Roma 8:26 - Muna Southern Dialect

²⁶ Pedamo aitu intaodi mie monale notulumi kaita Rohino Lahataꞌala. Kapaꞌamo miina damandeꞌaaneomu peda amai dosambahea bhe o ae so nesambaheaꞌao. Ampamo kaowu wutono Rohi fosambaheaꞌaono, kaꞌuuno miina natibhoasaꞌaoa.

Roma 8:26 Iomraidhean Croise

Matius 10:20

Suanomo hintimiu so mugauno, tamaka Rohino Amamiu te surugaa so kosuahano namangka ne hintimiu.

Matius 20:22

Tamaka Yesus tanotobhoosi ambano, “Ingka miina mandeꞌaaneomua uluꞌano kamesalomiu itua. Mondoiꞌeomu bhahaa mohoꞌuomu ne kampohoꞌuꞌaku?” Ambado, “Tamondoiꞌe.”

Lukas 22:44

Yesus nomahasai sepaliꞌa lalono maka sadhulu-dhulu kakampuu-mpuu nosambahea. Antino tapedamo hea nobubuka nopotuhu ne wite.

Yohanes 14:16

Aesaloangkoomu ne Amaku, maka namaꞌangkoomu Fotulumino sigaoꞌano somo pobhaiangkoomu suhue dhamani.

Roma 15:1

Intaodiomu motangkano kaparasaea tabeano dakosabaha ne bhahitieꞌi monaleno kaparasaea bhe datumulumida. Koise doꞌondofi kaowu so kaoꞌiaꞌano wutontoomu.

Roma 7:24

Kadaino maka kolauku idi ini! Laꞌae bhahaa so mosalamati kanau maiꞌao ne mbadha meowano mate ini?

Roma 8:15

Rohi netahimamiu suano rohi so mobhatuakoomu toha sampe dadimiu sakateꞌi, tamaka tahimamoomu Rohi humabukoomu mbali anaꞌino Lahataꞌala. Hampanomo Rohi aini nembali dofokoamaomu ne Lahataꞌala.

2 Korintus 5:2

Nandoo deateomu weo kadempo ini, sadhia dofedee hampano nokambamo lalonto daetahima kaeateꞌa buꞌou maiꞌao te surugaa ⸤ maꞌanano mbadha nsurugaa⸥ , kao-kaomo daefokana pakea buꞌou.

2 Korintus 5:4

Nandoo deateomu weo kadempo ini, sadhia dofedee hampano kabhieno wowoꞌontoomu. Daanumo miina gaontoomu dahumunsaemo mbadha kasara ini, tamaka gaontoomu damakeemo mbadha nsurugaa, neanomo mbadha kasarantoomu ini natumoloemo dadi suhue dhamani.

Galatia 4:6

Hampano ingka dembalimoomu anaꞌino, Lahataꞌala notudumo Rohino Anano naeate weo totono lalontoomu. Rohi ainimo mekatondalano bhe mokoamano ne Lahataꞌala.

Efesus 2:18

Hampano nehabuno Kristus, intaodiomu naetaa miendo Yahudi naetaa suano, deꞌawamoomu kaangkaꞌa kapesuaꞌa damewise ne Lahataꞌala, saneamo weo katulumino Rohino Lahataꞌala seꞌise-isemo.

Efesus 6:18

Habue bhahi-bhahiꞌae naꞌa poowa sambaheaꞌomu mesaloomu katulumino Lahataꞌala. Sadhia sambaheaꞌomu angkafiomu kaatono Rohino Lahataꞌala, o ae maka dua nehabumiu. Kodhagaomu weo sambaheamiu, koe fenga-fengaasia mesaloomu so kosasawindo umati mongkilono.

Ibrani 4:15

Imamuntoomu, o Imamu Bhalano numamisino dua sabhaha kanalentoomu. Anoa nopototo bhe intaodiomu ini, padamo nonamisie sabhaha kasoba, ampamo kaowu miina nakodhosaa.

Ibrani 5:2

Seemie Imamu Bhalano nembali nomalu-malusi mie tapa konipandeꞌaono bhe kolilinono fekihi, kapaꞌamo wutono nonale dua peda mie bhaindo.

Yakobus 4:3

Bheanea sambaheaꞌomu dua, tamaka miina koniꞌawaomu hampano noꞌala patudhuno sambaheamiu. Kamesalomiu so kaowu kaetaaꞌano namisimiu wutomiu.