Tula-tulando rasulu 15:4 - Muna Southern Dialect

⁴ Sahatondo we Yerusalem dotahimadamo umati marasaeano, rasulu sigaoꞌano bhe kamungkulaꞌi. Pada anaꞌa detula-tulaandamo sabhaha nehabuno Lahataꞌala noangka ne limando.

Tula-tulando rasulu 15:4 Iomraidhean Croise

Matius 10:40

Laꞌae tumahimakoomu, notahimamo dua Idi; maka laꞌae tumahimano Idi, notahimamo Anoa tumudu kanau.

Tula-tulando rasulu 11:30

Kamafakando naꞌa dodhalangie maka dotudu Barnabas bhe Saulus damowa dhoi naꞌa we kamungkulaꞌindo umati marasaeano we Yudea.

Tula-tulando rasulu 14:27

Sahatondo ne itu dofohompumo umati marasaeano maka detula-tulaanda sabhaha nehabuno Lahataꞌala noangka ne limando, pakade Lahataꞌala nelengkamo kaangkaꞌa mbali mie suano Yahudi so damarasaeaꞌao ne Yesus.

Tula-tulando rasulu 15:12

Kosasawindo umati humompuno miinamo dakodiua. Palusi anaꞌa dofetingkemo Paulus bhe Barnabas detula-tulaꞌao sabhaha tanda timenteꞌaono nehabuno Lahataꞌala mangkaꞌano ne limando ne wisendo bansano liwu suano Yahudi.

Tula-tulando rasulu 15:2

Tamaka Paulus bhe Barnabas doewangi bhe dotagali sepaliꞌa fekihindo maitu. Panda-pandano dobhotusiemo peda aini: Paulus bhe Barnabas bhe seemie hodua mie marasaeano ne itu dakumala dapoꞌawaꞌao rasulu sigaoꞌano bhe kamungkulaꞌi we Yerusalem so dapugau-gauꞌao kasabha netompaloindo naꞌa.

Tula-tulando rasulu 15:22

Rasulu, kamungkulaꞌi bhe kosasawindo umati dobhotusie daeꞌondo seemie hodua ne olotando umati naꞌa so kumalano we Antiokia dasumabhangka Paulus bhe Barnabas. Maka dopilimo Silas bhe Yudas nekonando dua Barsabas. Andoa ini sanea poisaꞌando umati ne Yerusalem.

Tula-tulando rasulu 15:3

Umati marasaeano dopoangkaꞌaanda ampa we simbalino kotano Antiokia. Andoa dokala doangkai kadieno Fenisia bhe Samaria. Ne amai liwu kaangkaiꞌando detula-tulaꞌaomo bansano liwu suano Yahudi dodolimo dua ne Lahataꞌala. Bhihita anaꞌa doꞌiaꞌane bhahitieꞌi ne itu.

Tula-tulando rasulu 15:6

Dadiꞌanomo rasulu bhe kamungkulaꞌi dohompumo dapugau-gauꞌao anaꞌa.

Tula-tulando rasulu 16:4

Ne amai kota kaangkaiꞌando Paulus bhe Silas, umati ne itu dofohatoanda kabhotusindo rasulu bhe kamungkulaꞌi we Yerusalem. Dofoinaꞌuda damangkafi atorano nebhotusindo naꞌa.

Tula-tulando rasulu 18:27

Pada anaꞌa Apolos nopoindalo nalumimba we kadieno Akaya maka bhahitieꞌi we Efesus depakatu suha ne bhahitie marasaeano we Akaya neanomo datumahimae. Sahatono we Akaya, hampano kabarakatino Lahataꞌala Apolos nokofahalaa sepaliꞌa mbali mie marasaeano ne Yesus ne kadie aitu.

Tula-tulando rasulu 21:17

Sahato mani we Yerusalem kosasawindo bhahitie ne itu doꞌia sepaliꞌa dosumpui kainsami.

Tula-tulando rasulu 21:19

Pada nofeabhada, Paulus notula-tulaandamo nomaiꞌao ne siu kosasawiꞌae nekahadhaano Lahataꞌala ne mie suano Yahudi mangkano ne limano anoa.

Roma 15:18

Miina aokado apugauꞌao kahadhaa sigaoꞌano, mpahinomo nekahadhaano Kristus noangka ne idi. Kahadhaa nepulaoꞌaoku naꞌa aeato bansano liwu suano Yahudi daeangka ne Lahataꞌala. Kahadhaa aini noangka ne wambaku bhe habuku,

Roma 15:7

Dadiꞌanomo potahi-tahimaomu, pedamo dua Kristus notahima kaita so damekakalabhiaꞌao Lahataꞌala.

1 Korintus 15:10

Tamaka hampano rahamatino Lahataꞌala idi ini ingka pedamo aini, maka rahamatino ne idi miina nasumia-siaꞌa. Idi padamo akahadhaa mobhie afoliuda kosasawindo rasulu, ampamo kaowu suano kaꞌosano wutoku tamaka rahamatino Lahataꞌala pobhai kanau.

2 Korintus 5:19

Noangka ne Kristus Lahataꞌala nopometaaꞌao dhunia bhe Wutono, miinamo naelentu sabhaha kaꞌalando manusia. Insaodimo nefotakano tamolele bhihitano kapometaaꞌa ini.

2 Korintus 6:1

Peda mie kumahadhaano bhe Lahataꞌala, taesalo mpuu koise fosia-siaꞌeomua rahamatino Lahataꞌala toka netahimamiu.

Kolose 4:10

Aristarkus titohongkuno bhe idi nopakatuangkoomu dua salam. Pedamo dua aitu Markus pisano Barnabas. (Ingka padamo defebhitaiangkoomu, ane nahumato we itu tahima metaaꞌeomu.)

2 Yohanes 1:10

Dadiꞌanomo ane bhe mie maino meowano kafoinaꞌu tapa nefoinaꞌuꞌaono Kristus, mie aitu koe tahimaeꞌomu weo lambumiu, koemo dua fendeꞌaaneomua.