Tula-tulando rasulu 23:6 - Muna Southern Dialect

⁶ Paulus nopandeꞌaane mie humatono maitu sigaꞌa miendo Saduki, sigaꞌa miendo Farisi. Dadiꞌanomo nopugaumo nofekabhala-bhalaꞌie ne wisendo Sahano Agama ambano, “Bhahitieꞌiku, idi ini o Farisi, sampuꞌando miendo Farisi, katibhitahakiꞌaku ne ini, mbaꞌinomo aposahunaꞌao mie mate sumuli dadumadi.”

Tula-tulando rasulu 23:6 Iomraidhean Croise

Matius 10:16

“Tandaiꞌeomu! Atumudukoomu kumalaomu nada dhumba monaleno damesua ne wunta-wuntando daꞌu ngkahoku. Dadiꞌanomo tabeano mengkowaweomu nada ule bhe naelaa lalomiu nada dhaadhaha.

Matius 22:23

Ne oleo anaꞌa domaimo dua miendo Saduki. Andoa ini miina damarasaeaꞌa kawanuꞌando mie mate. Andoa dofeenamo ne Yesus ambado,

Matius 3:7

Dobhahi dua miendo Farisi bhe miendo Saduki mefekadiuno. Sanowohada, Yohanes nopugaumo ambano, “Hintimiu ini sampuꞌano ule modai. Ambamo laꞌae bhahaa lumapaomu ne amahano Lahataꞌala so humatoꞌano?

Tula-tulando rasulu 22:3

“O idi ini miendo Yahudi, alente we kotano Tarsus we kadieno Kilikia, tamaka aobhala ne Yerusalem ini. Nofoguhu kanau Gamaliel nompuu-mpuunie sepaliꞌa, apoguhuꞌao tubhono agama nefosampu ne awuaꞌintoomu. Kanandooꞌanomo nokamai-mai sepaliꞌa laloku akahadhaa so Lahataꞌala, peda dua hintimiu itu ampa aini.

Tula-tulando rasulu 22:30

Mahinggamo peda maitu, panglima naꞌa gaonoa namandeꞌaane mpuu o ae kaꞌalano Paulus nesungkuꞌaondo miendo Yahudi. Dadiꞌanomo hato nomentae notududamo damolimba Paulus maiꞌao we katitaangiꞌano maka nopahintangi neangkaꞌindo imamu bhe kosasawindo Sahano Agama dahumompu. Paulus noowaemo te wisendo andoa maitu.

Tula-tulando rasulu 22:5

Kabanarano pugauku ini naembali dasumakusiiꞌane Imamu Bhalano bhe Sahano kamungkulaꞌi. Andoa ini dowaꞌa kanau suha so miendo Yahudi we kotano Damsyik. Padamo dua akala we naꞌa patudhuku ahumakofi mie mangkafino Yesus ne kota aitu maka aowada we Yerusalem damodee-deeda.

Tula-tulando rasulu 23:1

Paulus notonto Sahano Agama maitu maka nopugau ambano, “Bhahitieꞌiku, weo dadiku ampa seꞌoleo itu totono laloku nandoo nongkilo ne wiseno Lahataꞌala.”

Tula-tulando rasulu 23:15

Dadiꞌanomo hintimiu bhe Sahano Agama mesalo kaitaomu ne panglima namowaangkoomu toha Paulus, woha-wohaemo sumuli toha mee-meenaeꞌomu mekatinda-tindaeꞌomu. Insaodi notokamo kakanu mani, pae nahumatoa we ini, tamongkoemo we laano sala.”

Tula-tulando rasulu 23:20

Ambano anaꞌi moꞌane anaꞌa, “Miendo Yahudi padamo dopokanagau daesalo ne hintu, naewine mowaanda toha Paulus se wisendo Sahano Agama, woha-wohaemo Paulus damee-meenae toha damekatinda-tindae.

Tula-tulando rasulu 23:7

Dofetingke nopugau peda maitu dopotaga-tagalimo miendo Farisi bhe miendo Saduki, sampe mie bhahi maitu dopoꞌea, dewalamo.

Tula-tulando rasulu 24:15

Pedamo dua andoa ini, o idi aposahunaꞌao ne Lahataꞌala putae kosasawindo mie mate sumuli dadumadi, namie metaa, namie modai!

Tula-tulando rasulu 24:21

Ampamo kaowu bheanea pugauku sehondano nefolimbaku te wisendo andoa wakutuu anaꞌa. Ambaku peda aini, ‘Katibhitahakiꞌaku ne ini, mbaꞌinomo aposahunaꞌao mie mate sumuli dadumadi.’ ”

Tula-tulando rasulu 28:20

Katisaliꞌiꞌamiumo apoindalo apoꞌawa bhe apuga-pugau bhe hintimiu, kapaꞌamo katihanteꞌaku ini hampano Omputo Fosalamatino nentaa-ntaando miendo Israel.”

Filipi 3:5

Akoꞌumuhu alu oleo dosuna kanaumo, kamungkulaku miendo Israel maiꞌaono ne sampuꞌano Benyamin, aembali miendo Ibrani mpuu. Weo fintahakiꞌano tubhono agama Yahudi, idi ini miendo Farisi.

Kolose 1:5

Katangkaꞌanomo kaparasaeamiu naꞌa bhe kanini kaasimiu ne mie bhaimiu, hampano kaposahunaꞌao umawaomu nefontaa-ntaano Lahataꞌala te surugaa. Kaposahunaꞌao ini ingka tokamo fetingkeeꞌomu wakutuuno dofohatoangkoomu bhoasao banarano, maꞌanano o Bhihita Metaa.

Ibrani 6:19

Kaposahunaꞌaontoomu maitu tapedamo matano kai ⸤ labuno kapala⸥ , nembali kafintahaꞌa motangka bhe tumohopono so alusuntoomu. Kaposahunaꞌao maitu nohato ampa we sembalino kai bhalano kahondomino Boloku Foliuno Kangkilo ⸤ we Lambuno Lahataꞌala te surugaa⸥ .