Tula-tulando rasulu 12:10 - Muna Southern Dialect

¹⁰ Doangkai dhaga setaguano tadolaloida, doangkai toha dhaga setaguano, tadolaloida dua sampe dohatomo we kaguali uti humopeꞌano we kota. Kaguali anaꞌa tanotilengkaꞌaomo wutono. Dohato we simbali, dokalamo ampa we kasiku maka malaꞌekati naꞌa tambaꞌomo noila.

Tula-tulando rasulu 12:10 Iomraidhean Croise

Yohanes 20:19

Nohondo kaowu oleo ne oleono Ahadhi naꞌa, anaguhuꞌino dopohompu-hompumo ne seꞌonu lambu. Fointono padae dokunsie hampano doteꞌi miendo Yahudi. Gahaꞌa tanosihatoꞌamo Yesus neehe-ehe ne wunta-wuntando bhe nopugau ambano, “Katohopono dadi so hintimiu!”

Yohanes 20:26

Nopalusi alu oleo anaguhuꞌino Yesus dopohompu-hompumo toha ne lambu anaꞌa, wakutuu anaꞌa bhe Tomas dua. Fointo dopadae dokunsie. Gahaꞌa tanosihatoꞌamo Yesus neehe-ehe ne wunta-wuntando bhe nopugau ambano, “Katohopono dadi so hintimiu!”

Tula-tulando rasulu 12:4

Notihako kaowu Petrus, Herodes notududamo dotohongkue maka dodhaganie tantara fato tagua, dopopaa-popaa. Patudhuno namalusi hohaeaꞌano Paska nabhitahakie te wisendo mie bhahi.

Tula-tulando rasulu 16:26

Gahaꞌa tanosinandooꞌamo luali moꞌosa sampe sandino lambuno katohongku nomaunda. Ne naꞌa dua kosasawiꞌae fointono katohongku notilengka bhe langkendo nopuli notibhosa.

Tula-tulando rasulu 5:19

Tamaka hato nohondo oleo, seemie malaꞌekatino Ompu nolengkasi fointono katohongku naꞌa maka nowowoꞌoda we simbali.

Powoha 3:7

“Buhie dua so malaꞌekatino umati we Filadelfia: pedamo aini kaowili maiꞌao ne Mie Mongkilo, Mie Banara, mintahano kunsino Daud. Ane nelengka fointo, pae bhe so mooliea daꞌumontoe; pedamo dua ane neꞌonto fointo, pae bhe so mooliea dalumengkae.