Tula-tulando rasulu 18:6 - Muna Southern Dialect

⁶ Tamaka mie andoa maitu doewangie bhe dofekaꞌaebue, sampe Paulus tanotanta bungahasino pakeano ⸤ mbali kafodhagando⸥ . Ambano, “Hunsaꞌanomo mengkuluomu heamiu, ⸤ maꞌanano ane meꞌawaomu balaa, kaꞌalano wutomiu,⸥ o idi miina aꞌumalaa. Notanda aitu akumalamo we bansano liwu suano Yahudi.”

Tula-tulando rasulu 18:6 Iomraidhean Croise

Matius 10:14

Ane nandumandoo mie tapa tumahimakoomu tawa dokiido dametingkekoomu, limba bhe hunsaomu lambu tawa kota aitu; tantaeꞌomu bhe bungahasino aꞌemiu.

Matius 21:41

Dotobhoosie ambado, “Mie modai naꞌa namongkoda. Kaampono naeponamboane dua mie sigaoꞌano so maꞌane dawuno nahumato tempono foꞌonuꞌano pehapi.”

Matius 21:43

Dadiꞌanomo, amohatokoomu, hakumiu weo Kafopahintaꞌano Lahataꞌala namalae Lahataꞌala, maka namaꞌandae bansano liwu sigaoꞌano so dhumalangino pahintano.

Matius 22:10

Bhatuano naꞌa dokalamo maka sabhaha mie nepoꞌawaꞌaondo we sala dopadada dofohompuda, namie modai namie metaa. Mie andoa itu dowowoꞌoda sampe boloku kahame-hameꞌa naꞌa noponoꞌao mie humato.

Matius 27:25

Kosasawindo raꞌeati dotobhoosi ambado, “Hunsaꞌanomo mateno mie aini tatumongkue insaodi bhe sampuꞌa mani.”

Matius 8:11

Amohatokoomu, dabhahi mie so humatono damaiꞌao te mata oleo bhe we kansoopa maka daomaa dapombali-mbali bhe Abraham, Ishak bhe Yakub weo Kafopahintaꞌano Lahataꞌala.

Lukas 22:65

Nobhahi dua kafekaꞌaebu sigaoꞌano nepugauꞌaondo ne Anoa.

Lukas 9:5

Ane pae datumahimakoomu, hunsaomu kota aitu, mahingga bungahasi ne aꞌemiu tantaeꞌomu somo tandano kafodhagando.”

Tula-tulando rasulu 13:51

Tamaka Paulus bhe Barnabas tadotanta bungahasino aꞌendo ne wisendo ⸤ peda tandano kafodhagando⸥ , maka dokala te kotano Ikonium.

Tula-tulando rasulu 26:11

Idi nentela afodee-deeda weo lambu kasambaheaꞌa maka afosuhuda dahumunsa kaparasaeando. Kaꞌosano kaheheno bhakeku sampe aꞌambada mahingga we kotando koliwuno.”

Tula-tulando rasulu 26:20

Mentalea-mentalea afohatoda, o mie tabeano dametompaꞌao podiu modaindo maka dadumoli ne Lahataꞌala. Pakade daehabu podiu posahataaꞌano bhe fetompando maitu. Nepugauꞌaoku ini kabhao-bhaono afohato miendo Yahudi we kotano Damsyik maka we Yerusalem bhe kosekaꞌewaꞌae kadieno Yudea. Pada anaꞌa afohatomo dua mie suano Yahudi.

Tula-tulando rasulu 28:28

Dadiꞌanomo tabeano mandeꞌaaneomu putae kasalamati maiꞌaono ne Lahataꞌala ini damohatoandae bansano liwu sigaoꞌano suano Yahudi maka andoamo so metingkee.”

Roma 3:29

Bhahaa Lahataꞌala maitu o Lahataꞌalando kaowu miendo Yahudi? Suano dua Lahataꞌalando bansano liwu sigaoꞌano? Ingka anoamo, Lahataꞌalando dua bansano liwu sigaoꞌano.

1 Timotius 5:22

Koise nehimba fotei limamu te wawondo mie ⸤ so membalino neangkando umati⸥ ; koise dua kaangka-angka ne dhosando mie bhaimu. Dhaganie kangkilono totono lalomu.

2 Timotius 2:25

Mie mansoewano tabeano namalu-malusianda katangahi, sio-siomo Lahataꞌala nandoo namaꞌanda kasalawa dametompaꞌao dhosando maka damandeꞌao kabanara.

1 Petrus 4:14

Ane dowambakikoomu mbaꞌinomo angkafiomu Kristus, kodawuaꞌomu. Ingka nokomaꞌanaꞌao Rohino Lahataꞌala kumalabhiano neate weo totono lalomiu.

1 Petrus 4:4

Ampa aitu mie tapa mandeꞌaono Lahataꞌala tadomente mbaꞌinomo miinamo posabhangkaandaomu weo podiu tampahasa pontalabhi-labhino maitu, katiꞌumbuꞌamiumo.