Roma 8:14 - Muna Southern Dialect

¹⁴ Kosasawindo mie mangkafino kaatono Rohino Lahataꞌala, ingka anaꞌinomo Lahataꞌala.

Roma 8:14 Iomraidhean Croise

Matius 5:9

Dokodawua mpuu meowano pometaa, kapaꞌamo dakumonada anaꞌino Lahataꞌala.

Yohanes 1:12

Tamaka nandoo dua tumahimae bhe marasaeano weo neano. Kosasawindo maitu nowaꞌanda kapooli daembali anaꞌino Lahataꞌala.

Roma 8:19

Alamu bhalano nefokonandoono Lahataꞌala ini nokamba mpuu lalondo dofenta-fentaa tempono Lahataꞌala namotiumba medando ae anaꞌino.

Roma 8:5

Mie dumadino mangkafino kamanusiano dofekihi kansuhu kapoindalono mbadha, tamaka mie dumadino mangkafino kaatono Rohino Lahataꞌala, sadhia dofekihi kapoindalono Rohino Lahataꞌala.

Roma 8:9

Tamaka hintimiu ingka miinamo dumadiomu angkafi kapoindalono mbadha, dadiomu angkafiomu kaatono Rohino Lahataꞌala, ane kotu-kotuꞌu Rohino Lahataꞌala neate weo totono lalomiu. Mie tapa tumahimano Rohino Kristus, ingka suano fehebuaꞌano Kristus.

Roma 9:26

Ane endefiꞌini mieno seꞌonu liwu dofohatoda, ‘Hintimiu itu suano umatiku’, mada kaowu mie andoa maitu dakumonada anaꞌino Lahataꞌala dumadino.”

Roma 9:8

Aini nokomaꞌana sampuꞌano Abraham tilentuno anaꞌino Lahataꞌala mpahinomo sampuꞌano maiꞌao ne anaꞌi nepodhandiꞌao, suano anaꞌino lumenteno peda anaꞌi sigaoꞌano.

2 Korintus 6:18

“Idi aembali amamiu, hintimiu somo anaꞌiku moꞌane bhe hobhine; pedamo naꞌa bhoasaono Ompu, Fofoliuno Kuasa.”

Galatia 3:26

Hintimiu membalimoomu anaꞌino Lahataꞌala, hampano kaparasaeamiu ne Kristus Yesus.

Galatia 4:5

Katituduꞌano natumolosi mie dumadino weo kuhumano tubhono agama Yahudi, neanomo nasumangke kaita Lahataꞌala so anaꞌino.

Galatia 4:6

Hampano ingka dembalimoomu anaꞌino, Lahataꞌala notudumo Rohino Anano naeate weo totono lalontoomu. Rohi ainimo mekatondalano bhe mokoamano ne Lahataꞌala.

Galatia 5:16

Patudhuku peda aini: dadiomu angkafiomu kaatono Rohino Lahataꞌala, maka paemo mangkafiomu kapoindalono wuto.

Galatia 5:18

Tamaka ane motawakalaomu dadimiu ne Rohino Lahataꞌala, ingka paemo namaraluua mangkafiomu sabhaha tubhono agama Yahudi.

Efesus 1:5

Hampano kanini kaasino, Lahataꞌala tokamo nofotantue wawo, putae namangka ne Yesus Kristus intaodiomu nasumangke kaita dembaliomu anaꞌino. Ingka pedamo naꞌa kapoindalono bhe patudhuno.

Efesus 5:9

Kapaꞌamo maiꞌao we mentaleaꞌano notiumba sabhaha podiu metaa, kaꞌadhili, bhe kabanara.

1 Yohanes 3:1

Fekihi kaitaomu kabhalano kanini kaasino Amantoomu ne intaodiomu sampe nofokonamo anaꞌino. Intaodiomu ingka daanumo anaꞌino Lahataꞌala, kanandooꞌanomo miendo dhunia ini miina dafopandeꞌao mbaꞌinomo miina damandeꞌao Lahataꞌala.

1 Yohanes 3:24

Mie mangkafino pahintano Lahataꞌala dodadi doseꞌise bhe Lahataꞌala, Lahataꞌala noseꞌise bhe andoa. Katipandeꞌaoꞌano Lahataꞌala noseꞌise bhe intaodiomu, hampano padamo nofowaꞌao Rohino.

Powoha 21:7

Sasuka fotalono natumahima kosasawiꞌae ini. Idi aembali Lahataꞌalano, anoa somo anaku.