Tula-tulando rasulu 23:9 - Muna Southern Dialect

⁹ Hompuꞌa anaꞌa sadhulu-dhulu kahobho. Pande-pande Kitabi maiꞌaono ne miendo Farisi doehemo maka dopotagali ambado, “Mie anoa ini miina sepaliꞌa nakokaꞌalaa! Kao-kaomo nandoo bhe rohi tawa malaꞌekati mugauno ne anoa.”

Tula-tulando rasulu 23:9 Iomraidhean Croise

Markus 2:16

Nandoo dua pande-pande Kitabi maiꞌaono ne kaomundo Farisi. Dowoha kaowu Yesus nopombali bhe mesaloꞌino sewa bhe kodhosaꞌino maitu, dofeenamo ne anaguhuꞌino ambado, “Peda ae gahaꞌa, ingka gurumiu nopombali bhe mie kodhosa maitu?”

Lukas 23:22

Tolu pakuꞌaomo aini Pilatus nopugau ambano, “Tamaka habu modai medando ae gahaꞌa nehabuno mie aini? Ingka miina sepaliꞌa apoꞌawaꞌao kaꞌala so mantasiꞌano damongkoe. Dadiꞌanomo amepekie maka amolapae.”

Lukas 23:4

Nopugaumo Pilatus ne meangkaꞌindo imamu bhe ne mie bhahi ambano, “Miina sepaliꞌa aepoꞌawaꞌao kaꞌalano mie aini.”

Lukas 5:30

Miendo Farisi bhe pande-pande Kitabi dokamuntu-muntu ne anaguhuꞌino Yesus ambado, “Noafa gahaꞌa pombali-mbaliꞌaoꞌomu bhe mealaꞌino sewa bhe mie kodhosa maitu?”

Yohanes 12:29

Mie meehe-eheno ne itu dofetingkee dua suaha aitu, tamaka dokonae guntu. Nandoo dua mugauno, “Seemie malaꞌekati nopugau bhe Anoa.”

Tula-tulando rasulu 11:17

Nentaleamo Lahataꞌala nowaꞌanda kadawu peda dua ne intaodiomu pakatandano doparasaeaꞌomu ne Yesus Kristus. Dadiꞌanomo ingka pae naembalia atumagali Lahataꞌala!”

Tula-tulando rasulu 22:6

Gahaꞌa ahato we laano sala nomaꞌomo bhe kotano Damsyik, toho indotu oleo tambaꞌomo nokalibu kanau tilanga maiꞌaono te lani nomahasai bhe aꞌondo.

Tula-tulando rasulu 22:7

Lasao atihambitao we wite maka afetingkemo suaha ambano, ‘Saulus, Saulus, noafa fodee-dee kanau?’

Tula-tulando rasulu 23:29

Hato apandeꞌaane gahaꞌa dohakoe mbaꞌinomo doposala-salamaꞌanaꞌao tubhono agamando, tamaka miina bhe mantasiꞌanoa so natipongkoꞌao tawa natitohongkuꞌaoa.

Tula-tulando rasulu 23:8

Kapaꞌamo ambado miendo Saduki, miina bhe kawanuꞌando mie mate, miina dua bhe malaꞌekati tawa o rohi, tamaka miendo Farisi doparasaea kosasawiꞌae naꞌa sanea nonandoo.

Tula-tulando rasulu 25:25

Tamaka ingka miina aeꞌawa kaꞌala so namantasiꞌao damongkoe. Mbaꞌinomo nesalo naꞌumende ne Omputo Kaisar, abhotusiemo amakatue we Kaisar.

Tula-tulando rasulu 26:31

Dolimba kaowu detula-tulamo sapada-pada andoa ambado, “Mie aini ingka miina nakokaꞌa-kaꞌalaa so namantasiꞌao damongkoe tawa datumohongkue.”

Tula-tulando rasulu 27:23

Kapugauꞌaku peda aini, mbaꞌinomo mohondo nomaiꞌi kanau malaꞌekatino Lahataꞌala nesombaiku, Lahataꞌalamo ini kohaku kanau. Malaꞌekati naꞌa neehe-ehe ne sohihiku maka nopugau ambano,

Tula-tulando rasulu 5:39

Tamaka ane nomaiꞌao ne Lahataꞌala, pae moolieꞌomua mekasalidaomua, konanomo nakoꞌulaꞌao poewangimoomu bhe Lahataꞌala.” Katangahino naꞌa dotahimae.

Tula-tulando rasulu 9:4

Saulus lasao notihambitao we wite, maka nofetingke suaha ambano, “Saulus, Saulus, noafa gahaꞌa fodee-dee kanau?”

1 Korintus 10:22

Bhahaa dokopatudhuomu damekakondua lalono Ompu? Kunaꞌemiu doꞌosamo intaodi ini bhe Ompu?