Titus 3:1 - Muna Southern Dialect

¹ Mefeꞌulaianda umatimu, datumuhu ne pamarinta bhe mie kokuasano, daeangka ne pahintando bhe sadhia damantaa-ntaa daehabu metaaꞌano.

Titus 3:1 Iomraidhean Croise

Matius 22:21

Dotobhoosi ambado, “Ula bhe neano Omputo Kaisar.” Ambano toha Yesus, “Bahangka peda naꞌa, fehebuaꞌano Omputo Kaisar waꞌaneomu Omputo Kaisar, fehebuaꞌano Lahataꞌala waꞌaneomu Lahataꞌala.”

1 Korintus 15:58

Dadiꞌanomo, bhahitieꞌiku timoasiꞌaono, fekatangka kofindamiu, koise meando-andoa, sadhia foma-fomaiꞌomu lalomiu weo kahadhaano Ompu! Ingka pandeꞌaaneomu weo kaseꞌisemiu bhe Ompu kawulemiu pae nasumia-siaꞌa.

Efesus 2:10

Intaodiomu ini kahabuno Lahataꞌala. Noangka ne Kristus Yesus, Lahataꞌala nofokonandoo kaita so dahumabu metaaꞌao peda nefontaa-ntaano wawo so intaodiomu.

Filipi 1:11

Maꞌanano dadimiu naoponoꞌao podiu metaa nehabuno Yesus Kristus, nada sau kobhake metaano. Kosasawiꞌae ini somo damekakalabhiaꞌao bhe damudhiꞌao Lahataꞌala.

Kolose 1:10

Ane nada naꞌa, dadimiu namantasimo peda mie mangkafino Ompu bhe mekaꞌiano lalono Lahataꞌala. Kobhakeomu weo habu metaamiu, sampe sedhuluꞌa dua mandeꞌaoꞌomu Lahataꞌala.

1 Timotius 2:2

Mesalo so sabhaha kolaki bhe kosasawindo mintahano kuasa weo liwu, neanomo dadintoomu natohopo mpuu weo kofeompuntoomu ne Lahataꞌala bhe podiu metaa ne mie bhainto.

1 Timotius 4:6

Ane kosasawiꞌae ini sadhia meꞌulaiandae bhahitieꞌintoomu, hintu membalimo seemie palima-limano Kristus Yesus kumahadhaa metaano, poowa mekanowu totono lalomu, hampano hewutiane bhoasaono Lahataꞌala neparasaeantoomu bhe kafoinaꞌu kumotuꞌuꞌano toka neangkafimu kaomponae ini.

1 Timotius 5:10

Weo dadino tabeano notiende-ende o hobhine humabu metaano, ibahano padamo nofekabhala metaada anaꞌino, nolalesa lalono nefotiampe mie ne lambuno, noꞌondofao umati marasaeano peda seemie kantudu-ntudu, netulumi mie mosabha, tangkanomo nokampuu-mpuu nohabu metaaꞌano.

2 Timotius 1:6

Kanandooꞌanomo aefeꞌulaiangko, pakee mpuu kapooli kawaꞌaono Rohino Lahataꞌala neꞌawamu wakutuuno ateiangko limaku te fotumu.

2 Timotius 2:14

Mefeꞌulaianda bhe owiliandae mpuu kosasawiꞌae ini. Ne wiseno Lahataꞌala tangahida koise dopotaga-tagaliꞌao maꞌanano sewobha wamba, kapaꞌamo miina sepaliꞌa nakofahalaaꞌa, bhahamoa tanodai-dai kaowu kaparasaeando mie metingkee.

2 Timotius 2:21

Ane seemie nofekangkilo wutono ne sabhaha modaiꞌano, anoa itu tapedamo kaenteiꞌa so kafaraluuno hame bhalano saꞌituini, ingka padamo dofekangkiloe. Anoa nokofahalaa so kafeompuꞌano, nomantaa-ntaamo so sabhaha kahadhaa metaa.

Titus 1:16

Andoa dopugau ne mie bhaindo dopandeꞌao Lahataꞌala tamaka hampano habundo nopotagali bhe wambado naꞌa, ingka nentaleamo miina damandeꞌao Lahataꞌala. Andoa dotimohaku, miina daeangka ne katangahi, miina dua damooli dehabu metaaꞌano.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

Titus 3:14

Mientoomu tabeano dapoguhu dua dakumahadhaa metaaꞌano so kafaraluundo mentae mohondo, koe dembali mie tapa kofahalaa.

Titus 3:8

Wamba aini nokotuꞌu. Gaoku mpuu fohatoandae kosasawiꞌae ini bhe fekagilie katangahimu, neanomo kosasawindo marasaeano ne Lahataꞌala kotu-kotuꞌu daꞌumulei lalondo dahumabu metaaꞌano. Kapaꞌamo aitumo metaaꞌano bhe kofahalaaꞌano mbali manusia.

Ibrani 13:21

Sio-siomo Lahataꞌala kamaiꞌaoꞌano katohopono dadi, namosangkaangkoomu sabhaha metaaꞌano so dhumalangiꞌaoꞌomu kapoindalono. Sio-siomo dua weo dadintoomu Lahataꞌala naehabu podiu mekaꞌiano lalono, namangka ne Yesus Kristus. Notifekakalabhia Kristus ampa suhue dhamani. Amin.

2 Petrus 1:12

Kanandooꞌanomo patudhuku sadhia ameꞌulaiangkoeꞌomu bhahi-bhahiꞌae ini, mahingga pandeꞌaanemoomu bhe nomatangkamo koehemiu weo kabanara toka netahimamiu.

Yudas 1:5

Aitu nandoo so nefeꞌulaiꞌaoku ne hintimiu. Ampamo kaowu sakotuꞌuno kosasawiꞌae naꞌa pandeꞌaanemoomu. Ingka tandaiꞌeomu peda amai Ompu Lahataꞌala nofosalamati umatino Israel maiꞌao we witeno Mesir, tamaka pada anaꞌa tapa marasaeano nofobinasada.