Tula-tulando rasulu 14:3 - Muna Southern Dialect

³ Nompona dua Paulus bhe Barnabas deate-ate ne itu. Dokado defolele bhihitano Ompu. Wutono Ompu nofekatangka bhihitano rahamatino, nowaꞌanda kuasa daehabu tanda-tanda tapa mentela bhe giu timenteꞌaono.

Tula-tulando rasulu 14:3 Iomraidhean Croise

Markus 16:20

Pada anaꞌa anaguhuꞌino dokalamo defolele Bhihita Metaa ne amai liwu ne dhunia ini. Ompu noposabhangkaanda kansuhu, bhihita nefolelendo nofekatangkaane tanda-tanda tapa mentela.]

Yohanes 4:48

Ambano Yesus, “Ane paise mohaomu tanda tapa mentela bhe giu timenteꞌaono, paise marasaeaꞌomu.”

Tula-tulando rasulu 13:46

Tamaka Paulus bhe Barnabas notangka lalondo. Ambado, “Anoamo, sakotuꞌuno hintimiumo maꞌindulu metingkeno bhoasaono Lahataꞌala. Tamaka bansieꞌomu, pakade abhiomu wutomiu pae mantasiomua metahimaomu dadi suhue dhamani. Dadiꞌanomo tadolimo ne bansano liwu suano Yahudi.

Tula-tulando rasulu 2:22

Miendo Israel, fetingkeeꞌomu pugauku ini. Nepulaoꞌaoku naꞌa Yesus miendo Nasaret, seemie nesangkeno Lahataꞌala. Nosangkee Lahataꞌala ini notiwoha ne kuasa, giu timenteꞌaono bhe tanda tapa mentela nehabuno Lahataꞌala ne wunta-wuntamiu noangka ne limano Yesus ini. Kosasawiꞌae ini ingka pandeꞌaanemoomu.

Tula-tulando rasulu 20:24

Tamaka miina sepaliꞌa aoheruanea inawaku sumanomo ahumato ne hatoꞌano amotoka taka neꞌawaku maiꞌao ne Ompu Yesus, maꞌanano aefolele Bhihita Metaano rahamatino Lahataꞌala.

Tula-tulando rasulu 20:32

Aitu afopuliemo ne Ompu somo dumambaꞌaangkoomu, neanomo sadaa-daa mintahakieꞌomu bhihitano rahamatino. Lahataꞌala nokokuasa namekatangka kaparasaeamiu bhe nadumawuangkoomu sabhaha kadawu nefotantuno so mie nefekangkilono.

Tula-tulando rasulu 4:31

Pada dosambahea, lambu kapohompu-hompuꞌando tanomagegomo. Kosasawindo nokabhintidamo Rohino Lahataꞌala maka notangkamo lalondo defolele bhoasaono Lahataꞌala.

Tula-tulando rasulu 5:32

Insaodimo ini sumakusiiꞌaono sabhaha kadhadhia naꞌa, insaodi bhe Rohino Lahataꞌala. Rohino Lahataꞌala ini nowaꞌandae Lahataꞌala ne kosasawindo mie mangkafino pahintano.”

Roma 1:16

Miina aoambanoanea Bhihita Metaa, hampano aini o kuasanomo Lahataꞌala mosalamatino sabhaha mie marasaeano, kabhao-bhaono miendo Yahudi maka bansano liwu sigaoꞌano dua.

1 Tesalonika 2:2

Ingka pandeꞌaaneomu dua miinaꞌo tamai te hintimiu, padamo dofodee-dee bhe dofompina-mpina kainsami we Filipi. Tamaka bhe katulumino Lahataꞌalantoomu, insaodi taokado taowaangkoomu Bhihita Metaa maiꞌaono ne Lahataꞌala, mahingga dobhahi mewangi kainsami.

Ibrani 2:4

We simbalino dua anaꞌa, Lahataꞌala nofekamatangka kasakusiindo nepake tanda tapa mentela, giu timenteꞌaono bhe sabhaha kuasa mangaliuno, bhe nofodawu-dawuꞌao dua kawaꞌaono Rohino Lahataꞌala nopoangkafi bhe kapoindalono Wutono.