Tula-tulando rasulu 27:1 - Muna Southern Dialect

¹ Pada kaowu dobhotusie takumala we witeno Italia, Paulus bhe seemie hodua katohongku sigaoꞌano doowadamo ne limano seemie neangkando tantara koneaꞌano Yulius. Kaseꞌiseno tantara nepandeꞌaono dokonae “Taguano Kaisar”.

Tula-tulando rasulu 27:1 Iomraidhean Croise

Matius 27:54

Neangkando tantara bhe tantara dhumaganino Yesus doteꞌi sepaliꞌa dowoha lualino wite bhe sabhaha kumadhadhiaꞌano sampe dopugau ambado, “Kotu-kotuꞌu mie aini Anano Lahataꞌala.”

Lukas 23:47

Nowoha kadhadhia anaꞌa neangkando tantara nopudhi nofekakalabhia Lahataꞌala ambano, “Kotu-kotuꞌu anoa ini mie banara!”

Lukas 7:2

Ne itu nandoo seemie neangkando tantarano Roma, bhatuano nosaki moꞌosa tamateꞌano. Bhatuano naꞌa noasiane sepaliꞌa.

Tula-tulando rasulu 10:1

We Kaisarea nandoo seemie suano Yahudi koneaꞌano Kornelius, anoa ini neangkando tantara. Kaseꞌisendo tantara nepandeꞌaono dokonae “Taguano Italia”.

Tula-tulando rasulu 10:22

Ambado, “Notudu kainsami Kornelius. Kornelius ini seemie neangkando tantara, lalono nelaa bhe noteꞌi ne Lahataꞌala. Kosasawindo miendo Yahudi dopandeꞌaanemo dua kataano lalono. Anoa neꞌawa kafohato maiꞌaono ne Lahataꞌala nefosampeno seemie malaꞌekati mongkilono. Weo powohano naꞌa Lahataꞌala nofohato Kornelius daꞌumuleiko kumala we lambuno nametingkeꞌao pugaumu.”

Tula-tulando rasulu 16:10

Pada nokopowoha peda maitu, lasao taokanu tapolimba se kadieno Makedonia. Hampano nopalusi powoha maitu, tasefekihimo ingka wutono Lahataꞌala gahaꞌa mugau kainsami taefolele Bhihita Metaa ne itu.

Tula-tulando rasulu 18:2

We Korintus nopoꞌawa bhe seemie Yahudi koneaꞌano Akwila nomaiꞌao we kadieno Pontus. Anoa kaneꞌo nohato nomaiꞌao we witeno Italia bhe hobhineno, neano Priskila. Kahatoꞌando ne itu mbaꞌinomo Omputo Kaisar Klaudius nefondawu pahinta putae kosasawindo miendo Yahudi dahumunsa kotano Roma. Paulus noangka we lambudo,

Tula-tulando rasulu 19:21

Nopalusi sabhaha kadhadhia amaitu, Paulus nokopatudhu nakumala we Yerusalem namangka we kadieno Makedonia bhe Akaya. Ambano, “Namada anaꞌa tetewei akumala dua we kotano Roma.”

Tula-tulando rasulu 21:32

Lasao nowowoꞌo seemie hodua neangkando tantara bhe tantara sigaoꞌano dua maka dosampu dotendeheki mie bhahi maitu. Sadowoha panglima maitu bhe tantaraꞌino, mie bhahi dofetumpumo dopepeki Paulus.

Tula-tulando rasulu 22:26

Nofetingke peda amaitu tantara anaꞌa nekapunamo ne panglima ambano, “O ae gahaꞌa so nehabumu inia? Ingka mie amaitu warga negarano Roma.”

Tula-tulando rasulu 23:11

Nohondo oleo Ompu neehe-ehemo ne sohihino Paulus ambano, “Fekatangka lalomu, ingka padamo sakusii kanau ne Yerusalem ini. Mada kaowu sumakusii kanau dua nada aitu we kotano Roma.”

Tula-tulando rasulu 23:17

Paulus lasao neloꞌoi seemie tantara maka nofohatoe ambano, “Owa anaꞌi moꞌane aini se neangkamiu, nandoo bhe so nepugauꞌaono.”

Tula-tulando rasulu 24:23

Pada anaꞌa notudumo neangkando tantara datumaangi kansuhu Paulus, tamaka damolalesaemo seendai, pakade daꞌumundaꞌaanda sabhangkaꞌino ane damai daeowaane kafaraluuno.

Tula-tulando rasulu 25:12

Pada nopofee-feena bhe kamungkulaꞌi humompuno, Festus nopugaumo ambano, “Hintu padamo mesalo umende ne Omputo Kaisar, dadiꞌanomo tetewei kumala powise bhe Omputo Kaisar.”

Tula-tulando rasulu 25:25

Tamaka ingka miina aeꞌawa kaꞌala so namantasiꞌao damongkoe. Mbaꞌinomo nesalo naꞌumende ne Omputo Kaisar, abhotusiemo amakatue we Kaisar.

Tula-tulando rasulu 27:11

Tamaka neangkando tantara naꞌa nandoo noparasaea meintahano uli bhe dhuraga, bhe pugauno Paulus naꞌa.

Tula-tulando rasulu 27:43

Tamaka neangkando tantara gaono namosalamati Paulus. Dadiꞌanomo noꞌeleꞌaandamo. Notudumo mandeno lumenino damaꞌindulumo damunda we teꞌi maka damoni te wite.

Tula-tulando rasulu 27:6

Ne itu tantara neangkafi mani maitu neꞌawamo kapala maiꞌaono we kotano Aleksandria nakumala we witeno Italia. Dadiꞌanomo nofosawi kainsamimo ne kapala anaꞌa.

Tula-tulando rasulu 28:1

Tasalamati kaowu te kaꞌotiꞌa, tapandeꞌaanemo gahaꞌa liwuto anaꞌa dokonae liwutono Malta.

Tula-tulando rasulu 28:16

Sahato mani we Roma, Paulus doꞌundaꞌaane naeate nomoisa ne lambu kabutuꞌano bhe seemie tantara dhumaganie.

Ibrani 13:24

Fosampe kanauꞌomu salam ne kosasawindo neangkamiu bhe kosasawindo umati marasaeano. Bhahitieꞌi maiꞌaono we Italia depakatuangkoomu dua salam.