Tula-tulando rasulu 3:13 - Muna Southern Dialect

¹³ Lahataꞌalano Abraham, Ishak bhe Yakub, Lahataꞌalando awuaꞌintoomu nofekakalabhiamo Yesus palima-limano. Yesus ini owaeꞌomu ne kolakino liwu, tamaka mahinggamo Pilatus nokopatudhu namolapae, hintimiu mongaheꞌieꞌomu.

Tula-tulando rasulu 3:13 Iomraidhean Croise

Matius 11:27

Kosasawiꞌae padamo nowaꞌa kanaꞌe Amaku. Miina bhe mandeꞌaono Anano Lahataꞌala mpahinomo Amano. Miina dua bhe mandeꞌaono Amano mpahinomo Anano, bhe kosasawindo mie neꞌundaꞌaono Anano Lahataꞌala damandeꞌao Amano.

Matius 20:19

Anoa damowae ne bansano liwu suano Yahudi, damele-elee, dahumambisiane habuta bhe dakumantaiꞌe te sau salipu. Tamaka ne katolu oleono namanu namaiꞌao ne mate.”

Matius 22:32

‘Idimo ini Lahataꞌalano Abraham, Lahataꞌalano Ishak bhe Lahataꞌalano Yakub.’ Maꞌanano Ompu Lahataꞌala suano Lahataꞌalando mie mate tamaka Lahataꞌalando mie dumadi.”

Matius 27:2

Dadiꞌanomo Yesus dokatapuanemo hante maka dowowoꞌoe, dofoowae ne wiseno Pilatus, gubernur ne kadie aitu.

Matius 28:18

Yesus nomaꞌotidamo bhe nopugau ambano, “Sabhaha kuasa te surugaa bhe we dhunia ini nowaꞌa kanaꞌe Amaku.

Markus 15:11

Tamaka neangkaꞌindo imamu lasao dowudhu mie bhahi daesalo ne Pilatus namolimbaanda Barabas.

Lukas 22:57

Tamaka Petrus nogaga ambano, “Alee hobhine, ingka miina amandeꞌaanea mie amaitu.”

Lukas 23:4

Nopugaumo Pilatus ne meangkaꞌindo imamu bhe ne mie bhahi ambano, “Miina sepaliꞌa aepoꞌawaꞌao kaꞌalano mie aini.”

Lukas 6:37

“Koise bhitahaki mie bhaimu, keana dua nobhitahakiko Lahataꞌala. Koise hukumu mie bhaimu, keana dua nohukumuko Lahataꞌala. Amponida mie bhaimu maka naꞌumamponiko dua Lahataꞌala.

Yohanes 12:16

Wakutuu anaꞌa anaguhuꞌino miina dalumosangiea, tamaka nopalusi notiwoha kakalabhiano Yesus ⸤ ne mateno⸥ , kaneꞌomo dofeꞌulaiꞌe putae tibuhino naꞌa nopulaoꞌao Anoa, ingka padamo dua dodhalangie.

Yohanes 18:40

Andoa tadokei ambado, “Koise anoa, tabeano Barabas.” Gahaꞌa Barabas naꞌa mie modai.

Yohanes 19:11

Notobhoosimo Yesus ambano, “Hintu ini miina sepaliꞌa kokuasa ne Idi ini, ane kuasa anaꞌa pae namaꞌangkoe Lahataꞌala. Dadiꞌanomo mie mowa kanau ne limamu, nobhala dhosano anoa bhe hintua.”

Yohanes 19:12

Notanda ne naꞌa Pilatus noꞌulei lalono namolapa Yesus, tamaka miendo Yahudi dopokakei-kei ambado, “Ane molapa anoa itu, hintu suanomo sabhangkano Omputo Kaisar. Sasuka kumonano wutono omputo ingka noewangi Omputo Kaisar.”

Yohanes 19:15

Gahaꞌa andoa tadopokakei-keimo ambado, “Pongkomo, pongkomo! Kantaiꞌe te sau salipu!” Ambano Pilatus, “Omputomiu akumantaiꞌe te sau salipu?” Dotobhoosimo neangkaꞌindo imamu, “Miina bhe omputo mani, mpahinomo Omputo Kaisar!”

Yohanes 7:39

Nepulaoꞌaono Yesus naꞌa Rohino Lahataꞌala so netahimando marasaeano ne Anoa. Wakutuu anaꞌa Rohi amaitu miinaꞌo nahumatoa, mbaꞌinomo Yesus miinaꞌo naꞌumawa kakalabhiano ⸤ weo mateno⸥ .

Tula-tulando rasulu 22:14

Ambano, ‘Lahataꞌalando awuaꞌintoomu nopilikomo mandeꞌao patudhuno, pakade moha Mie Melaano Lalo ⸤ wutono Yesus⸥ bhe metingke suaha maiꞌaono ne wiwino.

Tula-tulando rasulu 24:14

Daanumo paise agumagaiꞌea ne wisemu, idi ini aparasaea ne Lahataꞌalando awua mani aangkafi kaangkaꞌano Yesus, tamaka ambado andoa ini kafoinaꞌu umala. Tamaka daa-daaꞌe dua aparasaea ne kosasawiꞌae kafoguhu tibuhiꞌano weo Kitabino Musa bhe Kitabindo ana-anabii.

Tula-tulando rasulu 3:12

Nowoha mie bhahi maitu Petrus nopugaumo ambano, “Miendo Israel, noafa menteaneomu kadhadhia aini? Noafa ondo-ondo kainsamiomu, kao-kaomo mie aini kapooliꞌano nokala mbaꞌinomo insaodi ini mie kokuasano tawa mie lumebe?

Tula-tulando rasulu 3:26

Dadiꞌanomo Lahataꞌala nofoehemo palima-limano, maka notudue wawo ne hintimiu neowaangkoomu kabarakati. Kabarakati anaꞌa, maꞌanano Anoamo so matokoomu metompaꞌaoꞌomu sabhaha podiu modaimiu seemie-seemie.”

Tula-tulando rasulu 4:27

Nopokantibhamo bhe anaꞌa Herodes bhe Pontius Pilatus, mie maiꞌaono ne sabhaha bansano liwu bhe miendo Israel dohompumo ne kota ini dopugau-gau doewangi Yesus palima-limamu mongkilono, nesangkemu mbali Omputo Fosalamatino.

Tula-tulando rasulu 4:30

Fosampu kainsami kabarakatimu so daoꞌosaꞌao mie mosaki bhe fotiwoha giu timenteꞌaono bhe tanda tapa mentela weo neano Yesus palima-limamu mongkilono.”

Tula-tulando rasulu 7:32

‘Idimo ini Ompu Lahataꞌalando awuaꞌimu, Lahataꞌalano Abraham, Lahataꞌalano Ishak bhe Lahataꞌalano Yakub.’ Musa nohengkuꞌao kateꞌi sampe miinamo naokadoa naꞌumondoea.

Roma 9:5

Andoa maitu sampuꞌando awuaꞌintoomu, maka weo kamanusiano Kristus nomaiꞌao ne siwulundo. Anoamo Lahataꞌala te wawono bhahi-bhahiꞌae, mantasiꞌano damosibhalae ampa suhue dhamani. Amin.

Ibrani 2:9

Ampamo kaowu dowohamoomu Yesus. Sekabantaha nofosampue Lahataꞌala seendai we pandado malaꞌekati, neanomo hampano rahamatino Lahataꞌala nenamisimo mate so kosasawindo manusia. Ampa itu dowaꞌane kaengkohaꞌa kumalabhiano bhe tifosibhala peda omputo, hampano padamo nokadee-dee sampe mate.

Powoha 1:18

Idimo dumadino, padamo amate, tamaka ondo kanau itu, ingka adadimo ampa suhue dhamani. Idimo mintahano kunsino mate bhe dhuniano mate.

Powoha 1:5

bhe nomaiꞌao dua ne Yesus Kristus, sakusii tiparasaeano, kabhao-bhaono manuno maiꞌao ne mate bhe kokuasano ne sabhaha omputo ne dhunia ini. Yesusmo ini moasi kaitaomu bhe noangka ne tuhuno heano padamo nofolapa kaita maiꞌao ne dhosa.