Tula-tulando rasulu 13:10 - Muna Southern Dialect

¹⁰ Ambano, “Hintu anano seetani, totono lalomu noponoꞌao kabhohe-bhoheꞌi bhe isikadhi modai! Hintu ini sadhia poewangi bhe kabanara. Pae tumie-tiehea gahaꞌa modo-modoli kaangkaꞌano Lahataꞌala?

Tula-tulando rasulu 13:10 Iomraidhean Croise

Matius 13:38

Kaampono, maꞌanano dhunia ini. Wine metaa, maꞌanano umatino Kafopahintaꞌano Lahataꞌala; dana nokomaꞌanaꞌao mie tumaino ne Kafeompuꞌando seetani.

Matius 15:19

Kapaꞌamo nomaiꞌao we totono lalo nolimba sabhaha fekihi modai, dofopongko, domonsule, dopokawite-wite, dosibu, degau-gau bhe dofoꞌumbu.

Matius 23:13

Balaamoomu, pande-pande Kitabi bhe miendo Farisi, hintimiu mie mehaaꞌulano, kapaꞌamo songkoemoomu fointono Kafopahintaꞌano Lahataꞌala ne wisendo mie bhaimu. Hintimiu mokiidoomu mesuaꞌomu pakade meꞌontomiomu mie so mesuano.

Matius 3:7

Dobhahi dua miendo Farisi bhe miendo Saduki mefekadiuno. Sanowohada, Yohanes nopugaumo ambano, “Hintimiu ini sampuꞌano ule modai. Ambamo laꞌae bhahaa lumapaomu ne amahano Lahataꞌala so humatoꞌano?

Lukas 11:39

Tamaka Ompu nopugaumo ambano, “Hintimiu miendo Farisi fewaniuꞌomu kundono kampomaaꞌa bhe kampohoꞌuꞌa tamaka we totono lalomiu noponoꞌao kasaohi buku bhe podiu modai.

Lukas 11:52

Balaamoomu hintimiu pande-pande Kitabi, kapaꞌamo hintimiu mintahano kunsino fointono kapande ⸤ maꞌanano kafoinaꞌu so dasumalamatiꞌao⸥ . Gahaꞌa wutomiu kiido mesuaꞌomu bhe mie moindalono mesuano onto-ontomidaomu.”

Yohanes 1:23

Ambano Yohanes, “Idimo ini nepulaoꞌaono anabii Yesaya, ‘Nandoo suaha mekei-keino we pandaso bhalano. Fekalaaꞌeomu so kaangkaꞌano Ompu.’ ”

Yohanes 8:44

Amamiu Kafeompuꞌando seetani, sadhia gaomiu mangkafiomu kapoindalono amamiu naꞌa. Anoamo itu mongkono manusia mpini kabhao-bhaono, miina natumai ne kabanara, kapaꞌamo weo totono lalono miina bhe kabanarano. Ane nakopaha, nopantasimo, kahabuaonomo. Anoa itu pande gau-gau, amandomo sabhaha paha.

Tula-tulando rasulu 20:30

Bhahamoa maiꞌao ne kaseꞌisemiu nandumandoo dua so fofoguhuꞌaono tapa kumotuꞌuꞌano, patudhundo dahumela lalondo mie marasaeano damangkafi andoa.

2 Korintus 11:3

Ampamo kaowu nomihi laloku bhahasaa dofekakolilino fekihimiu sampe paemo nakumampuu-mpuu kataino lalomiu ne Kristus, peda endefiꞌini Hawa nobhohe-bhoheꞌie akalano ule.

Galatia 1:7

Sakotuꞌuꞌano bhihita aitu suano Bhihita Metaaꞌa, ampamo kaowu nandoo mebhansu-bhansuleno Bhihita Metaa neowano Kristus, patudhuno dahumungga totono lalomiu.

Efesus 4:14

Intaodi ini paemo nada anaꞌi kahobu, paemo dua nada koli-koli nebhansu-bhansuleno kawea tawa newoowano solo. Maꞌanano paemo nafounda-unda sabhaha kafoinaꞌundo mie ngkowawe. Weo kangkowawendo, andoa dofekakolilino mie bhaindo.

2 Petrus 2:15

Andoa dokolilinomo mbaꞌinomo miina damangkafi kaangkaꞌa melaaꞌano, tamaka doangkafimo kaangkaꞌano Bileam anano Beor endefiꞌini. Bileam naꞌa noasiane sepaliꞌa neala ponambo ne habu modai.

1 Yohanes 3:8

Tamaka mie mehabuno kansuhu dhosa anaꞌinomo Kafeompuꞌando seetani, kapaꞌamo ingka Kafeompuꞌando seetani nokodhosa mpini kabhao-bhaono. Ainimo patudhuno Anano Lahataꞌala nomai, so namobinasaꞌao sabhaha habuno Kafeompuꞌando seetani.