Roma 7:15 - Muna Southern Dialect

¹⁵ Kapaꞌamo miina alumosangie podiuku: metaaꞌano nepatudhuiku miina ahumabuea, gahaꞌa modaiꞌano nebansiku nehabukumo.

Roma 7:15 Iomraidhean Croise

Lukas 11:48

Habumiu naꞌa nokomaꞌanaꞌao akuiꞌomu dua podiundo awuaꞌimiu moasianeomu, kapaꞌamo awuaꞌimiu naꞌa mongkono ana-anabii andoa naꞌa maka hintimiu mekakesano kobuhundo.

Yohanes 15:15

Miinamo akumonakoomu bhatua, kapaꞌamo seemie bhatua miina namandeꞌaane nehabuno kafeompuꞌano. Tamaka akonakoomu sabhangka, hampano padamo afohatoangkoeꞌomu sabhaha nefetingkeku ne Amaku.

Roma 12:9

Kamoasiꞌaomiu ne mie bhaimiu tabeano nahelasi. Fekakodoꞌo wutomiu ne modaiꞌano, fintaha ne metaaꞌano.

Roma 14:22

Fintahakimo fekihi aini weo totono lalomu, wutomu bhe Lahataꞌala kaowu mandeꞌaanea. Nokodawua mie tapa mabhino wutono nokokaꞌala hampano weo fekihino ingka noangkafi metaaꞌano.

Roma 7:16

Ane ahabu tapa nepatudhuiku, nokomaꞌana aꞌuumbetie putae tubhono agama Yahudi maitu netaa.

Galatia 5:17

Kapaꞌamo kapoindalono wuto nopobhansule bhe kapoindalono Rohino Lahataꞌala, kapoindalono Rohino Lahataꞌala nopobhansule bhe kapoindalono wuto. Kohaahondaꞌae ini nopotagali sepaliꞌa sampe miinamo naembalia mehabuomu ampa kapoindalomiu.

2 Timotius 2:19

Ampamo kaowu sandi bhalano nefongkohano Lahataꞌala nomatangka. Te wawono notibuhi bhoasao peda aini, “Ompu nopandeꞌaanda ndo laꞌae fehebuaꞌano”, pakade dua, “Sasuka sumambilino neano Ompu tabeano nahumunsa podiu modaino.”

Ibrani 1:9

Moasiane kabanara, bansie podiu modai. Kanandooꞌanomo o Idi, Lahataꞌalamu, aminakikomo mbali tandano apiliko, awaꞌangko kawulano lalo maka liudamo sabhangkaꞌimu.”

Yakobus 3:2

Kosasawintoomu ini nentela dehabu sabhaha kaꞌala. Mie tapa umalano pugau ingka nosangkamo dadino, nopoolie dua nofewanaki mbadhano.

Yudas 1:23

Agoidaomu mie maiꞌao weo efi, so dosalamatiꞌao. Fotiwohaeꞌomu kabhelano lalomiu ne mie sigaoꞌano dua, tamaka poangka bhe moteꞌiomu. Bansieꞌomu mahingga pakea kapokahakuꞌando dohabu sabhaha modaiꞌano, ⸤ bhahasaa notaihikoomu⸥ .