Roma 7:25 - Muna Southern Dialect

²⁵ Foampe kaitaomu katumpuno lalo ne Lahataꞌala, kasalamati aini noowae Yesus Kristus Ompuntoomu. Dadiꞌanomo peda aini koeateno dadiku ini: totono laloku nofeompu ne tubhono Lahataꞌala, tamaka mbadha kamanusiaku nofeompu ne tubhono dhosa.

Roma 7:25 Iomraidhean Croise

Matius 1:21

Maria nakoanaꞌao moꞌane, maka kumonae Yesus, kapaꞌamo Anoamo so mosalamatino umatino maiꞌao ne dhosando.”

Roma 6:14

O dhosa paemo naembali kafeompuꞌamiu, kapaꞌamo hintimiu miinamo masandeomu ne tubhono agama Yahudi, tamaka pasandeomu ne rahamatino Lahataꞌala.

Roma 6:17

Tamaka aitu foampe kaitaomu katumpuno lalo ne Lahataꞌala! Kapaꞌamo endefiꞌini hintimiu daanumo membaliomu bhatuano dhosa, tamaka ampa aitu sampuu-mpuu lalomiu angkafimoomu kafoinaꞌu metaa netahimamiu.

Roma 8:2

Kapaꞌamo noangka ne Kristus Yesus, tubhono Rohino Lahataꞌala meowano dadi padamo nofobebasikoomu maiꞌao ne tubhono dhosa bhe mate.

1 Korintus 15:57

Tamaka foampe kaitaomu katumpuno lalo ne Lahataꞌala fowaꞌaono kafotalo noangka ne Yesus Kristus, Ompuntoomu.

2 Korintus 9:15

Foampe kaitaomu katumpuno lalo ne Lahataꞌala hampano kawaꞌaono pata tikiha-kihano!

Efesus 5:20

Sadhia mefoampeomu katumpuno lalo ne Lahataꞌala Amantoomu weo neano Omputo Yesus Kristus, o ae maka dua neꞌawamiu.

Filipi 3:3

Gahaꞌaitumo sakotuꞌuno intaodiomu ini metahimano kasuna mpuu. Maꞌanano intaodiomu ini nofoato Rohino Lahataꞌala dosombaomu ne Anoa, nowose bhakentoomu hampano nehabuno Kristus Yesus. Pakade miina daposahunaꞌaoꞌomu ne kaengkohaꞌano kamanusia bhe habu metaantoomu.

Filipi 4:6

Koe nokamihi-mihi lalomiu ne ae maka dua. Tamaka sadhia foampeomu kamesalomiu ne Lahataꞌala weo sambahea bhe neatimiu. Kafaraluumiu naꞌa fohatoaneomu Lahataꞌala weo katumpuno lalomiu.

Kolose 3:17

O ae maka dua nehabu bhe nepugauꞌaomiu, habueꞌomu tawa pugauaneomu peda mantasiꞌano so mie mangkafino Ompu Yesus. Habuomu bhahi-bhahiꞌae naꞌa poowa mefoampeomu katumpuno lalo ne Lahataꞌala Amantoomu hampano sabhaha nedhalangino Yesus so hintimiu.

1 Petrus 2:5

Hintimiu tapedamo dua kontu dumadino, dadiꞌanomo undaomu namakekoomu Lahataꞌala so namoeheꞌao lambu so katisombaiꞌano. Ane nada naꞌa, ingka membalimoomu imamu mongkilono mefoampeno kapopanga posahataano bhe lalono Lahataꞌala noangka ne Yesus Kristus.

1 Petrus 2:9

Tamaka hintimiu bansano liwu tipilino, imamu meompuno ne Omputo, bansano liwu mongkilono, umati fehebuaꞌano wutono Lahataꞌala. Lahataꞌala nopilikoomu bhe nobhasikoomu maiꞌao weo kahohondo pesuaꞌomu weo kantalea kumalabhiano, neanomo moleleeꞌomu sabhaha habuno timenteꞌaono.