Tula-tulando rasulu 1:3 - Muna Southern Dialect

³ Nopalusi kakadee-dee bhe mateno, Yesus nentuhu nofotiwoha Wutono ne rasuluꞌino peda tandano kotu-kotuꞌu nodadi. Fato fuluꞌa kaomponano nobhahi pakuno dowohae, nofohatoanda Kafopahintaꞌano Lahataꞌala.

Tula-tulando rasulu 1:3 Iomraidhean Croise

Matius 21:43

Dadiꞌanomo, amohatokoomu, hakumiu weo Kafopahintaꞌano Lahataꞌala namalae Lahataꞌala, maka namaꞌandae bansano liwu sigaoꞌano so dhumalangino pahintano.

Matius 28:9

Gahaꞌa tambaꞌomo nosumpuida Yesus bhe nofeabhada ambano, “Kabarakati so hintimiu.” Lasao domaꞌotie, dosudhu dohako aꞌeno bhe dotaohao sombado.

Matius 3:2

ambano, “Fetompaꞌao dhosamiu, doliomu ne Lahataꞌala, kapaꞌamo Kafopahintaꞌano Lahataꞌala nomaꞌomo.”

Matius 4:2

Pada nopoasa fato fuluꞌa ole-oleono koho-kohondoꞌano, panda-pandano Yesus noꞌahomo.

Markus 16:19

Pada nopugau peda anaꞌa, Ompu Yesus notisangkemo te surugaa maka nengkoha ne suanano Lahataꞌala.

Yohanes 20:26

Nopalusi alu oleo anaguhuꞌino Yesus dopohompu-hompumo toha ne lambu anaꞌa, wakutuu anaꞌa bhe Tomas dua. Fointo dopadae dokunsie. Gahaꞌa tanosihatoꞌamo Yesus neehe-ehe ne wunta-wuntando bhe nopugau ambano, “Katohopono dadi so hintimiu!”

Yohanes 21:1

Pada anaꞌa Yesus nofotiwohamo toha Wutono ne anaguhuꞌino ne wiwino teꞌino Tiberias. Kadhadhiano peda aini.

Yohanes 21:14

Tolu pakuꞌaomo anaꞌa Yesus nofotiwoha Wutono ne anaguhuꞌino palusi kawanuꞌano maiꞌao ne mate.

Tula-tulando rasulu 13:31

Nomampona-mpona dua nofotiwoha Wutono ne mie pobhaiane domaiꞌao we Galilea ampa we Yerusalem. Andoamo ini membalino sakusii ne miendo Israel ampa aitu.

Tula-tulando rasulu 19:8

Ampa tolu wula Paulus sadhia nopesua weo lambu kasambaheaꞌa ne itu bhe nokado nofofoguhu. Nopuga-pugau bhe andoa patudhuno mpuu namoparasaeada ne kahatoꞌano Kafopahintaꞌano Lahataꞌala.

Tula-tulando rasulu 28:23

Pada anaꞌa detempomo so dapoꞌawa-awaꞌao. Nohato tempono dobhahi sepaliꞌa maino we kabutuꞌano. Paulus nofohatoanda bhe notalesaandamo peda amai Kafopahintaꞌano Lahataꞌala notanda ne Kitabino Musa bhe Kitabindo ana-anabii. Anoa noꞌule-uleiꞌe lalono so damarasaeaꞌao ne Yesus, notanda hangkowine ampa nohondo oleo.

Tula-tulando rasulu 28:31

Mentalea-mentalea nokado nefolele bhihita Kafopahintaꞌano Lahataꞌala bhe nofofoguhuꞌao kafoinaꞌuno Ompu Yesus Kristus, miina bhe umonto-ontomiea

Tula-tulando rasulu 8:12

Tamaka aitu mie doparasaeamo ne Filipus. Anoa nefoleleanda bhihitano Kafopahintaꞌano Lahataꞌala bhe bhihitano Yesus Kristus. Namoꞌane nahobhine dokadiuda.

Roma 14:17

Kapaꞌamo ane dopugauꞌao Kafopahintaꞌano Lahataꞌala, ingka miina damugauꞌao oti nehumaa bhe nefohoꞌu. Maraluuꞌano mpuu weo Kafopahintaꞌano Lahataꞌala o manusia damangkafi kapoindalono Lahataꞌala, katohopono dadi bhe kawulano lalo maiꞌao ne Rohino Lahataꞌala.

Kolose 1:13

Lahataꞌala nofosalamati kaita maiꞌao weo kuasano kahohondo maka nofogampi kaita weo kafopahintaꞌano Anano kamoasiꞌaono.

1 Tesalonika 2:12

Maꞌanano tatangahikoomu, tafekatangka lalomiu, pakade taesalo mpuu dumadiomu naposahataa bhe kapoindalono Lahataꞌala. Kapaꞌamo Lahataꞌala nosaliꞌikoomu mesuaꞌomu weo Kafopahintaꞌano kumalabhiano.

1 Yohanes 1:1

Bhoasao Fofodadino, toka ndumandoono mpini kabhao-bhaono, aituꞌaemo nefosampe ne suha aini. Insaodi padamo tafetingkee, padamo dua tawohaane wuntano mata mani. Padamo taꞌondoe ulano bhe padamo tadampasiane lima mani.