Roma 9:4 - Muna Southern Dialect

⁴ Andoa ini umatino Israel, padamo nosangkeda Lahataꞌala mbali anaꞌino, nofotiwohaanda kakalabhiano, padamo nehabu podhandiꞌa bhe andoa, nowaꞌanda tubhono agama, padamo nofohatoda nada amai dasumambahea bhe nowaꞌanda dua sabhaha dhandino.

Roma 9:4 Iomraidhean Croise

Matius 21:33

“Fetingkeomu dua kapalenda aini. Nandoo seemie kafeompuꞌa nelengka kaampo, nokantisaane angguru maka nopagalae fato-fatowalaꞌae. Neseliane dua bhe kantobha kaefeoꞌano angguru bhe nefoeheane kapala kaedhaganiꞌa. Pada aitu neponambomo mie so kumahadhaano kaampo naꞌa, maka nokala we koliwuno.

Yohanes 1:17

Tubhono agama Yahudi dotahimaeꞌomu ne anabii Musa, tamaka kanini kaasi bhe kabanara notiwoha ne Yesus Kristus.

Yohanes 1:47

Nowoha Natanael nomai, Yesus nopugaumo ambano, “Ondoomu, anoa ini miendo Israel sakotuꞌuno, miina namande naepaha-pahaa.”

Tula-tulando rasulu 2:39

Kapaꞌamo dhandi aini so hintimiu bhe sampuꞌamiu bhe kosasawindo mie sigaoꞌano we liwu mokodoꞌoꞌano dua, ampa kabhahino so nesaliꞌino Ompu Lahataꞌalantoomu.”

Roma 3:2

Ingka nobhahi sepaliꞌa, tanofegiu. Katandaꞌano ne miendomo Yahudi katiposahunaꞌaoꞌano bhoasaono Lahataꞌala.

Roma 8:15

Rohi netahimamiu suano rohi so mobhatuakoomu toha sampe dadimiu sakateꞌi, tamaka tahimamoomu Rohi humabukoomu mbali anaꞌino Lahataꞌala. Hampanomo Rohi aini nembali dofokoamaomu ne Lahataꞌala.

Roma 9:6

Suano patudhukua kao-kaomo dhandino Lahataꞌala miinamo nakoꞌulaa, ampamo kaowu suano kosasawindo miendo Israel saneamo umati nepilino Lahataꞌala.

2 Korintus 11:22

Bhahaa andoa maitu miendo Ibrani? Ingka idimo dua. Bhahaa andoa maitu miendo Israel? Ingka idimo dua. Bhahaa andoa maitu sampuꞌano Abraham? Ingka idimo dua.

Galatia 3:16

⸤ Pedamo dua podhandino Lahataꞌala.⸥ Lahataꞌala padamo nokobhoasaꞌao dhandino ne Abraham bhe sampuꞌano. Weo Kitabi miina natibuhi “so sampuꞌaꞌimu”, maꞌanano dobhahi, tamaka “so sampuꞌamu” maꞌanano seemie kaowu, nopulaoꞌaomo Kristus.

Efesus 2:12

Wakutuu anaꞌa miinaꞌo bhe taiꞌamiu ne Kristus, hintimiu mie we sembalino miendo Israel, miinaꞌo tilentuomu umati nepilino Lahataꞌala. Miinaꞌo dua mealaomu dawu weo podhandino Lahataꞌala toka nedhandiꞌaono ne umatino. Hintimiu dadiomu te dhunia miinaꞌo bhe neposahunaꞌaomiu, miina dua mandeꞌaoꞌomu Lahataꞌala.

Ibrani 9:1

Podhandiꞌa kabhao-bhaono nandoo bhe atorano dosambahea, nonandoo dua bhe lambu kasambaheaꞌano we dhunia ini.

Ibrani 9:10

Kapaꞌamo sabhaha kapopanga maitu nopokai kaowu bhe oti nehumaa bhe nefohoꞌu bhe sabhaha atorano kangkilono mbadha. Bhahi-bhahiꞌae maitu sanea kaowu atorano mbadha, nofaraluu kaowu ampa tempono Lahataꞌala namahabuꞌouni podhandiꞌa naꞌa.

Ibrani 9:3

Nandoo dua seꞌonu boloku we sewetano anaꞌa, dohondomiane dua kai bhalano; boloku aini dokonae Boloku Foliuno Kangkilo.

Ibrani 9:5

Te wawono sohonga maitu nandoo kaꞌuhi kopani haa ulu, nekonando kerub, katandaino kakalabhiano Lahataꞌala. Panindo kaꞌuhi maitu nefewahai nodapohi kasongkono sohonga maitu, nekonando Kasongko Kapometaaꞌa. Ampamo kaowu aitu paise naembali datumula-tulae sehonda-sehonda.

Ibrani 9:6

Pedamo anaꞌa bhahi-bhahiꞌae doꞌatoroe, maka seꞌo-seꞌoleo imamu dopesua weo boloku te wise naꞌa dodhalangi taka kaꞌondofaondo.