Tula-tulando rasulu 10:43 - Muna Southern Dialect

⁴³ Anoamo ini nepulaoꞌaondo kosasawindo anabii putae ane damarasaea ne Anoa natiꞌamponi dhosando hampano kuasano neano.”

Tula-tulando rasulu 10:43 Iomraidhean Croise

Markus 16:16

Ane damarasaea bhe dakumadiuda, dasumalamati; tamaka ane pae damarasaea daeꞌawa kahukumu.

Lukas 24:47

Nandoo dua notibuhi: weo neano Omputo Fosalamatino daefolele bhihita ne sabhaha bansano liwu putae dametompaꞌao dhosando maka Lahataꞌala naꞌumamponida. Bhihita anaꞌa damolelee natumanda we Yerusalem.

Yohanes 1:45

Filipus noꞌondofimo Natanael maka nofohatoe, “Insaodi padamo tapoꞌawa bhe mie nepulaoꞌaono anabii Musa weo Kitabino bhe nepulaoꞌaondo anabii sigaoꞌano. Neano Yesus, anano Yusuf nomaiꞌao we liwuno Nasaret.”

Yohanes 20:31

Ampamo kaowu kosasawiꞌae ini padamo dobuhie neanomo hintimiu ⸤ mebasano bhe metingkeno⸥ marasaeaꞌomu putae Yesus maitu Omputo Fosalamatino, Anano Lahataꞌala; neanomo dua hampano kaparasaeamiu ne Anoa meꞌawaomu dadi.

Yohanes 5:24

Amohatokoomu, kotu-kotuꞌu sasuka metingkeno wambaku bhe marasaeano ne Tumudu kanau, ingka neꞌawamo dadi suhue dhamani. Paise naeꞌawa kahukumu, kapaꞌamo nogampimo maiꞌao ne mate nopesuamo weo dadi.

Tula-tulando rasulu 15:9

Lahataꞌala miina napoꞌala-alaandaa bhe intaodiomu; totono lalondo padamo nofekangkiloe hampano doparasaea.

Tula-tulando rasulu 2:38

Ambano Petrus, “Fetompaaneomu dhosamiu maka mefekadiuꞌomu seemie-seemie weo neano Yesus Kristus, so natiꞌamponiꞌao dhosamiu. Mada aitu damaꞌangkoomu kawaꞌaono Rohino Lahataꞌala.

Tula-tulando rasulu 26:18

so molosaꞌao matando, neanomo dahumunsamo kahohondo maka damesua we mentaleaꞌano, damaiꞌao ne kuasano Kafeompuꞌando seetani dadumoli ne Lahataꞌala. Neanomo dua dhosando natiꞌamponi hampano kaparasaeando ne Idi, pakade daeꞌawa dawua nefotantuno Lahataꞌala so mie mongkilo.’

Tula-tulando rasulu 26:22

Tamaka notulumi kanau Lahataꞌala sampe nandoo adadi ampa seꞌoleo itu, neanomo naembali asumakusiiꞌao kosasawiꞌae ini, naetaa ne mie ndidiki, naetaa ne mie bhalano. Bhihita nefoleleku ini sakotuꞌuno nopototomo bhe nekosuahaꞌaono anabii Musa bhe ana-anabii sigaoꞌano.

Tula-tulando rasulu 3:16

Aitu wohaeꞌomu kadhadhia ne kalu aini. Anoa noꞌosamo hampano kaparasaea weo neano Yesus. Kaparasaeano ne neano Yesus mekaꞌosano mie nepandeꞌaomiu ini. Ingka wohaeꞌomu kosasawimiu.

Tula-tulando rasulu 3:18

Ampamo kaowu pedamo anaꞌa Lahataꞌala nofekakoꞌula nekobhoasaꞌaono endefiꞌini. Bhoasaono naꞌa nofosampeandae ana-anabii, putae Mesias Omputo Fosalamatino maitu tetewei nakumadee-dee.

Roma 10:11

Weo Kitabi notibuhi, “Kosasawindo marasaeano ne Anoa pae nandidiki lalondoa.”

Roma 3:21

Tamaka ampa aitu Lahataꞌala padamo nofosusuꞌao kaangkaꞌa so datitahimaꞌao peda mie banara, o kaangkaꞌa tapa pokaiꞌano bhe tubhono agama Yahudi. Gahaꞌaitu kaangkaꞌa anaꞌa daanumo dosambilie dua weo Kitabino anabii Musa bhe Kitabindo anabii sigaoꞌano.

Roma 5:1

Dadiꞌanomo, hampano Lahataꞌala notahima kaitaomu peda mie banara mbaꞌinomo kaparasaeantoomu, maka ampa aitu intaodiomu dopometaamoomu bhe Lahataꞌala, noangka ne Yesus Kristus Ompuntoomu.

Roma 6:23

Ponambo netahima maiꞌao ne dhosa ingka o mate, tamaka kawaꞌaono Lahataꞌala ingka dadi suhue dhamani weo kaseꞌise bhe Kristus Yesus Ompuntoomu.

Roma 8:1

Dadiꞌanomo ampa aitu mie seꞌiseno bhe Kristus Yesus paemo dahumukumudaa.

Roma 8:34

Nandoo bhahaa so fofoꞌalano? Wutono Kristus Yesus so potunduꞌa kaita. Ingka Anoa padamo nomate, tamaka fofoliuꞌano padamo dua dofowanue maiꞌao ne mate maka ampa aini nengkoha ne suanano Lahataꞌala.

Galatia 3:22

Ampamo kaowu weo Kitabi notibuhi putae kosasawindo manusia deate weo kuhumano dhosa. Dadiꞌanomo dhandino Lahataꞌala maitu namaꞌandae kaowu mie marasaeano, maꞌanano nengkoha ne kaparasaeando ne Yesus Kristus.

Efesus 1:7

Hampano tuhuno heano Kristus bhe kaseꞌisentoomu bhe Anoa, Lahataꞌala nofobebasi kaitamo, maꞌanano noꞌamponiemo dhosantoomu, noposahataa bhe kabhalano rahamatino.

Kolose 1:14

Noangka ne Anano, nofobebasi kaitaomu, maꞌanano dhosantoomu notiꞌamponimo.

Ibrani 13:20

Ingka Lahataꞌala padamo nofowanu Ompu Yesus maiꞌao ne mate. Hampano tuhuno heano, Anoa nembalimo Dhagano Dhumba Kumalabhiano so intaodiomu, mekamatangkanomo dua podhandiꞌa suhue dhamani nehabuno Lahataꞌala bhe intaodiomu.

1 Petrus 1:11

Kapaꞌamo Rohino Kristus meateno weo totono lalondo, nofohatoda wawo putae Kristus naenamisi kakadee-dee bhe mada anaꞌa naetahima kakalabhia. Dadiꞌanomo doꞌondofie mpuu laꞌae bhahaa Kristus maitu bhe naefie nakumadhadhia toka nekosuahaꞌaondo naꞌa.

Powoha 19:10

Idi lasao aefodapa ne aꞌeno ataohao sombaku tamaka tanopugau ambano, “Koise nada itua! Idi ini palima-lima dua nopototo bhe hintu bhe bhahitieꞌimu marasaeano mintahakino kafohatono Yesus. Taohao sombamu ne Lahataꞌala, kapaꞌamo o Rohi mekabhintino mie sampe dokosuaha peda anabii, nomaiꞌao ne kafohatono Yesus.”