Tula-tulando rasulu 28:2 - Muna Southern Dialect

² Miendo liwuto aitu netaaꞌi sepaliꞌa lalondo ne insaodi. Andoa detampomo efi maka dosaliꞌi kainsami taehana hampano nokoꞌuse bhe nohindi.

Tula-tulando rasulu 28:2 Iomraidhean Croise

Matius 10:42

Laꞌae fowaꞌaono oe kafohoꞌu mahingga nasekampohoꞌuꞌa kaowu so mie mepandano kaengkohaꞌa ini mbaꞌinomo mie aitu anaguhuku, kotu-kotuꞌu pae namiinaea ponambonoa.”

Yohanes 18:18

Wakutuu anaꞌa bhatua bhe dhagaꞌino Lambuno Lahataꞌala padamo detampo wea maka dehana hampano dohindi. Petrus neehe-ehe dua nehana bhe andoa.

Tula-tulando rasulu 27:3

Nomentae taangkamo we kotano Sidon. Yulius nomalu sepaliꞌa lalono ne Paulus, sampe noꞌundaꞌaane nakumala namangkai sabhangkaꞌino neanomo naembali damaꞌane nefaraluuno.

Tula-tulando rasulu 28:3

Paulus netawunaomo dua haꞌaꞌino sau maka notawue, gahaꞌa tanosibholamo seꞌulu ule kobisa mbaꞌinomo nohatoe kasodo. Ule amaitu lasao nosia limano.

Tula-tulando rasulu 28:4

Miendo liwu mohano ule nekantai ne limano Paulus, dopugau sapada-pada andoa ambado, “O mie aini tantumo mie kumapongko-pongkono, mahingga nosalamatimo we teꞌi, tamaka dewa Bhoosiꞌaono habu modai pae namolapae nadumadia.”

Roma 1:14

Kapaꞌamo idi ini teteweimo aefolele Bhihita Metaa, tapedamo mie kodosano. Akodosa naetaa ne bansano liwu koꞌadhatino, naetaa ne tapa koꞌadhatino, naetaa ne mie kosikolano, naetaa ne tapa kosikolano.

Roma 14:1

Tahimadaomu metaa-metaa bhahitieꞌi pata motangkano kaparasaea, koise foꞌalada ane poꞌalaomu fekihi.

Roma 14:3

Momaano sabhahadamo koe nopisaki mie pata momaano, tamaka mie tapa momaano koe dua nofoꞌala mie momaano, kapaꞌamo mie aitu ingka notahimaemo dua Lahataꞌala.

Roma 2:27

Ane nada itu, mie tapa nesuna tamaka dhumalangino tubhono agama Yahudi tetewei damoꞌalakoomu. Kapaꞌamo hintimiu miendo Yahudi tahimaemoomu kasuna bhe tubhono agama tibuhino, gahaꞌaitu kangkalaꞌieꞌomu.

1 Korintus 14:11

Tamaka ane miina amandeꞌaane maꞌanano wamba nefetingkeku, mie aitu aabhiemo dua mie koliwuno tapa popandeꞌaono wamba, pedamo dua anoa ne idi.

2 Korintus 11:27

Nobhahimo akahadhaa moꞌosa bhe atampu-tampu bukuku; nentela aekamboto, aoꞌaho bhe nokekele wuꞌuku; nentela miina aomaa miina aohoꞌua, aetahangi kahindi bhe kakaeno pakea.

Kolose 3:11

Weo dadi buꞌou ini miinamo bhe poꞌalaꞌano miendo Yahudi bhe suano miendo Yahudi, mie nesuna tawa tapa nesuna, mie koliwuno tawa bansano liwu pata koꞌadhatino, o bhatua tawa mie bebasi. Tamaka nefosibhalando ampamo kaowu Kristus, hampano Kristus neate weo totono lalondo kosasawindo naꞌa.

Ibrani 13:2

Sadhia mohelasi mefotiampeomu mie tapaꞌo nepandeꞌao weo lambumiu, hampano nandoomo mefotiampeno malaꞌekati, tamaka miina damandeꞌaanea.