Tula-tulando rasulu 12:7 - Muna Southern Dialect

⁷ Tambaꞌomo seemie malaꞌekatino Ompu neehe-ehe ne owano Petrus, tilangano tanohehamo weo boloku aitu. Malaꞌekati naꞌa notofa-tofa oweano Petrus bhe nofowanue. Ambano, “Wanumo fekahimba!” Gahaꞌa hante ne limano Petrus tanosihundumo.

Tula-tulando rasulu 12:7 Iomraidhean Croise

Matius 2:13

Dokundo mie mande maitu, malaꞌekatino Ompu nofotiwohamo wutono ne Yusuf, ambano, “Wanumo, wowoꞌo anaꞌi aitu bhe inano maka fileiꞌomu we witeno Mesir. Meateomu ne watu ampa amohatoko toha, kapaꞌamo anaꞌi aitu naꞌumondofie Herodes patudhuno namongkoe.”

Lukas 2:9

Tambaꞌomo seemie malaꞌekatino Ompu neehe-ehe ne owando maka tilangano kakalabhiano Ompu tanohehamo nokaputida sampe doteꞌi sepaliꞌa.

Lukas 24:4

Tangasano detongo-tongoꞌao kadhadhia amaitu, tambaꞌomo nandoo mie dohodua deehe-ehe ne owando, pakeando nokosilo.

Tula-tulando rasulu 10:30

Ambano Kornelius, “Netolumo hambi tolu mata, pedamo dua aitu oleoa, tangasano asambahea weo lambu tambaꞌomo awoha mie neehe-ehe ne wiseku, pakeano nokosilo.

Tula-tulando rasulu 12:23

Wakutuumo dua anaꞌa Herodes lasao nopepee malaꞌekatino Ompu, hampano miina namosibhala Lahataꞌala. Uluno nohumaaꞌe kaꞌule-ule, komate-mateno.

Tula-tulando rasulu 12:6

Nengke naewine Herodes nabhitahakie te wisendo mie bhahi, alo aitu Petrus noodo dopoꞌolotaane dohodua tantara. Anoa dotapuane hante haa honda. Nandoo dua tantara sigaoꞌano dodhaga ne wiseno fointo.

Tula-tulando rasulu 12:8

Ambano dua malaꞌekati naꞌa, “Mekawawe maka fokana kaampini ne aꞌemu!” Petrus noangkafi pugauno naꞌa. Pada aitu nopugaumo toha malaꞌekati naꞌa, “Fokanamo dhubamu maka angkafi kanau!”

Tula-tulando rasulu 16:26

Gahaꞌa tanosinandooꞌamo luali moꞌosa sampe sandino lambuno katohongku nomaunda. Ne naꞌa dua kosasawiꞌae fointono katohongku notilengka bhe langkendo nopuli notibhosa.

Tula-tulando rasulu 2:24

Tamaka Lahataꞌala nofodadie, nofolapae nomaiꞌao ne kakadee-deeno mate, hampano pae bhe kapoolia nasumadaa-daa nakumuasaiꞌe mate.

Tula-tulando rasulu 5:19

Tamaka hato nohondo oleo, seemie malaꞌekatino Ompu nolengkasi fointono katohongku naꞌa maka nowowoꞌoda we simbali.

Tula-tulando rasulu 9:3

Gahaꞌa we laano sala, nomaꞌomo we Damsyik tambaꞌomo nokalibue tilanga nomaiꞌao te lani.

Efesus 5:14

Kapaꞌamo bhahi-bhahiꞌae tiwohaꞌano, tantumo nentalea. Kanandooꞌanomo dokowambaane peda aini, “Wanumo hintu moodono, wanumo maiꞌao ne mate, maka naꞌumulawiko tilangano Kristus.”

Ibrani 1:14

Ingka o malaꞌekati maitu saneamo rohi meompuno ne Lahataꞌala, andoamo dua netuduno Lahataꞌala daꞌumondofao manusia so metahimano kasalamati.

Powoha 18:1

Pada amaitu awohamo dua malaꞌekati sigaoꞌano nosampu nomaiꞌao te surugaa. Anoa nobhala sepaliꞌa kuasano, dhunia tanentaleamo hampano kakalabhiano.