Roma 7:24 - Muna Southern Dialect

²⁴ Kadaino maka kolauku idi ini! Laꞌae bhahaa so mosalamati kanau maiꞌao ne mbadha meowano mate ini?

Roma 7:24 Iomraidhean Croise

Matius 5:4

Dokodawua mpuu mopeano lalo, kapaꞌamo nalumawesida Lahataꞌala.

Matius 5:6

Dokodawua mpuu mokambano lalo ne kabanara, kapaꞌamo Lahataꞌala namaꞌandae nemokambaꞌaondo.

Lukas 4:18

“Rohino Ompu nokabhinti kanau, mbaꞌinomo padamo nosangke kanau so amosampeꞌao Bhihita Metaa ne mie ngkumaasi-asino. Anoa notudu kanaumo aefolele bhihita putae mie netohongku damobebasida, o kabunto sumuli dafowoha. Notudu kanau dua amobebasi mie nefompina-mpina,

Roma 6:6

Ingka dopandeꞌaanemo, kamanusianto ngkodauꞌano dopongkoemo te sau salipu poowa bhe Kristus, neanomo kuasano dhosa ne mbadhanto nahumansurumo. Dadiꞌanomo paemo namobhatua kaita dhosa.

Roma 8:13

Ane dumadi mangkafiomu kapoindalono mbadha, tetewei momateomu, tamaka ane bhe kuasano Rohino Lahataꞌala ⸤ sadhia⸥ mongkoeꞌomu sabhaha habu modaino mbadha, tetewei dumadiomu.

Roma 8:2

Kapaꞌamo noangka ne Kristus Yesus, tubhono Rohino Lahataꞌala meowano dadi padamo nofobebasikoomu maiꞌao ne tubhono dhosa bhe mate.

Roma 8:23

Suano kaowu taꞌalamu bhalano, intaodiomu dua ini dombaꞌuhu weo totono lalontoomu. Ingka padamo dotahimaomu Rohino Lahataꞌala. Rohimo aini kawaꞌao kabhao-bhaono maiꞌao ne Lahataꞌala, tamaka nandoo dua dofenta-fentaa Lahataꞌala nasumangke kaita daembali anaꞌino bhe namobebasi mbadhantoomu.

Roma 8:26

Pedamo aitu intaodi mie monale notulumi kaita Rohino Lahataꞌala. Kapaꞌamo miina damandeꞌaaneomu peda amai dosambahea bhe o ae so nesambaheaꞌao. Ampamo kaowu wutono Rohi fosambaheaꞌaono, kaꞌuuno miina natibhoasaꞌaoa.

Kolose 2:11

Weo kaseꞌisemiu bhe Kristus, hintimiu padamo dosunakoomu. Ampamo kaowu suano kasuna nekahadhaando limando manusia, tamaka kasuna nekahadhaano Kristus weo totono lalomiu, maꞌanano noaliangkoomu kuasano dhosa we lalomiu.

2 Timotius 4:18

Daanumo Ompu namosalamati kanau maiꞌao ne sabhaha patudhu modai. Anoa namowa kanau asumalamati amesua weo kafopahintaꞌano te surugaa. Nopantasi mpuu damosibhala Lahataꞌala ampa suhue dhamani! Amin.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

Ibrani 2:15

Patudhunomo dua so namobebasiꞌao manusia dumadino peda bhatua sasukae umuhundo, nofobhatuada kateꞌi ne mate.

Powoha 21:4

Lahataꞌala namusuli luundo namopada-padae. O mate paemo nandumandooa, paemo dua bhe kaguguhu, kangkoꞌae tawa kakadee-dee, kapaꞌamo kosasawiꞌae ngkodauꞌano nopalusimo.”