewuleꞌano ingka sadaa-daaꞌe. Dadiꞌanomo naetaa posiꞌondoomu mpuu, keana nonandoo ne olotamiu itu so tapa humatono.

1 Petrus 2:25

Kapaꞌamo endefiꞌini hintimiu pedamo dhumba kolilinono, tamaka ampa aitu sulimoomu ne Mie dhumaganikoomu, umondofaono alusumiu.

2 Petrus 3:8

Ampamo kaowu bhahitieꞌiku, koise molimpuꞌaaneomu dua sehondano ini: ne pomatano Lahataꞌala seꞌoleo tanopototomo bhe sehewu taꞌu, sehewu taꞌu tanopototomo bhe seꞌoleo.

Powoha 21:4

Lahataꞌala namusuli luundo namopada-padae. O mate paemo nandumandooa, paemo dua bhe kaguguhu, kangkoꞌae tawa kakadee-dee, kapaꞌamo kosasawiꞌae ngkodauꞌano nopalusimo.”