Roma 6:9 - Muna Southern Dialect

⁹ Kapaꞌamo dopandeꞌaanemo, nopalusi kawanuꞌano maiꞌao ne mate, Kristus paemo namatea, ingka miinamo nakumuasaiꞌe mate.

Roma 6:9 Iomraidhean Croise

Roma 5:14

Mahinggamo peda anaꞌa, notanda ne dhamanino Adam tanohatomo dhamanino Musa, manusia nokuasaida mate. Mahinggamo mie tapa mekangkalaꞌino pahinta peda nehabuno Adam, nokuasaidamo dua mate. Adam ini sandahanomo dua seemie so humatono malusi anoa.

Roma 6:10

Mateno Kristus so ⸤ natumaloꞌao⸥ dhosa, mateno naꞌa ingka sepaku kaowu ampa suhue dhamani; ampa aitu nodadi, maka nodadi so Lahataꞌala.

Roma 6:14

O dhosa paemo naembali kafeompuꞌamiu, kapaꞌamo hintimiu miinamo masandeomu ne tubhono agama Yahudi, tamaka pasandeomu ne rahamatino Lahataꞌala.

Roma 6:4

Weo kakadiu sarani, intaodiomu domatemo bhe padamo dofokobuhu poowa bhe Kristus, neanomo tapedamo wutono Kristus dofodadie maiꞌao ne mate hampano kuasano Amano kumalabhiano, intaodiomu dua dadumadi weo dadi buꞌou ⸤ te dhunia ini⸥ .

Ibrani 7:16

Anoa dosangkee mbali imamu miina naengkoha ne atorano sampuꞌano manusia, tamaka katisangkeꞌano nengkoha ne kuasano dadi tapa kotompano.

Ibrani 7:25

Dadiꞌanomo Yesus nopooli nofosangka mpuu kasalamatindo manusia maino ne Lahataꞌala doangka ne Anoa. Kapaꞌamo Anoa nodadi suhue dhamani mbalimo fosambaheaꞌaono ne Lahataꞌala.

Powoha 1:18

Idimo dumadino, padamo amate, tamaka ondo kanau itu, ingka adadimo ampa suhue dhamani. Idimo mintahano kunsino mate bhe dhuniano mate.