Tula-tulando rasulu 13:3 - Muna Southern Dialect

³ Palusi dopoasa bhe dosambaheaꞌanda doteimo limando te wawondo maka dopugauanda dakumalamo.

Tula-tulando rasulu 13:3 Iomraidhean Croise

Lukas 2:37

Ampa aini nobhihinandamo, umuhuno alu fulu fato taꞌumo. Anoa ini miina nagumaati Lambuno Lahataꞌala, mentae mohondo nosombai Lahataꞌala, sadhia nopoasa bhe nosambahea.

Tula-tulando rasulu 1:24

Pada anaꞌa dosambaheamo ambado, “O Ompu Hintumo mandeꞌaono totono lalondo seemie-seemie! Fosusu kainsamie bhahaꞌi laꞌae ne olotando hoduano ini nepilimu,

Tula-tulando rasulu 13:2

Seꞌoleo tangasano dosambahea ne Ompu bhe dopoasa, nokobhoasaomo Rohino Lahataꞌala, “Fekakopuuni kanauꞌomu Barnabas bhe Saulus so dadhumalangiꞌao taka nefotantuku so andoa.”

Tula-tulando rasulu 13:4

Barnabas bhe Saulus dokala we kotano Seleukia doangkafi katuduno Rohino Lahataꞌala. Domaiꞌao ne naꞌa dosawi ne bhangka dohope we witeno Siprus.

Tula-tulando rasulu 14:23

Ne amai tombudo umati neangkaindo, Paulus bhe Barnabas desangkeanda seemie hodua kamungkula so neangkando. Poangka dosambahea bhe dopoasa, kamungkulaꞌi andoa ini dofopulidamo ne Ompu neparasaeandomo.

Tula-tulando rasulu 14:26

Ne itu dosawimo ne bhangka dohope we Antiokia. Ne kotanomo Antiokia ini endefiꞌini andoa doposahunaꞌaanda umati ne kabarakatino Lahataꞌala dotandaki kahadhaando. Ampa aitu kahadhaa aitu dopooliemo.

Tula-tulando rasulu 15:40

Tamaka Paulus nopilimo Silas. Andoa doposahunaꞌaandamo umati we Antiokia ne kabarakatino Ompu, pada anaꞌa dokalamo.

Tula-tulando rasulu 6:6

Mie pipituno ini doowadamo ne wisendo rasulu. Rasulu dosambaheaꞌanda bhe dotei limando te wawondo ⸤ katandainomo desaloanda kabarakatino Ompu Lahataꞌala⸥ .

Tula-tulando rasulu 9:17

Pada aitu Ananias nokalamo maka nopesua weo lambu anaꞌa. Noteimo limano te wawono Saulus bhe nopugau ambano, “Saulus, bhahitieku, Ompu notudu kanau amai ne ini, Anoamo Ompu Yesus motiwohano Wutono we sala kaangkaꞌamu. Kahatoꞌaku neanomo sumuli toha fowoha bhe nakumabhintiko Rohino Lahataꞌala.”

Roma 10:15

Nada amai dua daefolele bhihita ane pae bhe fotuduno dakumala? Noposahataa bhe tibuhino weo Kitabi peda aini, “Nokesa mpuu hatondo mie mefoleleno Bhihita Metaa.”

1 Timotius 4:14

Koise molimpuꞌao pakee kapooli kawaꞌaono Rohino Lahataꞌala, neꞌawamu wakutuuno nandoo kaowilino Lahataꞌala nefosampendo ana-anabii, bhe kamungkulaꞌindo umati dotei limando te fotumu.

1 Timotius 5:22

Koise nehimba fotei limamu te wawondo mie ⸤ so membalino neangkando umati⸥ ; koise dua kaangka-angka ne dhosando mie bhaimu. Dhaganie kangkilono totono lalomu.

2 Timotius 1:6

Kanandooꞌanomo aefeꞌulaiangko, pakee mpuu kapooli kawaꞌaono Rohino Lahataꞌala neꞌawamu wakutuuno ateiangko limaku te fotumu.

2 Timotius 2:2

Kafoinaꞌu nefetingkemu ne idi endefiꞌini ne wisendo mie bhahi, naetaa posahunaꞌaandae mie tiparasaea bhe mandeno moinaꞌuno mie bhaindo.

3 Yohanes 1:6

Andoa padamo detula-tulaꞌao kanini kaasimu ne wisendo umati marasaeano ne ini. Naetaa mpuu nehabumu itu ane tulumida damopansuhu kala-kalando. Habu medano naꞌa ingka mekaꞌianomo lalono Lahataꞌala.

3 Yohanes 1:8

Dadiꞌanomo intaodiomu tabeano nahumelasi lalontoomu damotiampe bhahitieꞌintoomu peda andoa itu. Nadamo aitu intaodiomu dealamo dua dawu weo foleleꞌano bhihitano kabanara.