Tula-tulando rasulu 3:15 - Muna Southern Dialect

¹⁵ Anoamo fowaꞌaono dadi, gahaꞌa pongkoemoomu. Tamaka Lahataꞌala nofowanue nomaiꞌao ne mate. Insaodimo ini mohaꞌaono wuntano mata mani kadhadhia anaꞌa.

Tula-tulando rasulu 3:15 Iomraidhean Croise

Lukas 24:48

Hintimiumo sakusii so mefoleleno bhihitano kadhadhia aini.

Yohanes 1:4

Bhoasao amaitu kamaiꞌaoꞌano dadi, dadimo amaitu meowano tilanga mbali manusia.

Yohanes 10:28

Andoa awaꞌanda dadi suhue dhamani, tetewei pae dabinasaa suhue dhamani bhe naseemie pae bhe so magoida maiꞌao ne limaku.

Yohanes 14:6

Ambano Yesus, “Idimo ini o kaangkaꞌa, meowano kabanara bhe fowaꞌaono dadi. Bhe naseemie paise bhe so humatono ne Amaku ane paise namangka ne Idi.

Yohanes 17:2

Kapaꞌamo ingka Anamu padamo waꞌane kuasa ne kosasawindo manusia, neanomo Anamu namaꞌanda dadi suhue dhamani ne kosasawindo manusia toka newaꞌaomu ne Anoa.

Yohanes 4:10

Ambano Yesus, “Ane mandeꞌaane kadawuno Lahataꞌala bhe laꞌae sakotuꞌuno mesalono ne hintu, ‘Bhe idi oemu aohoꞌu’, tetewei hintumo so mesalono ne Anoa, maka Anoa namaꞌangko oe meowano dadi.”

Yohanes 4:14

tamaka sasuka mohoꞌuno oe newaꞌaoku, paemo nakekele wuꞌuno ampa suhue dhamani. O oe so newaꞌaoku naembali matano oe we lalono, oeno napontalua-lua kansuhu naeowa dadi suhue dhamani.”

Yohanes 5:26

Amano kamaiꞌaoꞌanomo dadi; pedamo dua aitu Anano nowaꞌane kuasa nembali kamaiꞌaoꞌano dadi.

Tula-tulando rasulu 1:22

notanda nofokadiu Yohanes ampa nohunsa kainsami Yesus ne oleo katisangkeꞌano te surugaa.”

Tula-tulando rasulu 2:24

Tamaka Lahataꞌala nofodadie, nofolapae nomaiꞌao ne kakadee-deeno mate, hampano pae bhe kapoolia nasumadaa-daa nakumuasaiꞌe mate.

Tula-tulando rasulu 2:32

Nepulaoꞌaono Daud naꞌa o Yesus, nefowanuno Lahataꞌala nomaiꞌao ne mate. Kosasawiꞌa mani ini mohaꞌaono wuntano mata mani kadhadhia anaꞌa.

Tula-tulando rasulu 4:2

Andoa ini nosodo sepaliꞌa lalondo mbaꞌinomo Petrus bhe Yohanes dofoguhu mie bhahi putae Yesus nosuli nodadi. Aini nembalimo tandano kawanuꞌando kosasawindo mie mate.

Tula-tulando rasulu 5:31

Anoamo nesangkeno Lahataꞌala bhe nowaꞌanemo kuasa mbali Neangka bhe Omputo Fosalamatino, neanomo miendo Israel dametompaꞌao diundo modaino, so notiꞌamponiꞌao dhosando.

1 Korintus 15:45

Nandoo tibuhino weo Kitabi, “Manusia kabhao-bhaono, nekonando Adam, bhe inawano dumadino,” tamaka Adam mbuhumaino ⸤ patudhuno Kristus⸥ , bhe Rohino fofodadino.

Efesus 1:20

nepakeno nofowanu Kristus maiꞌao ne mate, maka nowaꞌane kaengkohaꞌa foliuno kalangke ne suanano te surugaa.

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

Ibrani 2:10

Ingka nopantasimo so Lahataꞌala, Anoamo mokonandoono bhahi-bhahiꞌae somo dua Wutono, nohabu Yesus mbali melengkano kaangkaꞌano kasalamatiꞌa, nofosangkaane kakadee-dee. Pedamo anaꞌa noangka ne Yesus dobhahi manusia nebhasino Lahataꞌala daeala dawu weo kakalabhiano.

Ibrani 5:9

Nosangka kaowu dadino, Yesus nembalimo meowano kasalamati suhue dhamani so kosasawindo mie meangkano ne Anoa.

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.

Powoha 21:6

Nopugaumo dua ne idi, “Nopalusimo. Idimo ini Alfa bhe Omega, kabhao-bhaono bhe kafetompaino. Mie mokekeleno wuꞌu amefohoꞌutida maiꞌao ne matano oe meowano dadi, pae nakoꞌolia.

Powoha 22:1

Pada anaꞌa malaꞌekati amaitu nofosusu kanaumo umeleno oe meowano dadi. Umele maitu nomoinda tapedamo kristal, nomawa nomaiꞌao ne kaengkohaꞌano kumalabhiano Lahataꞌala bhe Anano Dhumba,

Powoha 22:17

Rohino Lahataꞌala bhe loꞌia buꞌou hobhine maitu dopugau ambado, “Maimo!” Sasuka metingkeno naetaa napugau, “Maimo!” Sasuka mokekeleno wuꞌu naetaa namai, sasuka moindalono naetaa tanaealamo oe meowano dadi, pae nakoꞌolia.