Tula-tulando rasulu 1:16 - Muna Southern Dialect

¹⁶ “Bhahitieꞌiku, teteweimo nokoꞌula tibuhiꞌano weo Kitabi. Maꞌanano, kafohatono Rohino Lahataꞌala ne anabii Daud wawo-wawo, mulaoꞌaono Yudas, nokoꞌulamo. Yudas ini neangkando mie humakono Yesus.

Tula-tulando rasulu 1:16 Iomraidhean Croise

Matius 26:14

Pada anaꞌa seemie maiꞌao ne anaguhuno ompulu hoduano koneaꞌano Yudas Iskariot, nokalamo ne meangkaꞌindo imamu.

Matius 26:47

Tangasano Yesus nopugau, nohatomo Yudas, seemie maiꞌaono ne anaguhuno ompulu hoduano. Yudas maitu nohato nopoowa bhe mie bhahi metaguno kampue bhe kawangku. Mie bhahi naꞌa dotududa neangkaꞌindo imamu bhe kamungkulaꞌindo Yahudi.

Matius 26:54

Taꞌampamo kaowu ane nada naꞌa, ingka pae nakoꞌulaa tibuhiꞌano weo Kitabindo anabii putae tetewei nakumadhadhia peda aini.”

Matius 26:56

Ampamo kaowu kosasawiꞌae ini nokadhadhia so nokoꞌulaꞌao tibuhiꞌano weo Kitabindo ana-anabii.” Pada aitu kosasawindo anaguhuꞌino dofileimo tadohunsae nomoisa.

Markus 12:36

Gahaꞌa itu wutono Daud weo kuasano Rohino Lahataꞌala padamo nopugau peda aini, ‘Ompu Lahataꞌala nokowambamo ne Ompuku, Mengkohamo ne suanaku ini ampa kosasawindo kaewamu ahumabuda so kafindaꞌamu.’

Markus 14:43

Tangasano Yesus nopugau, nohatomo Yudas, seemie maiꞌaono ne anaguhuno ompulu hoduano. Yudas maitu nohato nopoowa bhe mie bhahi metaguno kampue bhe kawangku. Mie bhahi naꞌa dotududa neangkaꞌindo imamu, pande-pande Kitabi bhe kamungkulaꞌi.

Lukas 22:47

Tangasano Yesus nopugau, dohatomo mie setagua, nopaꞌinduluanda Yudas, seemie maiꞌaono ne anaguhuno ompulu hoduano. Nohato Yudas nomaꞌotimo Yesus bhe nowonoe.

Yohanes 10:35

Ingka dopandeꞌaanemo wambano Kitabi nolaku ampa suhue dhamani. Dadiꞌanomo, ane andoa tumahimano bhoasaono naꞌa nokonada kalaha-lahataꞌala,

Yohanes 13:18

Idi apugau miina amulaoꞌao kosasawimiu, kapaꞌamo apandeꞌaanda ndo laꞌae nepiliku. Ampamo kaowu wambano Kitabi aini tetewei nakoꞌula, ‘Mie pombaliꞌaku namewangi kanau.’

Yohanes 17:12

Tangasano apobhaianda, adambaꞌaanda weo kuasano neamu kawaꞌaomu ne Idi. Idi adhaganida, sampe bhe naseemie miina bhe binasano, mpahinomo anoa toka nefotantu so binasano, somo nokoꞌulaꞌao tibuhino weo Kitabino anabii.

Yohanes 19:36

Kapaꞌamo kosasawiꞌae maitu nokadhadhia somo nakoꞌulaꞌao tibuhino weo Kitabino anabii, “Pae bhe bukuno so netampundo.”

Tula-tulando rasulu 1:20

Notibuhi weo Kitabino Laguno Daud, ‘Heruane ae lambuno naolinomoa, hunsaꞌanomo koe bhe meatefiea.’ Notibuhi dua peda aini, ‘Heruane ae sodano damalae sigaoꞌano.’

Tula-tulando rasulu 13:15

Pada dobasa Kitabino Musa bhe Kitabindo ana-anabii, mie mandeꞌaono lambu kasambaheaꞌa dotudumo mie dameena ne Paulus bhe sabhangkaꞌino. Ambado, “Bhahitieꞌi, ane bhe kafoinaꞌu so kalawesino lalondo umati naembalimo damosampeea.”

Tula-tulando rasulu 13:38

Dadiꞌanomo bhahitieꞌiku tabeano mandeꞌaaneomu! Bhihita katiꞌamponiꞌano dhosa ini dofohatoangkoemoomu hampano Yesus ini.

Tula-tulando rasulu 15:13

Pada detula-tula Paulus bhe Barnabas, nopugaumo Yakobus. Ambano, “Bhahitieꞌiku, soba fetingke kanauꞌomu!

Tula-tulando rasulu 15:7

Nompona kaowu dopololi-loliꞌao fekihindo, noehemo Petrus maka nopugau ambano, “Bhahitieꞌiku, ingka pandeꞌaaneomu mpini kabhao-bhaono Lahataꞌala nopili kanau maiꞌao ne olotamiu, neanomo bansano liwu suano Yahudi dametingke bhe damarasaea Bhihita Metaa nefoleleku.

Tula-tulando rasulu 2:23

Noposahataa bhe patudhuno bhe kalentuno Wutono, Lahataꞌala nobhotusiemo nofolapasaangkoeꞌomu. Tamaka hintimiu katahoeꞌomu ne bansando mie modai dokantaiꞌe te sau salipu bhe dopongkoe.

Tula-tulando rasulu 2:37

Dofetingke peda naꞌa nosabhamo handado maka dofeenamo Petrus bhe rasulu sigaoꞌano ambado, “Bhahitieꞌi, kaowua taeafaꞌimo bhahaa insaodi ini?”

Tula-tulando rasulu 22:1

Ambano Paulus, “Bhahitie bhe kamungkulaꞌiku, soba fetingkeeꞌomu nepugauꞌaoku ini atumunduꞌao wutoku.”

Tula-tulando rasulu 23:1

Paulus notonto Sahano Agama maitu maka nopugau ambano, “Bhahitieꞌiku, weo dadiku ampa seꞌoleo itu totono laloku nandoo nongkilo ne wiseno Lahataꞌala.”

Tula-tulando rasulu 23:6

Paulus nopandeꞌaane mie humatono maitu sigaꞌa miendo Saduki, sigaꞌa miendo Farisi. Dadiꞌanomo nopugaumo nofekabhala-bhalaꞌie ne wisendo Sahano Agama ambano, “Bhahitieꞌiku, idi ini o Farisi, sampuꞌando miendo Farisi, katibhitahakiꞌaku ne ini, mbaꞌinomo aposahunaꞌao mie mate sumuli dadumadi.”

Tula-tulando rasulu 28:17

Nopooli tolu oleo we Roma, Paulus nosaliꞌimo neangkaꞌindo miendo Yahudi ne itu. Dohompu kaowu nopugaumo ambano, “Bhahitieꞌiku, idi ini miina akokaꞌalaa naetaa ne saliwuntoomu naetaa ne adhatindo kamungkulaꞌintoomu, tamaka dohako kanau we Yerusalem, maka doowa kanau ne limando miendo Roma.

Tula-tulando rasulu 28:25

Tadopogaa-gaamo miina naseꞌise fekihindoa. Tamaka Paulus nandoo dua nofohatoda peda ini, “Nokotuꞌumo daanumo bhoasaono Rohino Lahataꞌala ne awuaꞌintoomu nefosampeno anabii Yesaya,

Tula-tulando rasulu 7:2

Notobhoosimo Stefanus ambano, “Bhahitieꞌiku bhe kamungkulaꞌiku, fetingke kanauꞌomu! Ompu Lahataꞌala kumalabhiano nofotiwoha Wutono ne awuantoomu Abraham. Wakutuu anaꞌa Abraham nandooꞌe we Mesopotamia, miinaꞌo naeate we Haran.

1 Petrus 1:11

Kapaꞌamo Rohino Kristus meateno weo totono lalondo, nofohatoda wawo putae Kristus naenamisi kakadee-dee bhe mada anaꞌa naetahima kakalabhia. Dadiꞌanomo doꞌondofie mpuu laꞌae bhahaa Kristus maitu bhe naefie nakumadhadhia toka nekosuahaꞌaondo naꞌa.

2 Petrus 1:21

Kapaꞌamo miina nandumandooa kaowilino Lahataꞌala nefosampendo ana-anabii nomaiꞌao ne kapoindalondo manusia, tamaka kuasano Rohino Lahataꞌala kumabhintino ana-anabii sampe dokosuahaꞌao kaowilino Lahataꞌala.

2 Petrus 2:21

Mie medando naꞌa sakotuꞌuno netaamo paise sepaliꞌa damandeꞌao kaangkaꞌano kabanara, bhe damandeꞌaane maka dokukundo pahinta mongkilo nefosampe ne andoa naꞌa.