Tula-tulando rasulu 20:7 - Muna Southern Dialect

⁷ Ne alono Ahadhi tapohompu-hompumo tapoharoa. Paulus nopuga-pugaumo bhe bhahitieꞌi ne itu hampano patudhuno namentae nakumalamo toha. Puga-pugauno maitu tanofewuntaꞌi alo.

Tula-tulando rasulu 20:7 Iomraidhean Croise

Markus 16:9

[Nowanu kaowu, ne oleono Ahadhi kahangkowineno, kabhao-bhaonoꞌo Yesus nofotiwoha Wutono ne Maria Magdalena. Nomaiꞌao ne Maria ini, Yesus padamo nefolimba fitu bansa seetani.

Lukas 22:19

Pada anaꞌa nealamo dua roti, nefoampe katumpuno lalo, nobhebhehae maka nodawu-dawuandae anaguhuꞌino. Ambano, “Mbadhakumo inia, newaꞌaoku so hintimiu, habuomu nada ini somo kafeꞌulaimiu ne Idi.”

Lukas 24:35

Anaguhu hoduano saꞌituini lasao detula-tulaꞌaomo dua kadhadhia we laano sala bhe katipandeꞌaoꞌano wakutuuno nebhebheha roti.

Yohanes 20:1

Same-samentaeno ne oleono Ahadhi, nandoo nohohondo, Maria Magdalena nokalamo we kobuhu. Gahaꞌa nowohamo kontu kaꞌontono wobhano lia kafokobuhuꞌa naꞌa padamo dodolee.

Yohanes 20:19

Nohondo kaowu oleo ne oleono Ahadhi naꞌa, anaguhuꞌino dopohompu-hompumo ne seꞌonu lambu. Fointono padae dokunsie hampano doteꞌi miendo Yahudi. Gahaꞌa tanosihatoꞌamo Yesus neehe-ehe ne wunta-wuntando bhe nopugau ambano, “Katohopono dadi so hintimiu!”

Yohanes 20:26

Nopalusi alu oleo anaguhuꞌino Yesus dopohompu-hompumo toha ne lambu anaꞌa, wakutuu anaꞌa bhe Tomas dua. Fointo dopadae dokunsie. Gahaꞌa tanosihatoꞌamo Yesus neehe-ehe ne wunta-wuntando bhe nopugau ambano, “Katohopono dadi so hintimiu!”

Tula-tulando rasulu 16:10

Pada nokopowoha peda maitu, lasao taokanu tapolimba se kadieno Makedonia. Hampano nopalusi powoha maitu, tasefekihimo ingka wutono Lahataꞌala gahaꞌa mugau kainsami taefolele Bhihita Metaa ne itu.

Tula-tulando rasulu 2:42

Andoa sadhia dokampuu-mpuu dofintahaki kafoinaꞌundo rasulu, dopohompu-hompu bhe dosekakolalo. Andoa sadhia dua dopoharoa bhe dosambahea.

Tula-tulando rasulu 2:46

Andoa dokampuu-mpuu dosekakolalo, seꞌo-seꞌoleo dopohompu-hompu weo Lambuno Lahataꞌala. Andoa doꞌia bhe nohelasi lalondo dopoharoa ne lambudo seemie-seemie dopali-paliꞌaane.

Tula-tulando rasulu 20:11

Hato nosuli te wawo, Paulus nebhebheha roti maka dosihuma-humaaꞌa. Pada dohumaa, nandoo nompona toha nopuga-pugau; tanohaha kamentae maka nokala.

Tula-tulando rasulu 20:31

Dadiꞌanomo kodhagaomu! Tandaiꞌeomu tolu taꞌumo kaomponanoa, ole-oleono, koho-kohondoꞌano miina ameontoa atangahikoomu seemie-seemie, nopotuhu bhe luuku.

Tula-tulando rasulu 20:5

Andoa naꞌa dopaꞌindulu maka dontaa-ntaa kainsami we kotano Troas.

Tula-tulando rasulu 20:9

Nandoo seemie anaꞌi moꞌane neano Eutikus nengkoha-ngkoha ne kaonga. Paulus nompona sepaliꞌa nopuga-pugau sampe anaꞌi moꞌane aitu miinamo natumahamiea kampauno. Gahaꞌa nosimoodoꞌamo sampe nondawu nomaiꞌao te katolu sunsuno. Hato dosangkee nomatemo.

Tula-tulando rasulu 28:23

Pada anaꞌa detempomo so dapoꞌawa-awaꞌao. Nohato tempono dobhahi sepaliꞌa maino we kabutuꞌano. Paulus nofohatoanda bhe notalesaandamo peda amai Kafopahintaꞌano Lahataꞌala notanda ne Kitabino Musa bhe Kitabindo ana-anabii. Anoa noꞌule-uleiꞌe lalono so damarasaeaꞌao ne Yesus, notanda hangkowine ampa nohondo oleo.

1 Korintus 10:16

Wakutuuno dofohoꞌuomu angguru poowa defoampe katumpuno lalo ne Lahataꞌala hampano kampohoꞌuꞌa anaꞌa, ingka tandanomo kaseꞌisentoomu bhe heano Kristus. Wakutuuno dopobheha-bhehaomu roti maka dohumaaꞌe, ingka tandanomo kaseꞌisentoomu bhe mbadhano Kristus.

1 Korintus 15:10

Tamaka hampano rahamatino Lahataꞌala idi ini ingka pedamo aini, maka rahamatino ne idi miina nasumia-siaꞌa. Idi padamo akahadhaa mobhie afoliuda kosasawindo rasulu, ampamo kaowu suano kaꞌosano wutoku tamaka rahamatino Lahataꞌala pobhai kanau.

1 Korintus 16:2

Seꞌo-seꞌoleono Ahadhi, seemie-seemie naegaati dhoi seendai, naposahataa bhe hasilino. Dhoi anaꞌa hunsaeꞌomu, neanomo humato amai tokamo natifoꞌonu.

2 Timotius 4:2

mefebhihitaiꞌao bhoasaono Ompu, fopahataaꞌe lalomu, dametingkeko bhe paise, naetaa bhe pae naetaa wakutuuno, feꞌulaiandae kaꞌalando, foꞌalada bhe fekatangkae lalondo. Kosabaha tangahida bhe foinaꞌuda.

Powoha 1:10

Ne oleono Ompu nokabhinti kanau Rohino Lahataꞌala maka nomaiꞌao we kundoku afetingke suaha nondii sepaliꞌa tapedamo duhulele bhalano.