Tula-tulando rasulu 3:14 - Muna Southern Dialect

¹⁴ Anoa mie mongkilo bhe melaano lalo, tamaka hintimiu mongaheꞌieꞌomu maka mesaloomu ne Pilatus namolapaangkoomu mie kapongko-pongkono.

Tula-tulando rasulu 3:14 Iomraidhean Croise

Matius 27:20

Tamaka neangkaꞌindo imamu bhe kamu-kamungkulaꞌi dowudhu mie bhahi daesalo namolimbaanda Barabas, maka Yesus damongkoe.

Markus 1:24

“O Yesus miendo Nasaret, o ae patudhumu ne insaodi ini? Mai mobinasa kainsami gahaꞌa? Apandeꞌaangko, Hintu itu mie mongkilono katuduno Lahataꞌala.”

Markus 15:11

Tamaka neangkaꞌindo imamu lasao dowudhu mie bhahi daesalo ne Pilatus namolimbaanda Barabas.

Markus 15:7

Ne naꞌa nandoo seemie koneaꞌano Barabas, notitohongku bhe sabhangkaꞌino mbaꞌinomo dehabu kahungga weo liwu doewangi pamarinta. Weo kahungga anaꞌa andoa dofopongko.

Lukas 1:35

Notobhoosimo malaꞌekati, “Rohino Lahataꞌala nasumampu ne hintu bhe kuasano Lahataꞌala foliuno kalangke nakumaputiko, dadiꞌanomo anaꞌi so lumenteꞌano naꞌa dakumonae Mie mongkilo, Anano Lahataꞌala.

Lukas 23:25

Katohongku saꞌituini, mie mehabuno kahungga bhe fopongkono naꞌa, nofolapaandaemo peda kamesalondo, tamaka Yesus noowaandae dahumabue ampa kapoindalondo.

Yohanes 16:10

Namoꞌinsafuanda kabanara, kapaꞌamo Idi asumulimo ne Amaku maka hintimiu paemo moha kanauꞌomu.

Yohanes 18:40

Andoa tadokei ambado, “Koise anoa, tabeano Barabas.” Gahaꞌa Barabas naꞌa mie modai.

Tula-tulando rasulu 13:28

Mahinggamo miina daeꞌawa tingku so katipongkoꞌano sadaa-daa desalo ne Pilatus damongkoe.

Tula-tulando rasulu 2:27

Kapaꞌamo alusuku pae humunsae weo dhuniando mie mate, mbadhano bhatuamu mongkilono pae nahumansurua.

Tula-tulando rasulu 22:14

Ambano, ‘Lahataꞌalando awuaꞌintoomu nopilikomo mandeꞌao patudhuno, pakade moha Mie Melaano Lalo ⸤ wutono Yesus⸥ bhe metingke suaha maiꞌaono ne wiwino.

Tula-tulando rasulu 4:27

Nopokantibhamo bhe anaꞌa Herodes bhe Pontius Pilatus, mie maiꞌaono ne sabhaha bansano liwu bhe miendo Israel dohompumo ne kota ini dopugau-gau doewangi Yesus palima-limamu mongkilono, nesangkemu mbali Omputo Fosalamatino.

Tula-tulando rasulu 5:28

“Padamo tafokii-kiikoomu taꞌeleꞌaangkoomu fofoguhuomu weo neano mie aitu. Tamaka o ae koꞌulaꞌano? Kafoguhumiu nokabhintiemo kosekaꞌewaꞌae Yerusalem, pakade patudhumiu kamateꞌano mie aitu malaꞌa kainsamieꞌomu insaodi.”

Tula-tulando rasulu 7:52

Anabii laꞌae bhahaa tapa nefodee-deendo awuaꞌimiu? Bhahaa tadua dopongkomo mie katudu mefoleleno bhihita so kahatoꞌano Mie Metaano Lalo. Anoa naꞌa padamo pokanagauaneomu bhe pongkoeꞌomu.

2 Korintus 5:21

Kristus tapa mehabuno dhosa, padamo nofoseꞌisee Lahataꞌala bhe manusia kodhosa, neanomo weo kaseꞌisentoomu bhe Kristus nafotahima Lahataꞌala peda mie banara.

Yakobus 5:6

Padamo hukumuomu mie tapa kokaꞌala bhahamoa pongkodaomu, maka miina damewangikoomua.

1 Petrus 3:18

Kapaꞌamo wutono Kristus nomateꞌao dhosantoomu, sepaku kaowu so suhue dhamani. Anoa mie banara nomateꞌao mie modai. Kamateꞌano ingka so natumondaꞌao hintimiu ne Lahataꞌala. Mbadha kamanusiano dopongkoe, tamaka Rohino Lahataꞌala nofowanue maiꞌao ne mate.

1 Yohanes 2:1

Anaꞌiku, abuhiangkoomu bhahi-bhahiꞌae ini keana mehabuomu dhosa. Ampamo kaowu ane bhe mehabuno dhosa, nandoomo bhe so potunduꞌa kaita ne Lahataꞌala, Anoamo Yesus Kristus umadhilino.

Powoha 3:7

“Buhie dua so malaꞌekatino umati we Filadelfia: pedamo aini kaowili maiꞌao ne Mie Mongkilo, Mie Banara, mintahano kunsino Daud. Ane nelengka fointo, pae bhe so mooliea daꞌumontoe; pedamo dua ane neꞌonto fointo, pae bhe so mooliea dalumengkae.