Tula-tulando rasulu 18:12 - Muna Southern Dialect

¹² Tamaka saeheno Galio mbali gubernur we Akaya, miendo Yahudi dowanusaomo doewangi Paulus maka doowae ne wiseno pande bhitaha.

Tula-tulando rasulu 18:12 Iomraidhean Croise

Matius 27:19

Tangasano Pilatus nengkoha-ngkoha ne kaengkohaꞌa kaebhotusiꞌa parakara, nohatomo kaowili maiꞌaono ne mieno lambuno, ambano, “Fosipuli wutomu ne parakarano mie pata kokaꞌalano maitu, kapaꞌamo mohondo weo nifiku akadee-deeanemo.”

Yohanes 19:13

Nofetingke pugau anaꞌa, Pilatus nowowoꞌomo toha Yesus we simbali maka nengkoha ne kaengkohaꞌa kaebhotusiꞌa. Kaengkohaꞌa naꞌa nekonando Ale Kontu, weo wamba Ibrani dokonae Gabata.

Tula-tulando rasulu 13:12

Nowoha kadhadhia aitu, o gubernur lasao noparasaea bhe nomenteꞌao kafoguhu maiꞌaono ne Ompu.

Tula-tulando rasulu 13:50

Tamaka seemie hodua kamungkulando miendo Yahudi dowudhu hobhineꞌi tiangkano moteꞌino Lahataꞌala bhe kabhalaꞌi weo kota aitu. Dotandamo dofodee-dee Paulus bhe Barnabas sampe kohoduando dogihasidamo maiꞌao ne kadie aitu.

Tula-tulando rasulu 13:7

Anoa ini sabhangkano Sergius Paulus, gubernur ne wite aitu. Gubernur naꞌa o mie mande bhe nokotimbangi; nosaliꞌi Barnabas bhe Saulus hampano nopoindalo nametingke bhoasaono Lahataꞌala.

Tula-tulando rasulu 13:8

Tamaka Barnabas bhe Saulus notagalida pande sihiri saꞌitu (weo wamba Yunani dokonae Elimas), neanomo gubernur pae namarasaeaꞌa ne Yesus.

Tula-tulando rasulu 14:19

Tamaka domaimo seemie hodua kamungkulaꞌindo Yahudi maiꞌaono te kotano Antiokia bhe Ikonium dowudhu mie bhahi datumai ne andoa. Paulus dobhatumbuliane kontu maka dobulue we simbalino kota, kunaꞌendomo nomatemo.

Tula-tulando rasulu 14:2

Tamaka miendo Yahudi mongaheno marasaeano, dofekasodomo lalondo mie suano Yahudi so dabansiꞌao bhahitie marasaeano.

Tula-tulando rasulu 17:13

Gahaꞌa hato dofetingke miendo Yahudi we Tesalonika putae Paulus nefolele dua bhoasaono Lahataꞌala we Berea, dokalamo we kotano Berea dohodha mie damewangi Paulus bhe Silas, sampe dofekahalia bhe totono lalondo mie bhahi.

Tula-tulando rasulu 17:5

Tamaka miendo Yahudi nokoula lalondo. Desaliꞌimo mie modai lumampuno we daoa maka dosikoo-koo dehabu kahunggano liwu. Andoa dobuuti lambuno Yason, patudhundo dahumako Paulus bhe Silas maka dapowiseanda bhe mie bhahi.

Tula-tulando rasulu 18:11

Paulus neate ne itu setaꞌu nomo wula bhe nofoguhuanda kansuhu bhoasaono Lahataꞌala.

Tula-tulando rasulu 18:27

Pada anaꞌa Apolos nopoindalo nalumimba we kadieno Akaya maka bhahitieꞌi we Efesus depakatu suha ne bhahitie marasaeano we Akaya neanomo datumahimae. Sahatono we Akaya, hampano kabarakatino Lahataꞌala Apolos nokofahalaa sepaliꞌa mbali mie marasaeano ne Yesus ne kadie aitu.

Tula-tulando rasulu 19:21

Nopalusi sabhaha kadhadhia amaitu, Paulus nokopatudhu nakumala we Yerusalem namangka we kadieno Makedonia bhe Akaya. Ambano, “Namada anaꞌa tetewei akumala dua we kotano Roma.”

Tula-tulando rasulu 25:10

Notobhoosimo Paulus ambano, “Idi aeehe-ehemo ne wiseno kaebhotusiꞌano Omputo Kaisar, dadiꞌanomo tabeano ne iniꞌaemo so katibhotusiꞌano parakaraku ini. O hintu pandeꞌaane sepaliꞌa, bhe naseendai miina akokaꞌala ne miendo Yahudi.

Roma 15:26

Kapaꞌamo umati we Makedonia bhe Akaya dosekabhotumo daefoꞌonu dhoi so datumulumiꞌao umati mokaeno we Yerusalem.

Roma 16:5

Fosampe kanauꞌomu dua salam ne umati humompuno we lambudo. Fosampe kanauꞌomu dua salam ne Epenetus, bhahitie nemoasiꞌaoku; anoamo itu kabhao-bhaono marasaeano ne Kristus we kadieno Asia.

1 Korintus 16:15

Bhahitieꞌiku, tasehonda dua kamesaloku. Ingka pandeꞌaaneomu Stefanus bhe polambuno; andoamo mie kabhao-bhaono marasaeano we Akaya, dokahadhaa sampuu-mpuuno lalondo doꞌondofao umati marasaeano sigaoꞌano.

2 Korintus 1:1

Suha aini nomaiꞌao ne idi, Paulus, rasuluno Kristus Yesus hampano kapoindalono Lahataꞌala, bhe nomaiꞌao dua ne Timotius bhahitientoomu. Apakatue so umatino Lahataꞌala we Korintus bhe kosasawindo umati mongkilono we kosekaꞌewaꞌae kadieno Akaya.

2 Korintus 11:10

Bhe kabanarano Kristus weo totono laloku, amohatokoomu: pugauku afowose bhakeku ini pae bhe so umonto-ontomiea ne kadieno Akaya itu.

2 Korintus 11:26

Idi ini sakala, nentuhumo aewiseki balaano luano oe, balaano karampasi, balaa maiꞌao ne saliwuku miendo Yahudi bhe mie suano Yahudi; aewiseki balaa weo kota, balaa we pandaso bhalano, balaa we teꞌi; aewiseki dua balaa maiꞌao ne mie mpahabhahi-bhahitieno.

2 Korintus 9:2

Apandeꞌaanemo kahelasino fotulumiomu, ingka padamo dua afowoseangkoomu bhakeku ne miendo Makedonia. Ambaku peda aini, “Umati we kadieno Akaya ⸤ we kotano Korintus⸥ domantaa-ntaamo dafowaꞌao mpini ne taꞌu itu.” Dofetingke kakaꞌende-endeno lalomiu itu dobhahi dua tisangkeno totono lalo.

1 Tesalonika 2:14

Aitu bhahitie mani, namisiemoomu dua nenamisindo tombu-tombudo umatino Lahataꞌala seꞌiseno bhe Kristus we Yudea. Maꞌanano menamisiomu kakadee-dee maiꞌao ne saliwumiu, pedamo dua umatino Lahataꞌala we Yudea denamisi kakadee-dee nomaiꞌao ne miendo Yahudi saliwundo.

1 Tesalonika 2:16

Patudhundo daꞌumonto-ontomi kainsami keana taefolele Bhihita Metaa ne bansano liwu suano Yahudi keana dosalamati. Pedamo naꞌa dhosando tadotubha-tubhahimo kansuhu sampe nohato ne kakapoꞌano. Panda-pandano nokangkanaidamo mpuu amahano Lahataꞌala.

Yakobus 2:6

Tamaka hintimiu mefekaꞌaebumoomu mie mokae, gahaꞌaitumo ingka mie hangkaea modee-deekoomu, bulukomoomu dua ne wisendo pande bhitaha.