Tula-tulando rasulu 22:3 - Muna Southern Dialect

³ “O idi ini miendo Yahudi, alente we kotano Tarsus we kadieno Kilikia, tamaka aobhala ne Yerusalem ini. Nofoguhu kanau Gamaliel nompuu-mpuunie sepaliꞌa, apoguhuꞌao tubhono agama nefosampu ne awuaꞌintoomu. Kanandooꞌanomo nokamai-mai sepaliꞌa laloku akahadhaa so Lahataꞌala, peda dua hintimiu itu ampa aini.

Tula-tulando rasulu 22:3 Iomraidhean Croise

Lukas 10:39

Marta bhe hobhine kakutaꞌano, neano Maria. Maria nengkoha-ngkoha ne owano aꞌeno Ompu, nofetingke kansuhu pugauno,

Lukas 2:46

Nopooli tolu oleo dopoꞌawaanemo weo Lambuno Lahataꞌala, tangasano nengkoha-ngkoha ne wunta-wuntando guru agama. Anoa nofeti-fetingkeda bhe nofee-feena.

Lukas 8:35

Dadiꞌanomo miendo liwu dofisilimba-limbaꞌamo daꞌumondo kadhadhia anaꞌa. Dohato ne Yesus, dowohamo mie nekadunsano seetani naꞌa nengkoha-ngkoha ne wiseno Yesus, nokopakeamo bhe nototomo. Andoa doteꞌi sepaliꞌa.

Tula-tulando rasulu 11:25

Pada anaꞌa Barnabas nokalamo we Tarsus noꞌondofi Saulus. Hato nopoꞌawaane nowowoꞌoemo we Antiokia.

Tula-tulando rasulu 15:23

Andoa dowaꞌanda suha. Wambano peda aini, “Bhahitieꞌi mani suano Yahudi meateno we Antiokia, Siria bhe Kilikia. Suha aini nomaiꞌao ne insaodi rasulu bhe kamungkulaꞌi ⸤ we Yerusalem⸥ so hintimiu.

Tula-tulando rasulu 15:41

Doliligi kadieno Siria bhe Kilikia; ne itu dofekatangka kaparasaeando umati.

Tula-tulando rasulu 21:20

Dofetingke peda naꞌa dopudhimo Lahataꞌala maka dopugau ne Paulus ambado, “Paulus bhahitie mani, naetaa mandeꞌaane nehewundomo miendo Yahudi marasaeano ne Yesus, bhe sanea mintahakino mpuu tubhono agama Yahudi.

Tula-tulando rasulu 21:39

Ambano Paulus, “Idi ini miendo Yahudi amaiꞌao we Tarsus, seꞌonu kota tiende-endeno we kadieno Kilikia. Aesalo ane naembali daꞌumunda kanau amugau ne mie bhahi maitu.”

Tula-tulando rasulu 23:34

Pada nobasa suha maitu, gubernur nofeenamo Paulus bhahaꞌi nomaiꞌao ne kadieno ae. Hato nofetingke Paulus nomaiꞌao we kadieno Kilikia,

Tula-tulando rasulu 23:6

Paulus nopandeꞌaane mie humatono maitu sigaꞌa miendo Saduki, sigaꞌa miendo Farisi. Dadiꞌanomo nopugaumo nofekabhala-bhalaꞌie ne wisendo Sahano Agama ambano, “Bhahitieꞌiku, idi ini o Farisi, sampuꞌando miendo Farisi, katibhitahakiꞌaku ne ini, mbaꞌinomo aposahunaꞌao mie mate sumuli dadumadi.”

Tula-tulando rasulu 26:5

Nomponamo dopandeꞌa kanau. Ane damoindalo, naembali daetula-tula putae idi ini aembali seemie Farisi mangkafino tubho foliuno kakii ne agamantoomu ini.

Tula-tulando rasulu 26:9

Daanumo, endefiꞌini wutoku dua kunaꞌekumo tabeano amewangie nekonando Yesus miendo Nasaret maitu ampa kaꞌosaku.

Tula-tulando rasulu 5:34

Ne olotando Sahano Agama maitu nandoo seemie Farisi pande Kitabino Musa, neano Gamaliel. Anoa ini dofosibhalae dua mie bhahi. Nesalomo rasulu hoduano maitu damolimbada sebantaha.

Tula-tulando rasulu 6:9

Tamaka nandoo dua mewangie. Andoa ini umatino Yahudi nekonando umati Libertini (maꞌanano bhatua nefobebasi), domaiꞌao we kotano Kirene bhe kotano Aleksandria. Doseꞌise bhe miendo Yahudi maiꞌaono we kadieno Kilikia bhe Asia maka domai dopotagali bhe Stefanus ⸤ hampano miina damarasaea putae Yesus Omputo Fosalamatino⸥ .

Tula-tulando rasulu 9:1

Wakutuu anaꞌa Saulus nandoo nokaꞌende-ende lalono naꞌumamba bhe namongko mangkafino Yesus. Anoa nopoꞌawaꞌao Imamu Bhalano

Tula-tulando rasulu 9:11

Nokowambamo dua Ompu, “Kalamo we kaangkaꞌa koneaꞌano Sala Melaa. Ondofi we lambuno Yudas seemie maiꞌaono we Tarsus, neano Saulus. Ampa aitu tangasano nosambahea.

Tula-tulando rasulu 9:30

Sadopandeꞌaane, bhahitie marasaeano lasao dowowoꞌoe we Kaisarea maka dofopansuhue we Tarsus.

Roma 11:1

Dadiꞌanomo ameena: bhahaa Lahataꞌala nokukundodamo umatino? Tantumo miina! Ingka idi ini miendo dua Israel, siwuluno Abraham, amaiꞌao ne sampuꞌano Benyamin.

2 Korintus 11:22

Bhahaa andoa maitu miendo Ibrani? Ingka idimo dua. Bhahaa andoa maitu miendo Israel? Ingka idimo dua. Bhahaa andoa maitu sampuꞌano Abraham? Ingka idimo dua.

Galatia 1:14

Weo dhalangiꞌano agama Yahudi, dobhahi tapiꞌaku aliuda. Nokampuu-mpuu laloku bhe akokoso sepaliꞌa adambaꞌao adhati kahunsaꞌaondo awuaꞌiku.

Galatia 1:21

Pada aitu akalamo we kadieno Siria bhe Kilikia.