Titus 1:13 - Muna Southern Dialect

¹³ Wambano anabii ini nokotuꞌu daanumo. Dadiꞌanomo fekagilie katangahimu so damarasaeaꞌao kafoinaꞌu banarano.

Titus 1:13 Iomraidhean Croise

2 Korintus 13:10

Kanandooꞌanomo abuhiangkoomu suha aini tinangke dopokodoꞌotiomu, neanomo humato dapoꞌawa-awaomu paise namaraluua amake kuasano Lahataꞌala aꞌumosapikoomu. Kapaꞌamo kuasano Lahataꞌala nowaꞌa kanaꞌe so amekamatangkaꞌao kaparasaeamiu, suano kuasa so mohansurukoomu.

1 Timotius 1:10

mie pokawite-witeno, mie gumaano sapada moꞌane tawa sapada hobhine, mie poꞌoli poasoꞌaono bhatua, bhe mie megau-gauno, sakusii kopaha bhe kotika mie mehabuno kumangkalaꞌino kafoinaꞌu kumotuꞌuꞌano.

1 Timotius 4:6

Ane kosasawiꞌae ini sadhia meꞌulaiandae bhahitieꞌintoomu, hintu membalimo seemie palima-limano Kristus Yesus kumahadhaa metaano, poowa mekanowu totono lalomu, hampano hewutiane bhoasaono Lahataꞌala neparasaeantoomu bhe kafoinaꞌu kumotuꞌuꞌano toka neangkafimu kaomponae ini.

1 Timotius 5:20

Mie mehabuno dhosa tabeano mefeꞌulaiane ne wisendo umati bhahino, neanomo sigaoꞌano daoteꞌimo.

2 Timotius 4:2

mefebhihitaiꞌao bhoasaono Ompu, fopahataaꞌe lalomu, dametingkeko bhe paise, naetaa bhe pae naetaa wakutuuno, feꞌulaiandae kaꞌalando, foꞌalada bhe fekatangkae lalondo. Kosabaha tangahida bhe foinaꞌuda.

Titus 2:15

Fohatoandae kosasawiꞌae wambano suha aini, tangahida bhe mefeꞌulaianda. Pakee sabhaha kuasa neꞌawamu. Koise bhe misakiko.

Titus 2:2

Tangahida kamungkula moꞌane tabeano damoolie damewanaki totono lalondo, namantasi damosibhalada, bhe dakotimbangi. Kaparasaeando ne Kristus tabeano nakumampuu-mpuu, kanini kaasindo ne mie bhaindo sadaa-daa bhe dapotaami weo kasabha.