Titus 1:15 - Muna Southern Dialect

¹⁵ Mbali mie mongkilono totono lalo, o ae maka dua nepake sanea nongkilo ⸤ nohalala⸥ , tamaka mbali mie mohakuno fekihi bhe tapa marasaeano ne Kristus, nepakeno miina bhe mongkiloꞌanoa ⸤ sanea noharamu⸥ , kapaꞌamo naetaa fekihindo naetaa totono lalondo kumatanga-tangano saneamo mohakuꞌano.

Titus 1:15 Iomraidhean Croise

Matius 15:18

Tamaka lumimbaꞌano ne wobha nomaiꞌao we totono lalo, aituꞌaemo fofekaharamuno.

Tula-tulando rasulu 10:15

Ambano toha suaha anaꞌa, “Nefohalalano Lahataꞌala, pae naembalia moharamue hintu.”

Roma 14:14

Weo kaseꞌiseku bhe Ompu Yesus, apandeꞌaane bhe aparasaea mpuu miina bhe oti moharamuꞌano nomaiꞌao ne oti aitu. Ampamo kaowu ane nandoo mie mefoharamuno oti, ingka oti anaꞌa daanumo noharamu so anoa.

Roma 14:20

Koise dai-dai kahadhaano Lahataꞌala hampano oti nehumaamu. Sabhaha oti daanumo sanea membaliꞌano dohumaaꞌe, tamaka ane nehumaamu nembali kakodhosaꞌando mie bhaimu ingka moꞌalamo.

Roma 14:23

Tamaka mie poibhahano naomaa bhe paise naomaa, gahaꞌa panda-pandano tanohumaamo, ingka namoꞌalae Lahataꞌala hampano habuno miina naengkoha ne kaparasaeano. Sabhaha habu pata mengkohano ne kaparasaea saneamo dhosa.

1 Korintus 10:23

Nandoo mugauno, manusia nobebasi nehabu o ae maka dua. Anoamo, tamaka ambaku miina kosasawiꞌae nehabundo manusia nokofahalaa. O manusia nobebasi nehabu o ae maka dua, tamaka miina kosasawiꞌae nehabundo manusia maitu naefekamatangka totono lalo.

1 Korintus 10:25

Hintimiu naembali momaaꞌomu sabhaha neaso we daoano dagi, miina namaraluua dofee-feenaꞌao kamaiꞌaoꞌano dagi anaꞌa ⸤ bhahaꞌi padamo depopangaane ne barahala kaa miina⸥ , keana nosabha totono lalomiu kumatanga-tangano.

1 Korintus 10:31

⸤ Katobhoosiku peda aini:⸥ ane momaa tawa mohoꞌu, tawa o ae maka dua nehabumu, habue bhahi-bhahiꞌe naꞌa so kakalabhiano Lahataꞌala.

1 Korintus 8:7

Tamaka aini miina damandeꞌaane sabhaha mie. Nandoo mie moneano sumombaino barahala endefiꞌini. Dadiꞌanomo, taꞌampamo aitu ane dohumaa oti kapopanga ne barahala, dofekihi lalondo oti maitu kotu-kotuꞌu otino barahala. Ane dohumaa oti pedando maitu, sadhia donamisi wutondo dokodhosa hampano totono lalondo kumatanga-tangano nandoo nonale, ⸤ sadhia notalo⸥ .

1 Timotius 6:5

bhe posala-salamaꞌana tapa mopoopulino. Fekihindo mie medano anaꞌa nodaimo mpuu, miinamo damangkafi kumotuꞌuꞌano. Kunaꞌendomo agama maitu naeowaanda kahangkaea.

Ibrani 10:22

Hampano bhahi-bhahiꞌae naꞌa, haa kaitaomu domaꞌotiomu Lahataꞌala, weo kahelasino lalo bhe kaparasaea tumangka; wobhano handantoomu dofekangkiloemo, totono lalontoomu kumatanga-tangano nohempomo, ⸤ miinamo naekenda-kendaꞌao habu modai⸥ , mbadhantoomu nongkilomo mbaꞌinomo padamo dokadiuane oe moinda.

Ibrani 12:15

Dhaganieꞌomu koise bhe mekapingkano maiꞌao ne rahamatino Lahataꞌala, koise dua bhe so membalino peda kantisa mopaꞌi kohasu ne olotamiu itu, kapaꞌamo hasuno naeowa kasabha bhe naedai-dai mie bhahi.

Ibrani 9:14

bhemo toha heano Kristus! Weo kuasano Rohino Lahataꞌala dumadino suhue dhamani, Kristus nofoampe Wutono mbali kapopanga pata kodengono ne Lahataꞌala. Dadiꞌanomo heano tetewei namekangkilo totono lalontoomu maiꞌao ne sabhaha podiu meowano mate, neanomo naembali dameompuomu ne Lahataꞌala dumadino.