Tula-tulando rasulu 2:4 - Muna Southern Dialect

⁴ Kosasawindo nokabhintidamo Rohino Lahataꞌala maka dotanda dopugau depake wambado koliwuno ⸤ tapaꞌo nepandeꞌaondo⸥ , seemie-seemie ampa kadawuꞌaono ne Rohino Lahataꞌala.

Tula-tulando rasulu 2:4 Iomraidhean Croise

Matius 10:19

Ane damowakoomu ne fobhitahakino, koe nekenda-kenda handamiu nada amai tawa o ae so pugaumiu. Kapaꞌamo so pugaumiu itu damaꞌangkoeꞌomu wakutuu aitu dua.

Markus 16:17

Mie marasaeano ne Idi naembali daehabu tanda tapa mentela: daefolimba seetani damake neaku; damande dua dapugauꞌao sabhaha wamba buꞌou.

Lukas 1:15

Anaꞌi anaꞌa naembali kabhala ne pomatano Ompu, paise naohoꞌu angguru tawa kafohoꞌu kaololanuꞌa sigaoꞌano. Rohino Lahataꞌala nakumabhintie mpini weo haebu.

Lukas 1:41

Nofetingke kafeabhano Maria, anaꞌi newoowano Elisabet nebhapunda weo haebu maka Elisabet nokabhintie Rohino Lahataꞌala.

Lukas 1:67

Zakaria amano anaꞌi anaꞌa nokabhintie Rohino Lahataꞌala maka nokosuahamo peda seemie anabii ambano,

Lukas 12:12

Kapaꞌamo wakutuu aitu dua namoinaꞌukoomu Rohino Lahataꞌala o ae so nepugauꞌaomiu.”

Lukas 21:15

Kapaꞌamo wutoku so maꞌangkoomu pugau kotimbangi, sampe kosasawindo kaewamiu paise damondoiꞌea dapoewangiane tawa dagumagai pugaumiu.

Lukas 4:1

Yesus nokabhintiemo Rohino Lahataꞌala. Nosuli maiꞌao we umeleno Yordan noatoemo Rohino Lahataꞌala we pandaso bhalano.

Yohanes 14:26

Tamaka mada kaowu nahumato Rohino Lahataꞌala, Fotulumino so netuduno Amaku weo neaku. Anoamo so mohatoangkoomu kosasawiꞌae kafoinaꞌuku, Anoamo dua so meꞌulaiangkoomu sabhaha wambaku ne hintimiu.

Yohanes 20:22

Pada nopugau peda naꞌa nobusodamo, ambano “Tahimamo Rohino Lahataꞌala.

Tula-tulando rasulu 1:5

Kapaꞌamo Yohanes nofokadiuꞌao oe, tamaka paemo naomponaa hintimiu dakumadiuangkoomu Rohino Lahataꞌala.”

Tula-tulando rasulu 1:8

Ampamo kaowu, nahumato nasumampu Rohino Lahataꞌala, hintimiu meꞌawaomu kuasa, maka membaliomu sakusiiku we Yerusalem, we kadieno Yudea, we kadieno Samaria ampa we tompano dhunia.”

Tula-tulando rasulu 10:46

Kapaꞌamo dofetingkeda dopugau depake wambano Rohi bhe dopudhi kakalabhiano Lahataꞌala. Maka ambano Petrus,

Tula-tulando rasulu 10:47

“Naembali hampano datumagalidaa dakumadiuanda oe? Ingka andoa ini detahimamo dua Rohino Lahataꞌala peda intaodiomu?”

Tula-tulando rasulu 11:15

Maka hato apuga-pugau tambaꞌomo Rohino Lahataꞌala nosampu nokabhinti andoa, pasae ne intaodiomu endefiꞌini.

Tula-tulando rasulu 11:24

Barnabas ini mie metaano lalo, notangka kaparasaeano bhe nokabhintie Rohino Lahataꞌala. Dadiꞌanomo dhulumo kabhahi mie marasaeano ne Ompu Yesus.

Tula-tulando rasulu 13:52

Mangkafino Yesus te Antiokia nowula lalondo, nokabhintida Rohino Lahataꞌala.

Tula-tulando rasulu 13:9

Tamaka Saulus (dokonae dua Paulus) nokabhintie Rohino Lahataꞌala lasao notonto pande sihiri maitu bhe nopugau.

Tula-tulando rasulu 15:8

Lahataꞌala mandeꞌaonomo lalondo manusia, nofotiwohamo bukutii notahimamo mie suano Yahudi, kapaꞌamo nowaꞌandamo dua Rohino peda intaodiomu miendo Yahudi.

Tula-tulando rasulu 19:6

Tangasano Paulus notei limano te wawondo, Rohino Lahataꞌala nokabhintidamo sampe dopugau depake wambano Rohi bhe dokosuaha peda anabii.

Tula-tulando rasulu 2:11

miendo Yahudi bhe sigaoꞌano mangkafino agama Yahudi, miendo Kreta bhe miendo Arabu. Ingka dofetingkedaomu depake wamba we liwu kamaiꞌaoꞌantoomu seemie-seemie, detula-tulaꞌao giu timenteꞌaono nehabuno Lahataꞌala.”

Tula-tulando rasulu 2:3

Tadowohamo dua hendeno efi peda katuno lela nopogaa-gaa nopee te wawondo seemie-seemie.

Tula-tulando rasulu 4:31

Pada dosambahea, lambu kapohompu-hompuꞌando tanomagegomo. Kosasawindo nokabhintidamo Rohino Lahataꞌala maka notangkamo lalondo defolele bhoasaono Lahataꞌala.

Tula-tulando rasulu 4:8

Petrus nokabhintie Rohino Lahataꞌala maka notobhoosi ambano, “Neangkaꞌindo umati bhe kamu-kamungkulaꞌi!

Tula-tulando rasulu 6:3

Dadiꞌanomo, bhahitie-bhahitie, mepili kaitaomu dapipitu ne olotando mie marasaeano, maka tasumangkeda so umondofaono kafaraluu aini. Mie so nepilintoomu tabeano mie metaa weo pomatando mie bhahi, tabeano nekabhintino Rohino Lahataꞌala bhe dokotimbangi.

Tula-tulando rasulu 6:5

Patudhundo naꞌa doangkafie kosasawindo mie marasaeano. Dadiꞌanomo dopilimo Stefanus, seemie motangkano kaparasaea bhe nekabhintino Rohino Lahataꞌala. Dopilimo dua Filipus, Prokorus, Nikanor, Timon, Parmenas bhe Nikolaus. Nikolaus ini mieno Antiokia, tamaka nopesuamo agama Yahudi.

Tula-tulando rasulu 6:8

Stefanus noponoꞌao kabarakati bhe kuasano Lahataꞌala sampe nobhahi nehabu tanda tapa mentela bhe giu timenteꞌaono ne mie bhahi.

Tula-tulando rasulu 7:55

Tamaka Stefanus nokabhintie Rohino Lahataꞌala, nototohana te lani maka nowoha kakalabhiano Lahataꞌala bhe Yesus neehe-ehe ne sohihino Lahataꞌala.

Tula-tulando rasulu 8:17

Kohoduando dotei limando te wawondo miendo Samaria maitu maka detahima Rohino Lahataꞌala.

Tula-tulando rasulu 9:17

Pada aitu Ananias nokalamo maka nopesua weo lambu anaꞌa. Noteimo limano te wawono Saulus bhe nopugau ambano, “Saulus, bhahitieku, Ompu notudu kanau amai ne ini, Anoamo Ompu Yesus motiwohano Wutono we sala kaangkaꞌamu. Kahatoꞌaku neanomo sumuli toha fowoha bhe nakumabhintiko Rohino Lahataꞌala.”

Roma 15:13

Sio-siomo Lahataꞌala kaengkohaꞌano posahunaꞌaomiu, nakumabhintiangkoomu kawulano lalo bhe katohopono dadi hampano kaparasaeamiu, neanomo weo kuasano Rohino Lahataꞌala nasedhuluꞌa dua kabhalano posahunaꞌaomiu.

1 Korintus 12:10

Ne seemieno nowaꞌane kuasa naehabu tanda timenteꞌaono, bhe ne seemieno nowaꞌane kapooli nakosuaha peda seemie anabii. Ne sigaoꞌano nowaꞌane kapooli namande napoꞌalatiꞌao rohi modai bhe rohi metaa. Ne sigaoꞌano dua nowaꞌane kapooli napugauꞌao sabhaha wambano Rohi, maka seemieno nowaꞌane kapooli namaꞌanaki wambano Rohi naꞌa.

1 Korintus 13:1

Mahinggamo naembali apugauꞌao sabhaha wambado manusia bhe wambado malaꞌekati, tamaka ane pae bhe kanini kaasiku ne mie bhaiku, ingka taꞌapototomo bhe mbololo menduu-nduuno tawa ndengu-ndengu mendii-ndiino.

1 Korintus 13:8

Nekosuahaꞌaondo anabii nakotompa, wambano Rohi nametumpu, o kapande naosali, tamaka o kanini kaasi pae bhe kapulia.

1 Korintus 14:18

Notumpu laloku ne Lahataꞌala hampano idi aepake wambano Rohi afoliukoomu kosasawimiu itu.

1 Korintus 14:5

Gaoku mpuu hintimiu kosasawimiu mepakeomu wambano Rohi, tamaka fofoliuꞌano gaoku kosuahaomu peda anabii. Kapaꞌamo nokofahalaa mie kosuahano peda anabii bhe mie mepakeno wambano Rohi, simbali nomaꞌanakie dua wambano naꞌa, so notifekamatangkaꞌao kaparasaeando umati sigaoꞌano.

Efesus 3:19

Sio-siomo kanini kaasi anaꞌa lumosangieꞌomu, mahinggamo sakotuꞌuno pae damondoiꞌe damahamue, neanomo dadimiu nakumabhintiemo sifatino Lahataꞌala foliuno kasumangka.

Efesus 5:18

Koise mololanuomu, kapaꞌamo kalolanu neowa nafusuu fodai-daino, tamaka naetaa umulei lalomiu sadhia nakumabhintikoomu Rohino Lahataꞌala.

Efesus 6:18

Habue bhahi-bhahiꞌae naꞌa poowa sambaheaꞌomu mesaloomu katulumino Lahataꞌala. Sadhia sambaheaꞌomu angkafiomu kaatono Rohino Lahataꞌala, o ae maka dua nehabumiu. Kodhagaomu weo sambaheamiu, koe fenga-fengaasia mesaloomu so kosasawindo umati mongkilono.

1 Petrus 1:12

Lahataꞌala nofohato ana-anabii naꞌa putae bhihita nekosuahaꞌaondo, suano so wutondo tamaka so hintimiu. Ingka bhihitamo dua anaꞌa nefetingkemiu ampa aini ne mie meowano Bhihita Metaa. Weo kuasano Rohino Lahataꞌala nefosampu maiꞌao te surugaa, mie anaꞌa dofosampeangkoomu Bhihita Metaa anaꞌa. Mahinggamo malaꞌekati, gaondo damandeꞌaane dua bhihita aini.

2 Petrus 1:21

Kapaꞌamo miina nandumandooa kaowilino Lahataꞌala nefosampendo ana-anabii nomaiꞌao ne kapoindalondo manusia, tamaka kuasano Rohino Lahataꞌala kumabhintino ana-anabii sampe dokosuahaꞌao kaowilino Lahataꞌala.