Tula-tulando rasulu 24:16 - Muna Southern Dialect

¹⁶ Dadiꞌanomo weo dadiku sadhia aꞌulei laloku ampuu-mpuuni kangkilono totono laloku ne pomatano Lahataꞌala bhe mie bhaiku.

Tula-tulando rasulu 24:16 Iomraidhean Croise

Tula-tulando rasulu 23:1

Paulus notonto Sahano Agama maitu maka nopugau ambano, “Bhahitieꞌiku, weo dadiku ampa seꞌoleo itu totono laloku nandoo nongkilo ne wiseno Lahataꞌala.”

Roma 2:15

Ne podiundo notiwohamo putae pahintano tubhono agama Yahudi notibuhimo weo totono lalondo. Totono lalondo kumatanga-tangano nembalimo dua bukutii, sigaꞌa nofoꞌalada, sigaꞌa nofokantibhada fekihindo.

Roma 9:1

So nepugauꞌaoku ini nokotuꞌu; ingka aseꞌise bhe Kristus, miina akopahaa. Totono laloku neatono Rohino Lahataꞌala netanga-tangaꞌaomo dua kakotuꞌuno pugauku.

1 Korintus 10:32

Ne kodadimiu koise mehabuomu kakodhosaꞌando mie bhaimu, naetaa miendo Yahudi, naetaa miendo Yunani, tawa umatino Lahataꞌala.

1 Korintus 4:4

Daanumo miina amandeꞌao laloku akokaꞌalaa, tamaka aini suano bukutiino putae miina akokaꞌala. Wutono Ompu so motantuno akokaꞌala bhe miina.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

2 Korintus 4:2

Ampamo kaowu insaodi takiidoe sabhaha habu tifebuni timoambanoꞌaono, miina takoꞌakala bhe miina tabhansu-bhansule bhoasaono Lahataꞌala, tamaka taefebhihitaiꞌao kabanara mentalea-mentalea. Taehabu peda anaꞌa ne wiseno Lahataꞌala neanomo sabhaha mie daꞌumondo metaa kainsami namaiꞌao weo totono lalondo.

1 Tesalonika 2:10

Dadi mani ne olotamiu marasaeano ne Kristus nongkilo, nobanara bhe miina nakodengo-dengoa. Ingka kosasawiꞌae ini wohaaneomu wuntano matamiu; ingka Lahataꞌala nosakusiiane dua.

1 Timotius 1:19

Fintahakie kaparasaeamu bhe totono lalomu metaano kumatanga-tangano. Kapaꞌamo nandoo seemie hodua miinamo daꞌumondofaanea totono lalondo kumatanga-tangano naꞌa, sampe kaparasaeando nohungga tapeda kapala tisoheno.

1 Timotius 1:5

Patudhuno katangahiku ini amodhulu o kanini kaasi. O kanini kaasi naꞌa tabeano namaiꞌao weo totono lalo mongkilo, weo totono lalo metaa kumatanga-tangano, bhe weo kaparasaea kumampuu-mpuuno ne Ompu.

1 Timotius 3:9

Andoa tabeano damintahaki kabanarano kaparasaea ne Kristus toka nefekantaleaꞌino Lahataꞌala, maiꞌaono ne totono lalo mongkilo kumatanga-tangano.

2 Timotius 1:3

Notumpu laloku ne Lahataꞌala nefeompuniꞌiku maiꞌao weo totono lalo mongkilo kumatanga-tangano, pedamo dua nehabundo awuaꞌiku endefiꞌini. Mentae mohondo taenomo asambahea, sadhia dua afeꞌulaiko.

Titus 1:15

Mbali mie mongkilono totono lalo, o ae maka dua nepake sanea nongkilo ⸤ nohalala⸥ , tamaka mbali mie mohakuno fekihi bhe tapa marasaeano ne Kristus, nepakeno miina bhe mongkiloꞌanoa ⸤ sanea noharamu⸥ , kapaꞌamo naetaa fekihindo naetaa totono lalondo kumatanga-tangano saneamo mohakuꞌano.

Ibrani 10:22

Hampano bhahi-bhahiꞌae naꞌa, haa kaitaomu domaꞌotiomu Lahataꞌala, weo kahelasino lalo bhe kaparasaea tumangka; wobhano handantoomu dofekangkiloemo, totono lalontoomu kumatanga-tangano nohempomo, ⸤ miinamo naekenda-kendaꞌao habu modai⸥ , mbadhantoomu nongkilomo mbaꞌinomo padamo dokadiuane oe moinda.

Ibrani 13:18

Sambahea kainsamiomu. Tapandeꞌaanemo mpuu totono lalo mani kumatanga-tangano nongkilo, hampano kapoindalo mani ne ae maka dua sadhia tadumadi metaa.

Ibrani 9:14

bhemo toha heano Kristus! Weo kuasano Rohino Lahataꞌala dumadino suhue dhamani, Kristus nofoampe Wutono mbali kapopanga pata kodengono ne Lahataꞌala. Dadiꞌanomo heano tetewei namekangkilo totono lalontoomu maiꞌao ne sabhaha podiu meowano mate, neanomo naembali dameompuomu ne Lahataꞌala dumadino.

1 Petrus 2:19

Ane ne olotamiu nandoo nefodee-dee tamaka miina dakokaꞌalaa, naetaa tadasumabahamo datumongku kakadee-dee anaꞌa, hampano dofeꞌulai Lahataꞌala. Ane humabuomu peda naꞌa, ingka fekaꞌiamoomu lalono Lahataꞌala.

1 Petrus 3:16

Ampamo kaowu totono lalomiu kumatanga-tangano, tabeano namoinda. Patudhuno ane o mie daꞌumumbukoomu mbaꞌinomo dadi metaamiu peda mie mangkafino Kristus, tadaoambanoꞌaomo wutondo.

1 Petrus 3:21

Kadhadhia aitu nembalimo kaꞌibahatino kakadiu sarani, mosalamatikomoomu ampa aitu. Kakadiu sarani miina nakopatudhu namekanggelaꞌi sabhaha mohakuꞌano ne mbadha, tamaka patudhuno desalo kangkilono totono lalo kumatanga-tangano ne Lahataꞌala. Kanandooꞌano bhahi-bhahiꞌae maitu mbaꞌinomo Yesus Kristus nowanumo maiꞌao ne mate.