Roma 7:4 - Muna Southern Dialect

⁴ Pedamo dua hintimiu itu, bhahitieꞌiku. Hampano seꞌiseomu bhe mbadhano Kristus, momatemoomu maiꞌao ne tubhono agama Yahudi ⸤ sampe miinamo nakumuasaikoomu⸥ . Ampa aitu membalimoomu fehebuaꞌano sigaoꞌano, fehebuaꞌano Kristus nefodadi maiꞌao ne mate, neanomo dadintoomu nakofahalaa so Lahataꞌala.

Roma 7:4 Iomraidhean Croise

Matius 26:26

Tangasano dohumaa, Yesus nealamo roti maka nefoampe katumpuno lalo ne Lahataꞌala. Roti anaꞌa nobhebhehaemo maka nowaꞌandae anaguhuꞌino bhe nopugau ambano, “Alaeꞌomu maka humaaꞌeomu, mbadhakumo inia.”

Markus 4:20

Maka o wine mondawuꞌano ne wite menowu, maꞌanano mie metingkeno bhoasaono Lahataꞌala bhe dotahimae weo totono lalondo, sampe nokohasili. Nandoo tolu fulu, nandoo nomo fulu, sampe nandoo dua moꞌono lentuꞌa hasilino.”

Yohanes 15:8

Ane nabhahi bhakemiu, natiwohamo kakalabhiano Amaku. Nadamo anaꞌa hintimiu kotu-kotuꞌumo anaguhuꞌiku.”

Yohanes 3:29

Kohakuꞌaono loꞌia buꞌou hobhine ingka loꞌia buꞌou moꞌane; tamaka sabhangkano loꞌia buꞌou moꞌane neehe-ehe ne sohihino nofeti-fetingkeda. Nowula mpuu lalono ane nofetingke suahano loꞌia buꞌou moꞌane maitu. ⸤ Peda sabhangkano loꞌia buꞌou naꞌa,⸥ idi ini nowulamo mpuu laloku, nosungkumo kaꞌiaku.

Yohanes 6:51

Idimo ini roti dumadino sumampuꞌano maiꞌaono te surugaa. Ane mie naomaa roti aini nadumadi ampa suhue dhamani. Roti so newaꞌaoku maitu dhagiku Wutoku, somo kadadiꞌando dhunia.”

Roma 6:11

Dadiꞌanomo abhi wutomiu momatemoomu maiꞌao ne kuasano dhosa, tamaka dadimoomu so Lahataꞌala weo kaseꞌisemiu bhe Kristus Yesus.

Roma 6:14

O dhosa paemo naembali kafeompuꞌamiu, kapaꞌamo hintimiu miinamo masandeomu ne tubhono agama Yahudi, tamaka pasandeomu ne rahamatino Lahataꞌala.

Roma 6:2

Ingka teteweimo paise! Ingka o dhosa miinamo nafokuasaia, tapedamo mie mate ⸤ miinamo dakodhosaa⸥ . Dadiꞌanomo nada amai dua dadumadiomu kansuhu weo dhosa?

Roma 6:22

Tamaka ampa aitu padamo dofobebasikoomu maiꞌao ne dhosa maka membalimoomu bhatuano Lahataꞌala. Labamiu naeowaangkoomu dadi mongkilo, kaopuliꞌano dadi suhue dhamani.

Roma 7:3

Tamaka ane moꞌaneno nandoo nodadi, gahaꞌa hobhine aitu nogaa toha bhe moꞌane sigaoꞌano, ingka dokonae nomonsule. Ampamo kaowu ane moꞌaneno nomatemo, hobhine aitu nobebasimo ne tubhono kagaa; mahinggamo nagumaa toha bhe moꞌane sigaoꞌano, miina namonsulea.

Roma 7:6

Tamaka ampa aitu domatemoomu maiꞌao ne tubhono agama Yahudi, dobebasimoomu maiꞌao ne tubho fokuhumano. Ampa aitu intaodi dofeompu ne Lahataꞌala doangkafi tubho buꞌou, tubhono Rohino Lahataꞌala; miinamo damangkafi tubho ngkodau tibuhino weo Kitabi.

Roma 8:2

Kapaꞌamo noangka ne Kristus Yesus, tubhono Rohino Lahataꞌala meowano dadi padamo nofobebasikoomu maiꞌao ne tubhono dhosa bhe mate.

1 Korintus 10:16

Wakutuuno dofohoꞌuomu angguru poowa defoampe katumpuno lalo ne Lahataꞌala hampano kampohoꞌuꞌa anaꞌa, ingka tandanomo kaseꞌisentoomu bhe heano Kristus. Wakutuuno dopobheha-bhehaomu roti maka dohumaaꞌe, ingka tandanomo kaseꞌisentoomu bhe mbadhano Kristus.

2 Korintus 11:2

Nokondua laloku ne hintimiu tapedamo wutono Lahataꞌala. Hintimiu tapedamo seemie kalambe mongkilo, padamo apodhandi amogaakoomu bhe seemie moꞌane, ingka wutono Kristus.

Galatia 3:13

Tamaka Kristus padamo nofobebasi kaitaomu maiꞌao ne balaano tubhono agama Yahudi, kapaꞌamo notibuhi weo Kitabi, “Nobalaamo mie nekantai te sau salipu.” Dadiꞌanomo Anoamo tumanggoino balaa so intaodiomu.

Galatia 5:18

Tamaka ane motawakalaomu dadimiu ne Rohino Lahataꞌala, ingka paemo namaraluua mangkafiomu sabhaha tubhono agama Yahudi.

Efesus 2:15

Kapaꞌamo mateno Kristus peda seemie manusia nofosaliemo tubhono agama Yahudi bhe sabhaha pahinta bhe atorano. Patudhuno neanomo bansano liwu haa onuno ini daembali naseꞌonu bansano liwu buꞌou seꞌiseno bhe Kristus. Pedamo naꞌa neowa pometaaꞌa.

Filipi 1:11

Maꞌanano dadimiu naoponoꞌao podiu metaa nehabuno Yesus Kristus, nada sau kobhake metaano. Kosasawiꞌae ini somo damekakalabhiaꞌao bhe damudhiꞌao Lahataꞌala.

Filipi 4:17

Ampamo kaowu suano kawaꞌaomiu naꞌa neꞌondofikua, tamaka hasilino habu metaamiu, kanggetu so katubhahino ponambomiu mada kaowu.

Kolose 1:10

Ane nada naꞌa, dadimiu namantasimo peda mie mangkafino Ompu bhe mekaꞌiano lalono Lahataꞌala. Kobhakeomu weo habu metaamiu, sampe sedhuluꞌa dua mandeꞌaoꞌomu Lahataꞌala.

Kolose 1:22

Tamaka ampa aitu hampano mateno Anano peda seemie manusia, Lahataꞌala nopometaaꞌangkomoomu. Nadamo anaꞌa Kristus namowakoomu ne wiseno Lahataꞌala, naongkilo bhe namoinda totono lalomiu, paemo kodengo-dengoomua.

Kolose 1:6

Bhihita Metaa ini ingka nohatokomoomu dua. Ne kosekaꞌewaꞌae dhunia sadhulu kaꞌewa nolele bhe sadhulu kabhahi hasilino ⸤ maꞌanano sadhulu kabhahi mie marasaeano ne Kristus bhe notibhalii podiundo⸥ . Pedamo dua anaꞌa ne hintimiu, notanda oleo kabhao-bhaono fetingkeomu bhe kotu-kotuꞌu pandeꞌaoꞌomu kanini kaasino Lahataꞌala.

Kolose 2:14

Hampano miina damangkafiomu pahintano Lahataꞌala, nandoo fomobhieꞌaono bhe fonantiꞌaono, tapedamo buhino dosa. Gahaꞌa bhahi-bhahiꞌae naꞌa nofosaliemo Lahataꞌala, kanggetumo o suha anaꞌa nokantaiꞌemo te sau salipu sampe sabhaha nemobhieꞌao nowolomo.

Kolose 2:20

Ingka momatemoomu poowa bhe Kristus maka mobebasimoomu maiꞌao ne rohi kumuasaino dhunia ini. Noafaꞌao dua gahaꞌa nandoo dadiꞌaoꞌomu peda mie nekuasaino dhunia ini? Noafa gahaꞌa taꞌotuhumoomu ne sabhaha atorano dhunia?

Ibrani 10:10

Hampanomo kapoindalono Lahataꞌala nedhalangino Kristus naꞌa, intaodi dofekangkilo kaitaomu maiꞌao ne sabhaha dhosa, noangka ne kapopangano wutono Yesus Kristus, sepaku kaowu ampa suhue dhamani.

1 Petrus 2:24

Mbadhano wutono Kristus notongkue bhahi-bhahiꞌae dhosantoomu, sampe dokantaiꞌe te sau salipu. Patudhuno neanomo intaodiomu dabebasiomu maiꞌao ne kuasano dhosa bhe dadintoomu naposahataa bhe kapoindalono Lahataꞌala. Ingka kakowembe-wembenomo mbadhano Kristus mekaꞌuhikoomu.

Powoha 19:7

Fowula kaitaomu lalontoomu, moꞌia kaitaomu bhe fekakalabhia kaitaomu Lahataꞌala! Kapaꞌamo oleono kagaaꞌano Anano Dhumba nohatomo, loꞌia buꞌou hobhine notokamo kakanuno.

Powoha 21:9

Nomaimo seemie malaꞌekati nomaiꞌao ne malaꞌekati pipituno maitu. Malaꞌekati andoa ini meintahanomo mangko fitu wokano moponoꞌaono fitu honda balaa kafetompaino. Anoa nopugau ne idi ambano, “Mai se ini, amotiwohaangko loꞌia buꞌou, hobhineno Anano Dhumba.”