Roma 8:34 - Muna Southern Dialect

³⁴ Nandoo bhahaa so fofoꞌalano? Wutono Kristus Yesus so potunduꞌa kaita. Ingka Anoa padamo nomate, tamaka fofoliuꞌano padamo dua dofowanue maiꞌao ne mate maka ampa aini nengkoha ne suanano Lahataꞌala.

Roma 8:34 Iomraidhean Croise

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

Markus 16:19

Pada nopugau peda anaꞌa, Ompu Yesus notisangkemo te surugaa maka nengkoha ne suanano Lahataꞌala.

Yohanes 14:19

Tana sebantaha dhunia paemo damoha kanau, tamaka hintimiu sadaa-daa moha kanauꞌomu hampano Idi adumadi bhe hintimiu dumadiomu dua.

Yohanes 16:23

Ne oleo anaꞌa paise sepaliꞌa meenaomu ne Idi. Amohatokoomu, kotu-kotuꞌu o ae maka dua nesalomiu ne Amaku weo neaku, tetewei namaꞌangkoeꞌomu.

Tula-tulando rasulu 2:24

Tamaka Lahataꞌala nofodadie, nofolapae nomaiꞌao ne kakadee-deeno mate, hampano pae bhe kapoolia nasumadaa-daa nakumuasaiꞌe mate.

Roma 14:13

Dadiꞌanomo koemo dopofoꞌa-foꞌalaomu! Tamaka fekaꞌonu lalomiu koise mehabuomu so katitunoꞌa tawa so kaondawuꞌando bhahitieꞌimiu weo dhosa.

Roma 14:9

Kapaꞌamo ingka anaꞌaemo kamateꞌano bhe kawanuꞌano Kristus, neanomo naembali Ompundo mie dumadi bhe mie mate.

Roma 4:25

Anoamo mada neowa ne limando fopongkono dhohono dhosantoomu, tamaka padamo dua nofowanue Lahataꞌala maiꞌao ne mate so naembaliꞌao dasumuli dapometaa bhe Lahataꞌala.

Roma 8:1

Dadiꞌanomo ampa aitu mie seꞌiseno bhe Kristus Yesus paemo dahumukumudaa.

Roma 8:27

Lahataꞌala lumosangino totono lalondo manusia, nopandeꞌaane patudhuno Rohi maitu, hampano Rohi maitu nosambaheaꞌao umatino mongkilono noposahataa bhe kapoindalono wutono Lahataꞌala.

Kolose 3:1

Ingka dofowanukoomu maiꞌao ne mate poowa bhe Kristus. Dadiꞌanomo ondofiomu ndumandooꞌano te surugaa. Ne itumo Kristus nengkoha ne suanano Lahataꞌala.

Ibrani 1:3

Anoa nofotiwoha tilangano kakalabhiano Lahataꞌala, katuno bhe sifatino pasae wutono Lahataꞌala. Anoamo dua tumukono alamu bhalano ini nopake bhoasaono foliuno kuasa. Nopalusi nofekangkilo manusia maiꞌao ne dhosando, Anoa nengkohamo ne suanano Lahataꞌala fofoliuno kakalabhia te wawono wawo.

Ibrani 7:25

Dadiꞌanomo Yesus nopooli nofosangka mpuu kasalamatindo manusia maino ne Lahataꞌala doangka ne Anoa. Kapaꞌamo Anoa nodadi suhue dhamani mbalimo fosambaheaꞌaono ne Lahataꞌala.

Ibrani 9:24

Kapaꞌamo Kristus miina namesua weo Boloku Foliuno Kangkilo nehabundo manusia, membalino kaowu sandahano Boloku Foliuno Kangkilo sakotuꞌuno ⸤ te surugaa⸥ , tamaka Kristus nopesuamo te puuno surugaa, ampa aitu nofewise ne Lahataꞌala so sabhaha kafaraluuntoomu.

1 Petrus 3:18

Kapaꞌamo wutono Kristus nomateꞌao dhosantoomu, sepaku kaowu so suhue dhamani. Anoa mie banara nomateꞌao mie modai. Kamateꞌano ingka so natumondaꞌao hintimiu ne Lahataꞌala. Mbadha kamanusiano dopongkoe, tamaka Rohino Lahataꞌala nofowanue maiꞌao ne mate.

1 Petrus 3:22

Ampa aitu Kristus nofonimo te surugaa, nengkoha ne suanano Lahataꞌala. Kosasawindo malaꞌekati bhe sabhaha mintahano kuasa bhe kafeompuꞌa dotuhumo ne Anoa.

Powoha 1:18

Idimo dumadino, padamo amate, tamaka ondo kanau itu, ingka adadimo ampa suhue dhamani. Idimo mintahano kunsino mate bhe dhuniano mate.