Roma 8:9 - Muna Southern Dialect

⁹ Tamaka hintimiu ingka miinamo dumadiomu angkafi kapoindalono mbadha, dadiomu angkafiomu kaatono Rohino Lahataꞌala, ane kotu-kotuꞌu Rohino Lahataꞌala neate weo totono lalomiu. Mie tapa tumahimano Rohino Kristus, ingka suano fehebuaꞌano Kristus.

Roma 8:9 Iomraidhean Croise

Lukas 11:13

Dadiꞌanomo sanginomo hintimiu mie modai pandemoomu waꞌaoꞌomu metaaꞌano ne anamiu, bhemo toha Amamiu te surugaa! Anoa namaꞌao Rohino ne laꞌae maka dua mesaloiꞌe.”

Yohanes 14:17

Anoamo Rohino Lahataꞌala meowano kabanara. Dhunia pae damooli datumahimaea, hampano miina daohaea, miina dua damandeꞌaanea. Tamaka hintimiu pandeꞌaaneomu, kapaꞌamo Anoa napobhaiangkoomu bhe naeate we lalomiu.

Yohanes 14:23

Notobhoosimo Yesus ambano, “Ane seemie noasi kanau, namangkafi wambaku. Amaku naoasiane maka Insaodi tamai taeate bhe anoa.

Yohanes 3:34

Kapaꞌamo katuduno Lahataꞌala maitu nofosampe bhoasaono Lahataꞌala, hampano Lahataꞌala nowaꞌane Rohino miina naegana-ganaa.

Yohanes 3:6

Mbadhano manusia nolente maiꞌao ne mbadhano manusia; tamaka rohi ⸤ buꞌouno manusia⸥ nolente maiꞌao ne Rohino Lahataꞌala.

Tula-tulando rasulu 16:7

Sahatondo we kadieno Misia patudhundo damesua weo kadieno Bitinia, tamaka Rohino Yesus miina naꞌumundaꞌaanda.

Roma 7:5

Endefiꞌini dodadiomu doangkafi kamanusiantoomu. Wakutuu anaꞌa katokano mbadhantoomu nokuasaiꞌe sabhaha kapoindalo modai, dhohono nofoluaꞌe tubhono agama Yahudi, sampe fahalaano ingka neowa mate.

Roma 8:1

Dadiꞌanomo ampa aitu mie seꞌiseno bhe Kristus Yesus paemo dahumukumudaa.

Roma 8:11

Ane Rohino Lahataꞌala madano mowanuno Yesus maiꞌao ne mate neate weo totono lalomiu, maka Anoa mowanuno Kristus Yesus maiꞌao ne mate naꞌa, teteweimo dua namodadi mbadha kasaramiu itu, namangka ne Rohino meateno weo totono lalomiu.

Roma 8:2

Kapaꞌamo noangka ne Kristus Yesus, tubhono Rohino Lahataꞌala meowano dadi padamo nofobebasikoomu maiꞌao ne tubhono dhosa bhe mate.

1 Korintus 15:23

Ampamo kaowu seemie-seemie doangkafi tulu-tulungano: Kristus mbalimo titiisa, maka mie membalino fehebuano Kristus ne oleo kahatoꞌano.

1 Korintus 3:16

Miina mandeꞌaaneomua gahaꞌa putae hintimiu itu Lambuno Lahataꞌala? Miina mandeꞌaaneomua gahaꞌa putae Rohino Lahataꞌala neate weo totono lalomiu?

1 Korintus 6:17

Tamaka o mie kumapotino Ompu ingka noserohimo bhe Ompu.

1 Korintus 6:19

Bhahaa miina mandeꞌaaneomua mbadhamiu itu lambu mongkilo kaeateꞌano Rohino Lahataꞌala? Rohino Lahataꞌala ini neate weo totono lalomiu bhe nowaꞌangkoeꞌomu wutono Lahataꞌala. Dadiꞌanomo hintimiu itu suanomo fehebuaꞌamiu wutomiu.

2 Korintus 10:7

Ingka taꞌondoomu kaowu tiwohoꞌano ne wisemiu! Ane seemie nokotu-kotuꞌu noabhi wutono fehebuaꞌano Kristus, naetaa namekihi totono lalono, ingka gahaꞌa insaodi dua ini fehebuaꞌano Kristus tapedamo anoa.

2 Korintus 6:16

O ae bhahaa pokaiꞌano Lambuno Lahataꞌala bhe lambuno barahala? Ingka intaodiomu ini Lambuno Lahataꞌala dumadino, kapaꞌamo Lahataꞌala nokobhoasao, “Aeate bhe andoa, adumadi ne wunta-wuntando; o Idi aembali Lahataꞌalando, andoa daembali umatiku.”

Galatia 4:6

Hampano ingka dembalimoomu anaꞌino, Lahataꞌala notudumo Rohino Anano naeate weo totono lalontoomu. Rohi ainimo mekatondalano bhe mokoamano ne Lahataꞌala.

Galatia 5:24

Mie membalino fehebuaꞌano Kristus Yesus, kapoindalono mbadhano padamo dofekamatee te sau salipu, maꞌanano sabhaha nafusuu bhe kapoindalono kamanusiano dosobuemo.

Efesus 1:13

Hintimiu dua membalimoomu umatino Lahataꞌala, wakutuuno fetingkeomu bhihitano kabanara, maꞌanano Bhihita Metaa meowaangkoomu kasalamati. Hampano kaparasaeamiu ne Kristus, Lahataꞌala nowaꞌangkomoomu Rohino toka nedhandiꞌaono. Rohino naꞌa katandainomo membalimoomu fehebuaꞌano Lahataꞌala.

Efesus 2:22

Hampano kaseꞌisemiu bhe Kristus, maka hintimiu dua tangasano dopotudu-tudumiangkoomu bhe mie bhaimiu membaliomu seꞌonu lambu so Lahataꞌala, somo kaeateꞌano Rohino.

Efesus 3:17

Sio-siomo hampano kaparasaeamiu, Kristus naeate kansuhu weo totono lalomiu, maka dadimiu naengkoha bhe nakopahaka weo kanini kaasi.

Filipi 1:19

kapaꞌamo apandeꞌaane mbaꞌinomo sambaheamiu bhe katulumino Rohino Yesus Kristus damolapa kanau.

2 Timotius 1:14

Dhaganie kafoinaꞌu neposahunaꞌaono ne hintu tapedamo arataa mokesa, bhe katulumino Rohino Lahataꞌala dumadino weo totono lalontoomu.

1 Petrus 1:11

Kapaꞌamo Rohino Kristus meateno weo totono lalondo, nofohatoda wawo putae Kristus naenamisi kakadee-dee bhe mada anaꞌa naetahima kakalabhia. Dadiꞌanomo doꞌondofie mpuu laꞌae bhahaa Kristus maitu bhe naefie nakumadhadhia toka nekosuahaꞌaondo naꞌa.

1 Yohanes 3:24

Mie mangkafino pahintano Lahataꞌala dodadi doseꞌise bhe Lahataꞌala, Lahataꞌala noseꞌise bhe andoa. Katipandeꞌaoꞌano Lahataꞌala noseꞌise bhe intaodiomu, hampano padamo nofowaꞌao Rohino.

1 Yohanes 4:13

Lahataꞌala padamo nowaꞌa kaita Rohino, katipandeꞌaoꞌanomo putae intaodiomu doseꞌise bhe Lahataꞌala bhe Lahataꞌala noseꞌise bhe intaodiomu.

1 Yohanes 4:4

Anaꞌiku! Hintimiu fehebuaꞌano Lahataꞌala, talodamoomu mpahaana-anabiino, hampano Rohino Lahataꞌala weo totono lalomiu nofoliuꞌe kuasano rohi weo totono lalondo miendo dhunia ini.

Powoha 13:8

Kosasawindo mie meateno we dhunia dasumomba ne anoa. Miemo andoa ini, mpini pakatifokonandoono dhunia, miina natibuhia neando weo Kitabindo Mie Dumadi, fehebuaꞌano Anano Dhumba toka nesumbele.

Powoha 20:15

Sasuka mie tapa tibuhino nea weo Kitabindo Mie Dumadi maitu, doꞌohoda weo kantobhano efi bhalano.