Tula-tulando rasulu 10:4 - Muna Southern Dialect

⁴ Kornelius noꞌondo malaꞌekati aitu maka nofeenaꞌao kateꞌi, “O ae bhahaa Ompu?” Ambano malaꞌekati naꞌa, “Kosasawiꞌae sambaheamu bhe katulumimu ne mie mokaeno notahimaemo Lahataꞌala maka Lahataꞌala nofeꞌulaikomo dua.

Tula-tulando rasulu 10:4 Iomraidhean Croise

Matius 26:13

Amohatokoomu, kotu-kotuꞌu ne amai maka dua so katifoleleꞌano Bhihita Metaa ne kosekaꞌewaꞌae dhunia ini, habuno hobhine ini dasumambilie dua somo kafeꞌulaino.”

Lukas 1:29

Maria nokohedu nofetingke peda naꞌa, sampe nofeena totono lalono, bhahaa o ae maꞌanano kafeabha anaꞌa.

Lukas 24:5

Hobhineꞌi maitu doteꞌi sepaliꞌa sampe dosudhu ampa we wite, tamaka mie hoduano maitu dopugau ambado, “Noafa gahaꞌa meꞌondofiꞌaoꞌomu mie dumadi ne olotando mie mate?

Tula-tulando rasulu 10:31

Ambano mie anaꞌa, ‘Kornelius, sambaheamu bhe katulumimu ne mie mokaeno notahimaemo Lahataꞌala maka Lahataꞌala nofeꞌulaikomo dua.

Tula-tulando rasulu 14:9

Anoa nofetingke dua pugauno Paulus. Gahaꞌa Paulus notontoe, wohaꞌano kaparasaeano mie aini naembali naoꞌosaane.

Tula-tulando rasulu 22:10

Ambaku toha, ‘Aeafa bhahaa Ompu?’ Ambano dua Ompu, ‘Ehe, maka kala we Damsyik, ne watu damohatoangkoemo sabhaha taka nefontantuno Lahataꞌala so nekahadhaamu.’

Tula-tulando rasulu 3:4

Kohoduando dotontoe maka ambano Petrus, “Ondo kainsami.”

Filipi 4:18

Kosasawiꞌae atahimaemo, nokapotiemo kafaraluuku, tanokolabhimo dua. Pada atahima kapakatumiu ne Epafroditus, miinamo akonikaea. Kawaꞌaomiu ini tapedamo kapopanga mowondu, mekaꞌiano lalono Lahataꞌala bhe nemoasiꞌaono.

Filipi 4:6

Koe nokamihi-mihi lalomiu ne ae maka dua. Tamaka sadhia foampeomu kamesalomiu ne Lahataꞌala weo sambahea bhe neatimiu. Kafaraluumiu naꞌa fohatoaneomu Lahataꞌala weo katumpuno lalomiu.

Ibrani 13:16

Koise molimpuomu habu metaaꞌomu bhe fotulumiomu, kapaꞌamo anaꞌaemo kapopanga mekaꞌiano lalono Lahataꞌala.

Ibrani 6:10

Lahataꞌala suano Lahataꞌala tapa umadhilinoa. Ingka pae naolimpuꞌaanea sabhaha kahadhaa bhe kanini kaasimiu ne Anoa nefotiwohamiu wakutuuno ondofaoꞌomu umati marasaeano endefiꞌini taꞌampamo aitu.

Powoha 8:4

Gawuno dupa posaloꞌano bhe sambaheando umati mongkilo maitu tanokatowo-towomo maiꞌao ne limano malaꞌekati ampa ne wiseno Lahataꞌala.