Tula-tulando rasulu 2:27 - Muna Southern Dialect

²⁷ Kapaꞌamo alusuku pae humunsae weo dhuniando mie mate, mbadhano bhatuamu mongkilono pae nahumansurua.

Tula-tulando rasulu 2:27 Iomraidhean Croise

Matius 11:23

Hintu liwuno Kapernaum, kunaꞌemu dasumangkeko te lani? Paise, hintu daꞌumohoko we narakaa, kapaꞌamo ane endefiꞌini we Sodom nakumadhadhia tanda-tanda tapa mentela newohamiu ini, tetewei liwu aitu nandumandooꞌe ampa seꞌoleo itu.

Markus 1:24

“O Yesus miendo Nasaret, o ae patudhumu ne insaodi ini? Mai mobinasa kainsami gahaꞌa? Apandeꞌaangko, Hintu itu mie mongkilono katuduno Lahataꞌala.”

Lukas 1:35

Notobhoosimo malaꞌekati, “Rohino Lahataꞌala nasumampu ne hintu bhe kuasano Lahataꞌala foliuno kalangke nakumaputiko, dadiꞌanomo anaꞌi so lumenteꞌano naꞌa dakumonae Mie mongkilo, Anano Lahataꞌala.

Lukas 16:23

Gahaꞌa mie hangkaea naꞌa nomatemo dua maka dokobuhue. We dhuniando mie mate nokadee-dee sepaliꞌa. Wakutuu nototohana, gahaꞌa nowohamo Abraham te mokodoꞌoꞌano noꞌawi Lasarus.

Lukas 24:44

Ambano dua, “Pedamo ini patudhuno pugauku wakutuuno apobhaiangkoomu endefiꞌini. Ingka afohatokoomu kosasawiꞌae tibuhino weo Kitabino Musa, Kitabindo ana-anabii bhe Kitabino Laguno Daud tetewei nakoꞌula.”

Lukas 4:34

“Haa hintu Yesus miendo Nasaret! O ae patudhumu ne insaodi ini, mai mobinasa kainsami gahaꞌa? Apandeꞌaangko hintu itu mie mongkilo maiꞌao ne Lahataꞌala.”

Yohanes 11:39

Ambano Yesus, “Fogampieꞌomu kontu aitu!” Marta aino mateno maitu nopugau ambano, “Waompu, nokowonomo, ingka fato oleomo nomate.”

Tula-tulando rasulu 2:26

Dadiꞌanomo laloku noꞌia sepaliꞌa, alusuku nokei nosambo; aeate-ate weo posahunaꞌao ne Lahataꞌala.

Tula-tulando rasulu 2:28

Hintu fosusu kanau kaangkaꞌa so adumadiꞌao; ne wisemu nopontalabhi-labhi kaꞌiaku.’

Tula-tulando rasulu 2:31

dadiꞌanomo o ae so kumadhadhiaꞌano te wise nowohaemo. Nopugauane wawo putae Mesias Omputo Fosalamatino namanu namaiꞌao ne mate. Ambano Daud, ‘Pae dahumunsae weo dhuniando mie mate, mbadhano pae nahumansurua.’

Tula-tulando rasulu 3:14

Anoa mie mongkilo bhe melaano lalo, tamaka hintimiu mongaheꞌieꞌomu maka mesaloomu ne Pilatus namolapaangkoomu mie kapongko-pongkono.

Tula-tulando rasulu 4:27

Nopokantibhamo bhe anaꞌa Herodes bhe Pontius Pilatus, mie maiꞌaono ne sabhaha bansano liwu bhe miendo Israel dohompumo ne kota ini dopugau-gau doewangi Yesus palima-limamu mongkilono, nesangkemu mbali Omputo Fosalamatino.

1 Korintus 15:52

Kadhadhiano nasetolindaꞌa, nasepihuꞌa mata, napoangka bhe ndiino duhulele bhalano kafetompaino dhamani. Kapaꞌamo duhulele bhalano nakondii maka mie mate damowanuda daepake mbadha tapa binasaꞌano maka intaodiomu dafobhalii.

1 Korintus 15:55

“Hintu o mate, nandoo bhahaa kafotalomua? Ne amai bhahaa tifumua?”

1 Yohanes 2:20

Tamaka hintimiu miina nada anaꞌa, ingka metahimamoomu Rohino Lahataꞌala maiꞌaono ne Kristus, dadiꞌanomo kosasawimiu losangiemoomu kabanara.

Powoha 1:18

Idimo dumadino, padamo amate, tamaka ondo kanau itu, ingka adadimo ampa suhue dhamani. Idimo mintahano kunsino mate bhe dhuniano mate.

Powoha 20:13

O teꞌi noowa mie komate-mateno weo teꞌi; pedamo dua o mate bhe dhuniano mate doowa miendo mateno, maka seemie-seemie dobhotusida noposahataa bhe habundo.

Powoha 3:7

“Buhie dua so malaꞌekatino umati we Filadelfia: pedamo aini kaowili maiꞌao ne Mie Mongkilo, Mie Banara, mintahano kunsino Daud. Ane nelengka fointo, pae bhe so mooliea daꞌumontoe; pedamo dua ane neꞌonto fointo, pae bhe so mooliea dalumengkae.