Tula-tulando rasulu 2:23 - Muna Southern Dialect

²³ Noposahataa bhe patudhuno bhe kalentuno Wutono, Lahataꞌala nobhotusiemo nofolapasaangkoeꞌomu. Tamaka hintimiu katahoeꞌomu ne bansando mie modai dokantaiꞌe te sau salipu bhe dopongkoe.

Tula-tulando rasulu 2:23 Iomraidhean Croise

Matius 20:19

Anoa damowae ne bansano liwu suano Yahudi, damele-elee, dahumambisiane habuta bhe dakumantaiꞌe te sau salipu. Tamaka ne katolu oleono namanu namaiꞌao ne mate.”

Matius 26:24

Daanumo Anano Manusia - Idimo ini - tetewei namate peda tibuhino weo Kitabino anabii. Tamaka nobalaamo mie so mowano Anano Manusia ne limando kaewa. Mie anaꞌa netaamo koemo nolentea.”

Matius 27:35

Pada dokantai Yesus te sau salipu, tantara andoa maitu dodawu-dawumo pakeano. Mbali notipandeꞌaoane dawuno seemie-seemie, dopodaduane.

Markus 15:24

Pada anaꞌa dokantaiꞌemo te sau salipu. Pakeano dopodawu-dawue; mbali notipandeꞌaoane dawuno see-seemie, dopodaduane.

Lukas 22:22

Kapaꞌamo Anano Manusia tetewei namate peda toka nefotantuno Lahataꞌala, tamaka nabalaamo mie mowae ne kaewa!”

Lukas 22:37

Kapaꞌamo amohatokoomu, aeatino Kitabi tetewei nakoꞌulamo ne Idi peda ini, ‘Anoa notilentu mie modai.’ Hampano sabhaha tibuhino mulaoꞌaono Idi napikikoꞌulamo.”

Lukas 23:33

Dohato te kabhawo koneaꞌano Kaꞌuada, Yesus dokantaiꞌemo te sau salipu. Pedamo dua anaꞌa mie modai hoduano, seemie we suanano, seemieno we kemano.

Lukas 24:20

Tamaka neangkaꞌindo imamu bhe kamu-kamungkulaꞌi mani doowae ne kaewa dobhotusiane mate maka dokantaiꞌe te sau salipu!

Yohanes 19:18

Ne itumo Yesus dokantaiꞌe te sau salipu. Nandoo dua mie dohodua dokantaida dopoowa-owa bhe Anoa, seemie ne kema, seemie ne suana, Yesus dofewuntaane.

Yohanes 19:24

Dadiꞌanomo tantaraꞌi dopugaumo sapada-pada andoa ambado, “Koemo dobhini-bhinieꞌomua, naetaa dapodaduane bhahaꞌi naꞌumawae laꞌae.” Kanandooꞌano peda naꞌa somo nokoꞌulaꞌao wambano Kitabi, “Andoa dodawu-dawu pakeaku, dhubaku dopodaduane.” Pedamo anaꞌa nehabundo tantaraꞌi maitu.

Tula-tulando rasulu 13:27

Miendo Israel bhe neangkaꞌindo miina damandeꞌaane putae Yesus maitu fofosalamatinomo. Miina dua dalumosangie pugaundo ana-anabii nebasando seꞌo-seꞌoleono Sabat, sampe dobhotusiemo damongkoe. Tamaka habundo naꞌa nofekakoꞌulamo pugaundo ana-anabii maitu.

Tula-tulando rasulu 15:18

Ompu nofofohatoꞌao bhahi-bhahiꞌae ini mpini dhamani wawono.

Tula-tulando rasulu 2:36

Dadiꞌanomo kosasawindo miendo Israel tabeano mandeꞌaaneomu kotu-kotuꞌu putae Yesus nosangkeemo Lahataꞌala nembali Ompu bhe Mesias, Omputo Fosalamatino. Yesus ini padamo kantaiꞌeomu te sau salipu.”

Tula-tulando rasulu 3:18

Ampamo kaowu pedamo anaꞌa Lahataꞌala nofekakoꞌula nekobhoasaꞌaono endefiꞌini. Bhoasaono naꞌa nofosampeandae ana-anabii, putae Mesias Omputo Fosalamatino maitu tetewei nakumadee-dee.

Tula-tulando rasulu 4:28

Andoa ini dodhalangimo kosasawiꞌae nefotantumu mpini kabhao-bhaono hampano kuasa bhe kapoindalomu Wutomu.

Tula-tulando rasulu 5:28

“Padamo tafokii-kiikoomu taꞌeleꞌaangkoomu fofoguhuomu weo neano mie aitu. Tamaka o ae koꞌulaꞌano? Kafoguhumiu nokabhintiemo kosekaꞌewaꞌae Yerusalem, pakade patudhumiu kamateꞌano mie aitu malaꞌa kainsamieꞌomu insaodi.”

Tula-tulando rasulu 5:30

Yesus maitu pongkoeꞌomu, kantaiꞌeomu te sau salipu, tamaka Ompu Lahataꞌalando awuantoomu nofowanue nomaiꞌao ne mate.

Tula-tulando rasulu 7:52

Anabii laꞌae bhahaa tapa nefodee-deendo awuaꞌimiu? Bhahaa tadua dopongkomo mie katudu mefoleleno bhihita so kahatoꞌano Mie Metaano Lalo. Anoa naꞌa padamo pokanagauaneomu bhe pongkoeꞌomu.

Roma 2:12

Bansano liwu sigaoꞌano tapa mandeꞌaono tubhono agama Yahudi tibuhino weo Kitabi, ane dokodhosa nabhotusida Lahataꞌala dabinasa, tamaka kabhotusi anaꞌa paise naengkoha ne tubhono agama Yahudi. Tamaka sabhaha mie mandeꞌaono tubhono agama Yahudi maitu, ane dokodhosa tetewei nabhotusida Lahataꞌala naengkoha ne tubhono agama aitu.

Roma 4:17

Weo Kitabi notibuhi, “Hintu asangkeko so amando bansano liwu bhahi.” ⸤ Pedamo naꞌa Abraham nembalimo amantoomu⸥ ne wiseno Lahataꞌala neparasaeano. Anoamo Lahataꞌala mefodadino mie mate, Anoamo dua tanokobhoasaomo maka tapa ndumandooꞌano tanosinandooꞌamo.

1 Tesalonika 2:15

Andoamo naꞌa mongkono Ompu Yesus bhe ana-anabii, modee-deenomo dua insaodi. Podiundo maitu miina naoꞌiaꞌane Lahataꞌala, pakade dopomodai bhe sabhaha mie.

1 Petrus 1:2

Hintimiu dopilikoomu mbali umatino nopoangkafi bhe patudhuno Lahataꞌala Amantoomu mpini kabhao-bhaono. Hampano kahadhaano Rohino Lahataꞌala, membalimoomu umatino mongkilono, neanomo meangkaomu ne Yesus Kristus bhe dhosamiu natiꞌamponi mbaꞌinomo tuhuno heano Kristus. Sio-siomo sadhia namaꞌangkoomu kabarakati bhe katohopono dadi pontalabhi-labhino.

1 Petrus 1:20

Kristus tokamo nopilie Lahataꞌala mpini miinaꞌo bhe dhunia, tamaka kaneꞌo notiumba ne pandano dhamani aini, so kasalamatiꞌamiu.

1 Petrus 2:8

Notibuhi dua, “Kontu aini somo katitunoꞌa, somo dua katifolongkoꞌando mie.” Katitunoꞌando hampano miina daeangka ne bhoasaono Lahataꞌala, pedamo toka nefotantuno Lahataꞌala.

Yudas 1:4

Kapaꞌamo nonandoo mie mekase-kasepeno ne olotamiu itu. Andoa itu mie modai mebhansu-bhansuleno bhihitano rahamatino Lahataꞌala nembali kasalawando damolua nafusuundo. Andoa dogagai Yesus Kristus, Kafeompuꞌa bhe Omputo Kaseemie-mieꞌano. Mpini wawono kahukumu so andoa ini toka notibuhi weo Kitabi.

Powoha 13:8

Kosasawindo mie meateno we dhunia dasumomba ne anoa. Miemo andoa ini, mpini pakatifokonandoono dhunia, miina natibuhia neando weo Kitabindo Mie Dumadi, fehebuaꞌano Anano Dhumba toka nesumbele.