Roma 9:20 - Muna Southern Dialect

²⁰ Hintu itu manusia, laꞌae bhahaa hintu itu sampe mokado pobhalo bhe Lahataꞌala? Naembali bhahaa o nuꞌua napugau ne humabue, ambano, “Noafa gahaꞌa habu kanau peda aini?”

Roma 9:20 Iomraidhean Croise

Matius 20:15

Paise naembalia bhahaa amake fehebuaꞌaku ampa kapoindaloku? Nokoula lalomu mbaꞌinomo netaa laloku?’ ”

Lukas 12:14

Tamaka Yesus tanotobhoosi ambano, “Lamoꞌane, laꞌae bhahaa sumangke kanau so bhitahakikoomu tawa so dumawuno kahunsaꞌaomiu?”

Roma 14:4

Patudhumu laꞌae bhahaa hintu itu sampe mokado bhitahaki bhatuano Ompu? Kataano bhe kadaino kahadhaano ingka neatemo ne kafeompuꞌano. Bhatua aitu sadaa-daa kataano kahadhaano hampano wutono Ompu nokokuasa natumulumie.

Roma 2:1

Dadiꞌanomo hintimiu manusia, laꞌae bhahaa hintu itu sampe foꞌala manusia bhaimu? Ane foꞌala mie bhaimu, gahaꞌaitu podiumu pedamo dua andoa, ingka bhotusi dua wutomu! Sampe miinamo bhe tingkunoa potunduꞌao wutomua.

Roma 2:3

Hintimiu manusia humabuno dua peda habundo mie nefoꞌalamiu itu, bhahaa kunaꞌemiu lumapaomu ne kahukumuno Lahataꞌala?

Roma 9:21

Bhahaa o pandeno nuꞌua maitu miina nakokuasa naehabu nahaa wua kaenteiꞌa maiꞌao ne sekakumbu wite mopulu? Naseewua nahumabue so kafaraluu ne kahame, seewuano so kafaraluu nepake maꞌoleo hangkowine.

Roma 9:22

Pedamo dua aitu Lahataꞌala, nokopatudhu namotiwoha amahano bhe namotipandeꞌao kuasano. Ampamo kaowu nokosabaha mpuu ne mie so nekangkanaino amahano, mentaa-ntaano kabinasa.

1 Korintus 1:20

Kaowu somo ae bhahaa mie kokapande? Somo ae bhahaa mie melangkeno sikolaa? Somo dua ae bhahaa mie kofekihi ne dhunia ini? Kapaꞌamo Lahataꞌala ingka padamo nofotiwohae putae sabhaha kapandeno dhunia ini sanea bhohe.

1 Korintus 7:16

Hintu hobhine, nada amai mandeꞌaane bhahaa putae moꞌanemu pataꞌo marasaeano maitu pae mosalamatie? Pedamo dua hintu moꞌane nada amai mandeꞌaane bhahaa putae hobhinemu pataꞌo marasaeano maitu pae mosalamatie?

1 Timotius 6:5

bhe posala-salamaꞌana tapa mopoopulino. Fekihindo mie medano anaꞌa nodaimo mpuu, miinamo damangkafi kumotuꞌuꞌano. Kunaꞌendomo agama maitu naeowaanda kahangkaea.

2 Timotius 2:20

We lalono seꞌonu lambu bhalano nobhahi kaenteiꞌa, nandoo maiꞌao ne bulawa bhe salaka, tamaka nandoo dua maiꞌao ne sau bhe wite pulu. Kaenteiꞌa bulawa bhe salaka mbali kafaraluuno hame bhalano, o kaenteiꞌa sau bhe wite pulu mbali kafaraluu maꞌoleo hangkowine.

Titus 2:9

Bhatua tabeano datumuhu ne kafeompuꞌando, nada amai maka dua damekaꞌia lalono kafeompuꞌando, koise dopokantobhoosianea.

Yakobus 2:20

Ingka mobhoheomu gahaꞌa! Gaomiu bhahaa amaꞌangkoomu bukutii putae kaparasaea tapa seowaꞌano bhe habu ingka nosia-sia?