Titus 1:12 - Muna Southern Dialect

¹² Nandoo seemie anabii, miendo dua Kreta, nopugau ambano, “Miendo Kreta sadhia dokopaha, andoa tapedamo kadadi fohumaano, dokadau-dau bhe domantawa.”

Titus 1:12 Iomraidhean Croise

Tula-tulando rasulu 17:28

Kapaꞌamo intaodiomu ini dodadi, dokodiu bhe donandooꞌomu ne dhunia ini hampano kuasano Lahataꞌala. Aini noposahataa dua bhe nekosuahaꞌaondo pande buhimiu, ambado, ‘Intaodiomu ini saneamo dua sampuꞌano Lahataꞌala.’

Tula-tulando rasulu 2:11

miendo Yahudi bhe sigaoꞌano mangkafino agama Yahudi, miendo Kreta bhe miendo Arabu. Ingka dofetingkedaomu depake wamba we liwu kamaiꞌaoꞌantoomu seemie-seemie, detula-tulaꞌao giu timenteꞌaono nehabuno Lahataꞌala.”

Tula-tulando rasulu 27:12

Mbaꞌinomo kalabuꞌa aitu miina naetaaꞌa dolabuane weo wulano bhaha, maka kapoindaloꞌando mie bhahi dahumelamo kansuhu dakumampo-kampooli ampa dahumato kotano Feniks, patudhundo weo wulano bhaha dalumabu ne naꞌa. Feniks naꞌa seꞌonu kota kalabuꞌano bhangka ne witeno Kreta, nofewise humanda bhaha somba bhe bhaha molanga.

Tula-tulando rasulu 27:13

Ne naꞌa kawea mbihi-mbihi nofinda salata, weo fekihindo teteweimo patudhundo maitu nasumampe. Dadiꞌanomo dohelamo labu maka tahela tasohaki sepaliꞌa kaꞌotiꞌano witeno Kreta.

Tula-tulando rasulu 27:7

Haa oleo tolu oleomo tahelaa, tamaka nokomaꞌo pae tadhumulua, tatakampo-kampoolimo tamaꞌoti kotano Knidus. Mbaꞌinomo sadaa-daa taesumpu kawea, tafodolimo hope mani humanda salata tasohaki kaꞌotiꞌano witeno Kreta, taangkai kaudhuno Salmone.

Roma 16:18

Kapaꞌamo mie pedando itu miina dameompu ne Kristus, Ompuntoomu, tamaka dofeompu kaowu ne iꞌino handado. Pugaundo nokesa, wambado nomeko, tamaka debhohe-bhoheꞌi kaowu mie kaangka-angkano.

Filipi 3:19

Dadindo nakopandaꞌao kabinasa; nesombaindo iꞌino handado. Nowose bhakendo dehabu timoambanoꞌaono; fekihindo ampamo kaowu kafaraluuno dhunia.

1 Timotius 4:2

Kafoinaꞌu anaꞌa dofolelee mie mehaaꞌulano. Andoa miinamo damande dapofelesaoꞌao metaaꞌano bhe modaiꞌano, kao-kaomo totono lalondo kumatanga-tangano dofodapaanemo uti ngkamala-mala.

Titus 1:5

Patudhuku ahunsako we witeno Kreta so mekataaꞌiꞌao pataꞌo tiꞌatoroꞌano. Patudhuku dua mesangke kamungkulaꞌi so neangkando umati ne seꞌonu-seꞌonu liwu, peda nefohatoꞌaoku kohaꞌanomo.

2 Petrus 2:12

Tamaka mpahaguru-guruno maitu pasaꞌidamo kadadi tapa kofekihino, tadodadimo so mbadhando, dolente so kaowu dahumakoda bhe dasumumbeleda. Andoa dofekaꞌaebu tapa nelosangindo, sampe habu modaindo maitu somo kabinasaꞌando pasadamo kadadi fohumaano.

2 Petrus 2:15

Andoa dokolilinomo mbaꞌinomo miina damangkafi kaangkaꞌa melaaꞌano, tamaka doangkafimo kaangkaꞌano Bileam anano Beor endefiꞌini. Bileam naꞌa noasiane sepaliꞌa neala ponambo ne habu modai.