Tula-tulando rasulu 21:8 - Muna Southern Dialect

⁸ Nomentae takalamo we kotano Kaisarea. Ne itu tabutu we lambuno Filipus. Anoa ini mefoleleno dua Bhihita Metaa, seemie ne olotando pipituno nesangkendo we Yerusalem endefiꞌitu.

Tula-tulando rasulu 21:8 Iomraidhean Croise

Tula-tulando rasulu 10:1

We Kaisarea nandoo seemie suano Yahudi koneaꞌano Kornelius, anoa ini neangkando tantara. Kaseꞌisendo tantara nepandeꞌaono dokonae “Taguano Italia”.

Tula-tulando rasulu 16:10

Pada nokopowoha peda maitu, lasao taokanu tapolimba se kadieno Makedonia. Hampano nopalusi powoha maitu, tasefekihimo ingka wutono Lahataꞌala gahaꞌa mugau kainsami taefolele Bhihita Metaa ne itu.

Tula-tulando rasulu 16:13

Ne oleono Sabat talimbaki fointono kota, takala we wiwino umele. Pada aitu tahatomo ne kasambaheaꞌando miendo Yahudi, nopobutu peda nefekihi mani. Pada taengkoha sebantaha, tapugaumo ne hobhineꞌi pohompu-hompuno ne itu.

Tula-tulando rasulu 16:16

Sepaku, nandoo takala se kasambaheaꞌa maitu tapoꞌawaꞌao seemie bhatua hobhine. Kalambe aini nopesuakie seetani sampe nopande nekona-kona so kumadhadhiaꞌano we oleo mbuhumai. Kapandeno naꞌa dokodhoianemo kafeompuꞌano.

Tula-tulando rasulu 18:22

Nosede kaowu we kotano Kaisarea, nofonimo te Yerusalem noangkai umati marasaeano ne itu maka nopansuhu we Antiokia.

Tula-tulando rasulu 20:13

Insaodi tapaꞌindulu we bhangka maka tahela tahope we kotano Asos. Patudhu mani tasumumpui Paulus ne naꞌa peda kaowilino, hampano anoa noangka wite.

Tula-tulando rasulu 20:6

Nopalusi hohaeaꞌano Roti Tapa Koragino tahelamo tamaiꞌao we kotano Filipi maka nopooli neelima tahatomo we Troas bhe tapoꞌawa-awamo toha. Ne itu taeate fitu oleo kaomponano.

Tula-tulando rasulu 21:16

Nandoo dua seemie hodua mie marasaeano we Kaisarea mangkafi kainsami. Andoa ini doowa kainsami we lambuno Manason, kabutuꞌa manimo. Mie aini nomaiꞌao we witeno Siprus, nomponamo noparasaeaꞌa.

Tula-tulando rasulu 23:23

Pada aitu panglima neloꞌoimo dohodua tantarano maka nofohatoda ambano, “Mefontaa-ntaa kaitaomu dahaa moꞌono tantara so kumalano we Kaisarea, pakade dafitu fulu tantara sumawino ne adhaha bhe dahaa moꞌono tantara meintahano pandanga. Nahambi-hambi siua mata sealo itu dakumalamo.

Tula-tulando rasulu 27:1

Pada kaowu dobhotusie takumala we witeno Italia, Paulus bhe seemie hodua katohongku sigaoꞌano doowadamo ne limano seemie neangkando tantara koneaꞌano Yulius. Kaseꞌiseno tantara nepandeꞌaono dokonae “Taguano Kaisar”.

Tula-tulando rasulu 28:11

Nokapo tolu wula tahunsamo liwuto aitu tasawi ne bhangka bhalano maiꞌaono we kotano Aleksandria. Kosekawantaꞌae wulano bhaha bhangka anaꞌa nolabu ne liwuto aitu. Katandaino bhangka aitu nepake gambarano dewa Lopo (Kastor bhe Poluks).

Tula-tulando rasulu 28:16

Sahato mani we Roma, Paulus doꞌundaꞌaane naeate nomoisa ne lambu kabutuꞌano bhe seemie tantara dhumaganie.

Tula-tulando rasulu 6:5

Patudhundo naꞌa doangkafie kosasawindo mie marasaeano. Dadiꞌanomo dopilimo Stefanus, seemie motangkano kaparasaea bhe nekabhintino Rohino Lahataꞌala. Dopilimo dua Filipus, Prokorus, Nikanor, Timon, Parmenas bhe Nikolaus. Nikolaus ini mieno Antiokia, tamaka nopesuamo agama Yahudi.

Tula-tulando rasulu 9:30

Sadopandeꞌaane, bhahitie marasaeano lasao dowowoꞌoe we Kaisarea maka dofopansuhue we Tarsus.

Efesus 4:11

Anoamo dua fodawuꞌaono kawaꞌao, sigaꞌa nowaꞌanda taka dembali rasulu, sigaꞌa dembali anabii, sigaoꞌano dembali mefoleleno Bhihita Metaa, sigaoꞌano dua dembali fofoinaꞌuno bhe umondofaono umati.

2 Timotius 4:5

Tamaka hintu, fotoho lalomu o ae maka dua newisekimu, kosabaha potaamiꞌao kakadee-dee, dhalangie kansuhu takamu mefolele Bhihita Metaa, mpuu-mpuunie taka kaꞌondofao netahimamu.