Tula-tulando rasulu 12:4 - Muna Southern Dialect

⁴ Notihako kaowu Petrus, Herodes notududamo dotohongkue maka dodhaganie tantara fato tagua, dopopaa-popaa. Patudhuno namalusi hohaeaꞌano Paska nabhitahakie te wisendo mie bhahi.

Tula-tulando rasulu 12:4 Iomraidhean Croise

Matius 24:9

Humato anaꞌa dahumakokoomu, maka damowakoomu ne limando mie so modee-deekoomu maka damongkokoomu. Kosasawindo bansano liwu dabansikoomu mbaꞌinomo membaliomu anaguhuꞌiku.

Matius 26:5

Tamaka ambado, “Koise dohakoe ne matano hohaeaꞌa, bhahaa tadohialele raꞌeati.”

Markus 14:1

Hohaeaꞌano Paska bhe hohaeaꞌano Roti Pata Koragiꞌano tana haa oleo. Neangkaꞌindo imamu bhe pande-pande Kitabi dopokanagau deꞌondofi akala dahumako Yesus. Tamaka patudhundo pae damandeꞌaane mie bhahia, maka damongkoe.

Lukas 21:12

Ampamo kaowu paeꞌo nakumadhadhia kosasawiꞌae naꞌa, dahumakokoomu maka damodee-deekoomu, dabhitahakikoomu weo lambu kasambaheaꞌa bhe datumohongkukoomu. Datumondakoomu ne wisendo kabhalano liwu bhe kafeompuꞌa mbaꞌinomo kaparasaeamiu ne Idi.

Lukas 22:33

Ambano Petrus, “Ompu, aꞌundamo atitohongku bhe amate apoowa bhe Hintu!”

Yohanes 19:23

Pada dokantai Yesus te sau salipu, tantara naꞌa doalamo pakeano Yesus maka dofefatodawue, seemie sedawu. Dhubano doalae dua, gahaꞌa dhuba anaꞌa miina nakokasapua, nomaiꞌao te wawo ampa we panda kamoohuno sesau kaowu.

Yohanes 21:18

Amohatoko, kotu-kotuꞌu nandoo kahangkuno dadimu, kamandaꞌao wutomu aamua maka takalamo ampa kapoindalomu. Tamaka nahumato kumamungkula, monsoho limamu dakumatapuangkoe bhaindo maka daowako ne kaeateꞌa tapa nepoindalomu.”

Tula-tulando rasulu 12:3

Nopandeꞌaane kaowu habuno maitu doꞌiaꞌane miendo Yahudi, Herodes tanoangka-angkamo sampe netudu mie datumaami dua Petrus. Wakutuu aitu hohaeaꞌano Roti Tapa Koragino.

Tula-tulando rasulu 12:5

Pedamo naꞌa Petrus dotaamie weo katohongku, tamaka umati marasaeano nokampuu-mpuu lalondo dosambaheaꞌane kansuhu ne Lahataꞌala.

Tula-tulando rasulu 4:28

Andoa ini dodhalangimo kosasawiꞌae nefotantumu mpini kabhao-bhaono hampano kuasa bhe kapoindalomu Wutomu.

Tula-tulando rasulu 4:3

Kohoduando dohakoda maka dotohongkuda ampa nomentae, kapaꞌamo oleo nohondomo.

Tula-tulando rasulu 5:18

Rasulu dohakoda maka dofopesuada weo katohongkundo mie ndidiki.

Tula-tulando rasulu 8:3

Tamaka Saulus nokopatudhu namohansuru umati marasaeano maitu. Nopesuaki lambudo noala seꞌonue, namoꞌane nahobhine nobuluda nofopesuada weo katohongku.