Tula-tulando rasulu 3:10 - Muna Southern Dialect

¹⁰ Andoa lasao dopandeꞌaane ingka anoamo maitu gahaꞌa mie mengkoha-ngkohano bhe mesalo-salono we Fointo Mokesa. Andoa domente bhe dotongo dowoha kumadhadhiaꞌano ne mie amaitu.

Tula-tulando rasulu 3:10 Iomraidhean Croise

Matius 14:35

Sadopandeꞌaane mieno liwu putae humatono ini Yesus, dopofole-folelemo kosekaꞌewaꞌae kadie aitu. Kosasawindo mie mosakino doowaꞌidamo ne Yesus.

Lukas 4:36

Kosasawindo mie tadomente maka dopugau sapada-pada andoa ambado, “Pahasili pugauno maitua! Ingka nokokuasa mpuu sampe nepahintangi seetani dalumimba, lasao dua dolimba.”

Yohanes 5:20

Amano noasiꞌao Anano sampe nofosusuane sabhaha nehabuno Wutono; bhahamo namosusuane habu sedhuluꞌa dua kabhalano, somo kamenteꞌamiu.

Yohanes 9:3

Notobhoosimo Yesus ambano, “Suano wutono, suano dua kamungkulano mehabuno dhosa, ampamo kaowu kakadhadhiaꞌano peda aini somo natiwohaꞌao kahadhaano Lahataꞌala ne anoa ini.

Yohanes 9:8

Santieneno bhe mie mandeꞌaane endefiꞌini mie amaitu mesalo-salono, dopugaumo ambado, “Ingka anoa ini mie mengkoha-ngkohano maka nesalo-salo?”

Tula-tulando rasulu 2:12

Kosasawindo tadentongo-ntongomo bhe tadopofee-feenamo, “O ae bhahaa inia?”

Tula-tulando rasulu 2:7

Tadotonto bhe nopuli mentendo. Ambado, “O mie mugauno ini ingka sanea miendo Galilea!

Tula-tulando rasulu 3:2

Ne itu nandoo seemie moꞌane nokalu mpini pakalenteno. Seꞌo-seꞌoleo doꞌoweaꞌe maka dofongkohae ne fointo bhalano kapesuaꞌa weo Lambuno Lahataꞌala, koneaꞌano Fointo Mokesa. Ne itu nesalo-salo ne mie mesuano weo Lambuno Lahataꞌala.