Tula-tulando rasulu 22:5 - Muna Southern Dialect

⁵ Kabanarano pugauku ini naembali dasumakusiiꞌane Imamu Bhalano bhe Sahano kamungkulaꞌi. Andoa ini dowaꞌa kanau suha so miendo Yahudi we kotano Damsyik. Padamo dua akala we naꞌa patudhuku ahumakofi mie mangkafino Yesus ne kota aitu maka aowada we Yerusalem damodee-deeda.

Tula-tulando rasulu 22:5 Iomraidhean Croise

Lukas 22:66

Hato nomentae dosihompumo kamu-kamungkulaꞌindo Yahudi, neangkaꞌindo imamu bhe pande-pande Kitabi maka doowa Yesus te wiseno Sahano Agama.

Tula-tulando rasulu 1:15

Sewakutuu mie marasaeano dopohompu-hompu, dapemoꞌono haa fulu kabhahindo. Noehemo Petrus ne wunta-wuntando maka nopugau ambano,

Tula-tulando rasulu 13:26

Bhahitieꞌiku, naetaa sampuꞌano Abraham naetaa sigaoꞌano moteꞌino ne Lahataꞌala, bhihita kasalamatiꞌa ini padamo dofofohatoane.

Tula-tulando rasulu 2:29

Bhahitieꞌiku! Naetaa aetula-tulaangkoomu awuantoomu Daud mentalea-mentalea. Daud nomatemo, padamo dokobuhue. Kobuhuno nandooꞌe ampa aini ne liwuntoomu ini.

Tula-tulando rasulu 22:1

Ambano Paulus, “Bhahitie bhe kamungkulaꞌiku, soba fetingkeeꞌomu nepugauꞌaoku ini atumunduꞌao wutoku.”

Tula-tulando rasulu 23:1

Paulus notonto Sahano Agama maitu maka nopugau ambano, “Bhahitieꞌiku, weo dadiku ampa seꞌoleo itu totono laloku nandoo nongkilo ne wiseno Lahataꞌala.”

Tula-tulando rasulu 23:6

Paulus nopandeꞌaane mie humatono maitu sigaꞌa miendo Saduki, sigaꞌa miendo Farisi. Dadiꞌanomo nopugaumo nofekabhala-bhalaꞌie ne wisendo Sahano Agama ambano, “Bhahitieꞌiku, idi ini o Farisi, sampuꞌando miendo Farisi, katibhitahakiꞌaku ne ini, mbaꞌinomo aposahunaꞌao mie mate sumuli dadumadi.”

Tula-tulando rasulu 26:10

Anaꞌaemo nehabuku we Yerusalem. Aeꞌawa kaowu kuasa maiꞌaono ne meangkaꞌindo imamu, dobhahi umati mongkilono nefopesuaku weo katohongku. Suano kaowu taꞌo anaꞌa, bhahamoa aangkafi dua ane dobhotusie dopongkoda.

Tula-tulando rasulu 26:11

Idi nentela afodee-deeda weo lambu kasambaheaꞌa maka afosuhuda dahumunsa kaparasaeando. Kaꞌosano kaheheno bhakeku sampe aꞌambada mahingga we kotando koliwuno.”

Tula-tulando rasulu 26:12

“Pedamo anaꞌa aeꞌawa kuasa bhe taka maiꞌaono ne meangkaꞌindo imamu maka akala we kotano Damsyik.

Tula-tulando rasulu 28:17

Nopooli tolu oleo we Roma, Paulus nosaliꞌimo neangkaꞌindo miendo Yahudi ne itu. Dohompu kaowu nopugaumo ambano, “Bhahitieꞌiku, idi ini miina akokaꞌalaa naetaa ne saliwuntoomu naetaa ne adhatindo kamungkulaꞌintoomu, tamaka dohako kanau we Yerusalem, maka doowa kanau ne limando miendo Roma.

Tula-tulando rasulu 28:21

Tamaka tadotobhoosi ambado, “Ingka miina taeꞌawa suha maiꞌaono we Yudea metula-tulaꞌaono hintu ini, miina dua bhe mie humatono sumambili modaiko.

Tula-tulando rasulu 3:17

Bhahitieꞌiku, apandeꞌaane kahabuꞌamiu peda aitu hampano miina mandeꞌaaneomua, nopototo bhe kosasawindo neangkamiu.

Tula-tulando rasulu 4:5

Hato nomentae, Sahano Agama, kamungkulaꞌindo Yahudi bhe pande-pande Kitabi dohompumo we Yerusalem.

Tula-tulando rasulu 5:21

Andoa doangkafi pahintano malaꞌekati naꞌa. Nandoo sanimentae dokalamo we Lambuno Lahataꞌala maka dotanda dofoguhu mie ne itu. Wakutuu aitu dua Imamu Bhalano bhe mangkafie defokonandoomo hompuꞌando Sahano Agama bhe kamungkulaꞌindo Yahudi. Dohompu kaowu, detudumo mie dakumala daꞌumulei rasuluꞌi we katohongku.

Tula-tulando rasulu 9:14

Kahatoꞌano dua ne ini newowoꞌo suha kuasa maiꞌaono ne meangkaꞌindo imamu nahumakofi mie sumambilino neamu.”

Galatia 1:13

Ingka fetingkeemoomu, peda amai dadiku endefiꞌini weo agama Yahudi; miina aegana-ganaa afodee-dee umatino Lahataꞌala, patudhuku amobinasada.

Filipi 3:6

Afoma-fomai laloku afodee-dee umati marasaeano ne Yesus. Ane doꞌondo dadiku weo angkafiꞌano tubhono agama Yahudi, idi ini miina akodengo-dengoa.

1 Timotius 4:14

Koise molimpuꞌao pakee kapooli kawaꞌaono Rohino Lahataꞌala, neꞌawamu wakutuuno nandoo kaowilino Lahataꞌala nefosampendo ana-anabii, bhe kamungkulaꞌindo umati dotei limando te fotumu.