Tula-tulando rasulu 1:5 - Muna Southern Dialect

⁵ Kapaꞌamo Yohanes nofokadiuꞌao oe, tamaka paemo naomponaa hintimiu dakumadiuangkoomu Rohino Lahataꞌala.”

Tula-tulando rasulu 1:5 Iomraidhean Croise

Matius 3:11

Idi akadiuangkoomu oe mbali katandaino fetompaꞌao dhosamiu, tamaka so humatono mada kaowu nofoliu kanau kuasa. Mahingga alumense katapuno kaampinino pae amantasia. Anoa naꞌa nakumadiuangkoomu Rohino Lahataꞌala bhe efino.

Matius 3:6

Mie andoa ini dekapuna domangakuꞌao dhosando maka nokadiuda Yohanes we umeleno Yordan.

Markus 1:8

O idi akadiuangkoomu oe, tamaka ane nahumato Anoa nakumadiuangkoomu Rohino Lahataꞌala.”

Lukas 3:16

Dadiꞌanomo Yohanes nopugaumo ne mie bhahi maitu ambano, “Idi ini akadiuangkoomu oe, tamaka so humatono mada kaowu nofoliu kanau kuasa, mahinggamo alumense katapuno kaampinino pae amantasia. Anoa naꞌa nakumadiuangkoomu Rohino Lahataꞌala bhe efino.

Yohanes 1:26

Yohanes notobhoosidamo ambano, “Idi afokadiuꞌao oe, tamaka ne wunta-wuntamiu itu neehe-ehe seemie tapa nepandeꞌaomiu.

Yohanes 1:31

Kabhao-bhaono miina dua amandeꞌaanea bhahaꞌi laꞌae Anoa maitu, tamaka patudhuno kahatoꞌaku ini afokadiuꞌao oe, neanomo Anoa amotiwohaandae miendo Israel.”

Yohanes 1:33

Wakutuu anaꞌa idi miinaꞌo dua amandeꞌaanea bhahaꞌi laꞌae Anoa maitu. Tamaka Lahataꞌala tumudu kanau afokadiuꞌao oe tokamo nokobhoasao ne idi ambano, ‘Ane moha Rohino Lahataꞌala nasumampu maka naeate te wawono seemie, Anoamo itu so fokadiuꞌaono Rohino Lahataꞌala.’

Tula-tulando rasulu 10:45

Miendo Yahudi marasaeano ne Yesus mangkafino Petrus maitu, kosasawindo tadomente mbaꞌinomo dowoha Lahataꞌala nowaꞌao dua Rohino ne mie suano Yahudi.

Tula-tulando rasulu 19:4

Ambano toha Paulus, “Kakadiuno Yohanes katandaino o mie dofetompaꞌao podiu modaindo, tamaka ambano Yohanes ne mie bhahi, tabeano damarasaea ne mie so maino namalusi anoa, nopulaoꞌao Yesus.”

1 Korintus 12:13

Kapaꞌamo Rohino Lahataꞌala padamo nokadiu sarani kosasawintoomu mbalimo sembadha, naetaa miendo Yahudi naetaa miendo Yunani, naetaa o bhatua naetaa mie bebasi, saneamo dua kao-kaomo dofowaꞌao dofohoꞌu ne Rohi anaꞌa.

Titus 3:5

Anoa nofosalamati kaita suano mbaꞌinomo habu metaantoomu tamaka hampano rahamati bhe kabhelano lalono. Lahataꞌala nohunsa Rohino mongkilono weo totono lalontoomu so namekanggelaꞌiꞌao dhosantoomu maka sumuli dalumente weo dadi buꞌou.