Tula-tulando rasulu 16:9 - Muna Southern Dialect

⁹ Nohondo oleo Paulus nokopowohamo. Weo powohano nandoo seemie maiꞌaono we Makedonia neehe-ehe ne itu bhe nesalo ne anoa ambano, “Limbamo we sewetano ini, tulumi kainsami.”

Tula-tulando rasulu 16:9 Iomraidhean Croise

Tula-tulando rasulu 10:3

Seꞌoleo, nahambi-hambi tolu matamo maꞌoleo, nokopowohamo. Weo powohano naꞌa nentalea sepaliꞌa nowoha malaꞌekatino Lahataꞌala nopesua weo lambuno maka noloꞌoi neano, “Kornelius!”

Tula-tulando rasulu 10:30

Ambano Kornelius, “Netolumo hambi tolu mata, pedamo dua aitu oleoa, tangasano asambahea weo lambu tambaꞌomo awoha mie neehe-ehe ne wiseku, pakeano nokosilo.

Tula-tulando rasulu 16:10

Pada nokopowoha peda maitu, lasao taokanu tapolimba se kadieno Makedonia. Hampano nopalusi powoha maitu, tasefekihimo ingka wutono Lahataꞌala gahaꞌa mugau kainsami taefolele Bhihita Metaa ne itu.

Tula-tulando rasulu 16:12

Tamaiꞌao ne itu takala se Filipi, kota kabhao-bhaono ne kadieno Makedonia ini. Kota aini kaeateꞌando miendo Roma. Seꞌoleo haa oleo nandoo taeate-ate ne itu.

Tula-tulando rasulu 18:5

Dohato Silas bhe Timotius domaiꞌao we kadieno Makedonia, Paulus nofosibhalamo nopuga-pugau bhe miendo Yahudi. Andoa nofohatoanda putae Yesus maitu kotu-kotuꞌu Mesias, Omputo Fosalamatino.

Tula-tulando rasulu 19:21

Nopalusi sabhaha kadhadhia amaitu, Paulus nokopatudhu nakumala we Yerusalem namangka we kadieno Makedonia bhe Akaya. Ambano, “Namada anaꞌa tetewei akumala dua we kotano Roma.”

Tula-tulando rasulu 19:22

Notudumo palima-limano dohodua, Timotius bhe Erastus, damaꞌindulu we Makedonia. Tamaka anoa seꞌoleo haa oleo nandoo neate we kadieno Asia.

Tula-tulando rasulu 19:29

Koseꞌonu kotaꞌae tadohialelemo, dosihope-hopeꞌa we stadion. Dobulumo dua Gayus bhe Aristarkus, miendo Makedonia posabhangkaꞌaono Paulus we sala.

Tula-tulando rasulu 20:1

Nopalusi kahungga anaꞌa Paulus nosaliꞌimo mie marasaeano maka nofekatangka lalondo. Pada aitu nofealaimo maka nokala we kadieno Makedonia.

Tula-tulando rasulu 20:3

Nokapo tolu wula neate ne itu, patudhuno nahumope we kadieno Siria. Nobhingke nakumala, gahaꞌa tanonandoomo bhihita putae miendo Yahudi dopugau-gau damongkoe. Dadiꞌanomo nobhotusiemo nasumuli kundono namangka we kadieno Makedonia.

Tula-tulando rasulu 27:2

Tasawimo ne kapala maiꞌaono we kotano Adramitium. Bhangka aini namangkai kota-kota kalabuꞌano bhangka ne kadieno Asia. Aristarkus miendo Makedonia maiꞌaono we kotano Tesalonika nopobhai kainsami dua.

Tula-tulando rasulu 9:38

Liwuno Lida nopomaꞌoti bhe Yope naꞌa. Dofetingke Petrus nohato we Lida, mangkafino Yesus detudumo dohodua daesalo ne Petrus ambado, “Maimo fekahimba we liwu mani.”

Roma 15:26

Kapaꞌamo umati we Makedonia bhe Akaya dosekabhotumo daefoꞌonu dhoi so datumulumiꞌao umati mokaeno we Yerusalem.

2 Korintus 11:9

Wakutuuno aeate bhe hintimiu maka aokae, ingka miina amekabhie hintimiu maumo naseemie, tamaka doomputi kanau bhahitieꞌi humatono maiꞌao ne Makedonia ini. Sadhia adhagani wutoku keana afekasabhakoomu, patudhuku nada ini kansuhu, pae aembali wowoꞌomiu.

2 Korintus 12:7

Keana amekalangke diuku hampano powoha mangaliuno naꞌa, defopesua kanau kihi ne uluku, maꞌanano katuduno Kafeompuꞌando seetani mbalimo modee-dee kanau. Patudhuno neanomo pae amekalangke diuku.

2 Korintus 7:5

Wakutuuno tahato ne Makedonia ini, mbadha mani miina sepaliꞌa bhe fewulea, hampano ne amai maka kahatoꞌa mani taetompaloi kasabha. Nomaiꞌao we simbali o potaga-tagaliꞌa, nomaiꞌao weo totono lalo mani o kateꞌi.

2 Korintus 8:1

Bhahitieꞌiku, tamohatoangkoomu dua kataano lalono Lahataꞌala ne tombu-tombudo umati we kadieno Makedonia.

2 Korintus 9:2

Apandeꞌaanemo kahelasino fotulumiomu, ingka padamo dua afowoseangkoomu bhakeku ne miendo Makedonia. Ambaku peda aini, “Umati we kadieno Akaya ⸤ we kotano Korintus⸥ domantaa-ntaamo dafowaꞌao mpini ne taꞌu itu.” Dofetingke kakaꞌende-endeno lalomiu itu dobhahi dua tisangkeno totono lalo.

1 Tesalonika 4:10

Bhahamoa sampe pomoni-moniniomu dua bhe kosasawindo bhahitiemiu marasaeano ne kosekaꞌewaꞌae kadieno Makedonia. Ampamo kaowu, bhahitieꞌi mani, taesalo mpuu nasedhuluꞌa dua kakampuu-mpuuno habumiu naꞌa.