Tula-tulando rasulu 26:22 - Muna Southern Dialect

²² Tamaka notulumi kanau Lahataꞌala sampe nandoo adadi ampa seꞌoleo itu, neanomo naembali asumakusiiꞌao kosasawiꞌae ini, naetaa ne mie ndidiki, naetaa ne mie bhalano. Bhihita nefoleleku ini sakotuꞌuno nopototomo bhe nekosuahaꞌaono anabii Musa bhe ana-anabii sigaoꞌano.

Tula-tulando rasulu 26:22 Iomraidhean Croise

Matius 26:24

Daanumo Anano Manusia - Idimo ini - tetewei namate peda tibuhino weo Kitabino anabii. Tamaka nobalaamo mie so mowano Anano Manusia ne limando kaewa. Mie anaꞌa netaamo koemo nolentea.”

Lukas 16:28

kapaꞌamo nandoo kakutaꞌaku tadolidima, neanomo namodhagada mpuu keana dopesua bhe andoa weo kakadee-dee aini.’

Lukas 24:27

Pada peda maitu notalesaandamo tibuhino weo sabhaha Kitabi mulaoꞌaono Wutono, notanda ne Kitabino Musa ampa ne Kitabindo ana-anabii sigaoꞌano.

Lukas 24:44

Ambano dua, “Pedamo ini patudhuno pugauku wakutuuno apobhaiangkoomu endefiꞌini. Ingka afohatokoomu kosasawiꞌae tibuhino weo Kitabino Musa, Kitabindo ana-anabii bhe Kitabino Laguno Daud tetewei nakoꞌula.”

Lukas 24:46

Ambano toha, “Notibuhi peda ini: Mesias Omputo Fosalamatino tetewei naenamisi kakadee-dee bhe namanu maiꞌao ne mate ne katolu oleono.

Yohanes 1:17

Tubhono agama Yahudi dotahimaeꞌomu ne anabii Musa, tamaka kanini kaasi bhe kabanara notiwoha ne Yesus Kristus.

Yohanes 1:45

Filipus noꞌondofimo Natanael maka nofohatoe, “Insaodi padamo tapoꞌawa bhe mie nepulaoꞌaono anabii Musa weo Kitabino bhe nepulaoꞌaondo anabii sigaoꞌano. Neano Yesus, anano Yusuf nomaiꞌao we liwuno Nasaret.”

Yohanes 5:39

Hintimiu poguhuꞌaoꞌomu Kitabindo anabii, kunaꞌemiu peda aitu so kaeꞌawaꞌamiu dadi suhue dhamani. Gahaꞌaitu Kitabi andoa naꞌa nosakusiiꞌao Idi.

Yohanes 5:46

Ane kotu-kotuꞌu marasaeaꞌomu ne anabii Musa, tetewei marasaeaꞌomu dua ne Idi, kapaꞌamo nebuhino anabii Musa nopulaoꞌao Idi.

Tula-tulando rasulu 10:43

Anoamo ini nepulaoꞌaondo kosasawindo anabii putae ane damarasaea ne Anoa natiꞌamponi dhosando hampano kuasano neano.”

Tula-tulando rasulu 13:29

Nopalusi dofekakoꞌulae sabhaha tibuhiꞌano weo Kitabi mulaoꞌaono Yesus naꞌa, maeatino dofosampuemo maiꞌao te sau salipu maka dofondolee weo kobuhu.

Tula-tulando rasulu 24:14

Daanumo paise agumagaiꞌea ne wisemu, idi ini aparasaea ne Lahataꞌalando awua mani aangkafi kaangkaꞌano Yesus, tamaka ambado andoa ini kafoinaꞌu umala. Tamaka daa-daaꞌe dua aparasaea ne kosasawiꞌae kafoguhu tibuhiꞌano weo Kitabino Musa bhe Kitabindo ana-anabii.

Tula-tulando rasulu 26:17

Amosalamatiko maiꞌao ne saliwumu miendo Yahudi bhe ne mie suano Yahudi. Hintu atumuduko kumala ne mie suano Yahudi naꞌa,

Tula-tulando rasulu 26:6

Aini dobhitahaki kanaumo mbaꞌinomo afintahaki dhandino Lahataꞌala ne awuaꞌintoomu.

Tula-tulando rasulu 28:23

Pada anaꞌa detempomo so dapoꞌawa-awaꞌao. Nohato tempono dobhahi sepaliꞌa maino we kabutuꞌano. Paulus nofohatoanda bhe notalesaandamo peda amai Kafopahintaꞌano Lahataꞌala notanda ne Kitabino Musa bhe Kitabindo ana-anabii. Anoa noꞌule-uleiꞌe lalono so damarasaeaꞌao ne Yesus, notanda hangkowine ampa nohondo oleo.

Roma 3:21

Tamaka ampa aitu Lahataꞌala padamo nofosusuꞌao kaangkaꞌa so datitahimaꞌao peda mie banara, o kaangkaꞌa tapa pokaiꞌano bhe tubhono agama Yahudi. Gahaꞌaitu kaangkaꞌa anaꞌa daanumo dosambilie dua weo Kitabino anabii Musa bhe Kitabindo anabii sigaoꞌano.

1 Korintus 15:3

Fofoliuꞌano kafaraluu padamo afohatoangkoeꞌomu, pedamo dua netahimaku wutoku, putae Kristus padamo nomateꞌao dhosantoomu, noposahataa bhe wambano Kitabi.

1 Korintus 15:4

Padamo dua afohatoangkoeꞌomu putae Kristus padamo dokobuhue, maka ne katolu oleono dofowanue maiꞌao ne mate, noposahataa bhe wambano Kitabi.

2 Timotius 3:11

Ingka wohaemo dua kakadee-dee bhe kafoinsa-insana peda neꞌawaku we Antiokia, Ikonium bhe Listra. Kabhalano maka kakadee-dee nenamisiku naꞌa, tamaka Ompu nofosalamati kanau.

Powoha 11:18

Sabhaha bansando liwu doꞌamaha, tamaka nohatomo amahamu. Aitu nohatomo tempono mie mate dabhotusida, temponomo dua palima-limamu damaꞌanda ponambodo, pedamo dua ne ana-anabii, mie mongkilo, mie moteꞌino neamu, mie mohobu bhe mie bhalano. Temponomo dua damobinasa mie mohansuruno dhunia.”

Powoha 15:3

Andoa delagu-laguꞌao laguno Musa palima-limano Lahataꞌala bhe laguno Anano Dhumba. Ambado, “Hintu Ompu Lahataꞌala Fofoliuno Kuasa! Nobhala bhe notimenteꞌao mpuu angkaꞌano limamu. Noꞌadhili bhe nobanara mpuu sabhaha habumu. Hintu Omputo sabhaha bansano liwu!

Powoha 20:12

Awohamo dua mie komate-mateno nabhala nahobu deehe-ehe ne wiseno kaengkohaꞌa kumalabhiano maitu. Sabhaha kitabi dolengkaemo, maka delengkamo dua seꞌonu kitabi sigaoꞌano, Kitabindomo Mie Dumadi. Mie komate-mateno dobhitahakida noposahataa bhe habundo peda tibuhino weo kitabi maitu.