Tula-tulando rasulu 2:22 - Muna Southern Dialect

²² Miendo Israel, fetingkeeꞌomu pugauku ini. Nepulaoꞌaoku naꞌa Yesus miendo Nasaret, seemie nesangkeno Lahataꞌala. Nosangkee Lahataꞌala ini notiwoha ne kuasa, giu timenteꞌaono bhe tanda tapa mentela nehabuno Lahataꞌala ne wunta-wuntamiu noangka ne limano Yesus ini. Kosasawiꞌae ini ingka pandeꞌaanemoomu.

Tula-tulando rasulu 2:22 Iomraidhean Croise

Matius 12:28

Tamaka ane aefolimba seetani apake kuasano Rohino Lahataꞌala, sakotuꞌuno nohatokomoomu Kafopahintaꞌano Lahataꞌala.

Matius 2:23

Dohato we Galilea deatemo ne seꞌonu kota koneaꞌano Nasaret. Pedamo naꞌa nokoꞌulaꞌao bhoasaono Ompu nefosampendo ana-anabii mulaoꞌaono anaꞌi amaitu, “Anoa dakumonae miendo Nasaret.”

Matius 9:8

Mie bhahi mohano kadhadhia aitu doteꞌi bhe dopudhi Lahataꞌala maꞌaono kuasa bhalano pedando aitu ne manusia.

Lukas 11:20

Tamaka ane aefolimba seetani apake kuasano Lahataꞌala, sakotuꞌuno nohatokoomu Kafopahintaꞌano Lahataꞌala.

Lukas 18:37

Ambado mie, “Yesus miendo Nasaret noangka ne ini.”

Lukas 24:18

Seemie koneaꞌano Kleopas notobhoosimo ambano, “Bhahaa seemie-miemu hintu ini mie humato we Yerusalem tapa mandeꞌaono kadhadhia haꞌoleo ini ne watu?”

Yohanes 1:45

Filipus noꞌondofimo Natanael maka nofohatoe, “Insaodi padamo tapoꞌawa bhe mie nepulaoꞌaono anabii Musa weo Kitabino bhe nepulaoꞌaondo anabii sigaoꞌano. Neano Yesus, anano Yusuf nomaiꞌao we liwuno Nasaret.”

Yohanes 10:37

Ane pae ahumabu kahadhaano Amaku, koemo parasaeaꞌomua.

Yohanes 11:47

Dadiꞌanomo neangkaꞌindo imamu bhe miendo Farisi dofohompumo Sahano Agama bhe dopugau ambado, “Daeafaꞌimoomu bhahaa? Ingka mie amaitu nobhahi sepaliꞌa nehabu tanda timenteꞌaono.

Yohanes 12:17

Mie bhahi mangkafie wakutuuno noloꞌoi Lasarus nomaiꞌao weo kobuhu maka nofodadie, dosakusiiꞌaomo kadhadhia naꞌa.

Yohanes 15:24

Ane pae aehabuanda tanda tapa nehabu-habundo bhaindo, teteweimo pae dakodhosaa. Tamaka aitu dowohamo kosasawiꞌae tanda naꞌa, gahaꞌa sadaa-daa dobansi Idi bhe dobansi dua Amaku.

Yohanes 19:19

Pilatus notududamo dua daefopikaane kabuhi te sau salipu naꞌa. Wambano buhi naꞌa peda aini, “ Yesus miendo Nasaret, Omputo miendo Yahudi.”

Yohanes 3:2

Nohondo oleo, nokalamo nopoꞌawaꞌao Yesus. Ambano, “Guru, tapandeꞌaane Hintu guru katuduno Lahataꞌala. Kapaꞌamo bhe naseemie pae bhe mandeno mehabuno tanda-tanda timenteꞌaono nehabumu itu, ane pae napobhaiane Lahataꞌala.”

Yohanes 4:48

Ambano Yesus, “Ane paise mohaomu tanda tapa mentela bhe giu timenteꞌaono, paise marasaeaꞌomu.”

Yohanes 5:36

Tamaka Idi bhe kasakusiiku noliuꞌe nesakusiiꞌaono Yohanes. Nepulaoꞌaoku sabhaha kahadhaa nehabuku; kahadhaa naꞌa nofotaka kanaꞌe Amaku so ahumabu. Kahadhaamo amaitu nembalimo kasakusiiku, nembalimo dua bukutiino Idi ini notudu kanau Amaku.

Yohanes 6:14

Dowoha kaowu tanda timenteꞌaono nehabuno Yesus maitu, dopugaumo mie bhahi ambado, “Kotu-kotuꞌu Anoa ini anabii ⸤ nepodhandiꞌao weo Kitabi⸥ so humatono we dhunia ini.”

Yohanes 6:27

Koise kahadhaaꞌomu so meꞌawaꞌaoꞌomu oti so mowoloꞌano, tamaka tabeano kahadhaaꞌomu so meꞌawaꞌaoꞌomu oti tumarano ampa suhue dhamani. Oti anaꞌa namaꞌangkoꞌeomu Anano Manusia - Idimo ini - hampano Anoamo nefopoolino Lahataꞌala Amano.”

Yohanes 7:31

Ne olotando mie bhahi maitu nandoo dobhahi dua marasaeano ne Anoa. Ambado, “Ane nahumato Mesias, bhahaa nalumiuꞌe dua kabhahino tanda-tanda timenteꞌaono nehabuno Anoa ini?”

Yohanes 9:33

Ane mie amaitu pae namaiꞌao ne Lahataꞌala, tetewei pae nakonipoolia.”

Tula-tulando rasulu 13:16

Pada aitu Paulus noehemo poowa noaleda keana dohobho maka nopugau, “Bhahitieꞌiku miendo Israel bhe bhahitieꞌiku sigaoꞌano moteꞌino ne Lahataꞌala, fetingke kanauꞌomu!

Tula-tulando rasulu 14:27

Sahatondo ne itu dofohompumo umati marasaeano maka detula-tulaanda sabhaha nehabuno Lahataꞌala noangka ne limando, pakade Lahataꞌala nelengkamo kaangkaꞌa mbali mie suano Yahudi so damarasaeaꞌao ne Yesus.

Tula-tulando rasulu 2:19

Aefokonandoo giu timenteꞌaono te wawo, te lani tatu, bhe tanda tapa mentela we panda, we dhunia ini: o hea, o efi bhe gawu mokapa.

Tula-tulando rasulu 2:43

Nobhahi giu timenteꞌaono bhe tanda tapa mentela nehabundo rasulu, sampe kosasawindo mie doteꞌi sepaliꞌa.

Tula-tulando rasulu 21:28

bhe dokei ambado, “Miendo Israel, hamba kainsami! Ainiꞌaemo ini mie mefoguhuno sabhaha mie ne amai onuno liwu so damewangiꞌao intaodiomu miendo Yahudi, dahumunsa tubhono agama Yahudi bhe damekandidiki Lambuno Lahataꞌala ini! Pakade aitu newowoꞌomo dua miendo Yunani dopesua weo Lambuno Lahataꞌala dofekaharamu lambu mongkilono ini!”

Tula-tulando rasulu 22:8

Ambaku, ‘Laꞌae gahaꞌa hintu itu waompu?’ Ambano, ‘Idi ini Yesus miendo Nasaret nefodee-deemu itu.’

Tula-tulando rasulu 24:5

Nentaleamo sepaliꞌa ne insaodi, mie aini tapedamo hopu. Ne amai onuno liwu te dhunia ini, nehabu kahunggando miendo Yahudi. Anoa ini seemie neangkando miendo sarani, kaseꞌise umalano.

Tula-tulando rasulu 26:26

Kosasawiꞌae ini nopandeꞌaane mpuu kolaki Agripa, kaokadoꞌakumo aetula-tula mentalea-mentalea ne wiseno. Aposahunaꞌao kosasawiꞌae ini miinaꞌo bhe pata nefetingkeno, kapaꞌamo ingka nokadhadhia we mohameꞌano, miina natifebunia.

Tula-tulando rasulu 26:9

Daanumo, endefiꞌini wutoku dua kunaꞌekumo tabeano amewangie nekonando Yesus miendo Nasaret maitu ampa kaꞌosaku.

Tula-tulando rasulu 3:12

Nowoha mie bhahi maitu Petrus nopugaumo ambano, “Miendo Israel, noafa menteaneomu kadhadhia aini? Noafa ondo-ondo kainsamiomu, kao-kaomo mie aini kapooliꞌano nokala mbaꞌinomo insaodi ini mie kokuasano tawa mie lumebe?

Tula-tulando rasulu 3:6

Tamaka Petrus nopugau ambano, “Miina akobulawaa, miina akoperaa, ampamo kaowu ndumandooꞌano ne inodi amaꞌangkoe: weo neano Yesus Kristus, miendo Nasaret maitu, kalaꞌo toha!”

Tula-tulando rasulu 4:10

Dadiꞌanomo hintimiu bhe kosasawindo miendo Israel tabeano mandeꞌaaneomu putae mie aini noꞌosamo bhe neehe-ehe ne wisemiu ini, mbaꞌinomo kuasano neano Yesus Kristus, miendo Nasaret maitu. Hintimiu kantaiꞌeomu te sau salipu, tamaka Lahataꞌala nofowanue maiꞌao ne mate.

Tula-tulando rasulu 5:35

Pada anaꞌa ambano ne kamungkulaꞌi, “Bhahitieꞌiku miendo Israel, fekihiomu kadeki fekataa-taa so nehabumiu ne mie andoa ini!

Tula-tulando rasulu 6:14

Insaodi tafetingkee dua ambano, ‘Yesus maiꞌaono we Nasaret maitu namohansuru Lambuno Lahataꞌala ini, tubhono adhati kahunsaꞌaontoomu ne Musa nabhaliiꞌe!’ ”

2 Korintus 12:12

Wakutuuno aeate bhe hintimiu, ingka padamo afotiwohaangkoeꞌomu bukutii putae idi ini seemie rasulu. Kapaꞌamo akosabaha mpuu aehabu tanda-tanda tapa mentela, giu timenteꞌaono bhe kuasa mangaliuno.

Ibrani 2:4

We simbalino dua anaꞌa, Lahataꞌala nofekamatangka kasakusiindo nepake tanda tapa mentela, giu timenteꞌaono bhe sabhaha kuasa mangaliuno, bhe nofodawu-dawuꞌao dua kawaꞌaono Rohino Lahataꞌala nopoangkafi bhe kapoindalono Wutono.